फिलिप्‍पि 4:1 - चितवनिया थारु

¹ उहेसे मोर प्रियसभ, मुइ तोहराके प्रेम करसहिँ हसे तोहराके भेटेके इछा करसहिँ। तोहराहिँ मोरके आनन्‍द देले बडह हसे तोहराहिँ मोर कामक इनाम हखह। मोर प्रियसभ, तोहरा प्रभुमा डटके रहिह।

फिलिप्‍पि 4:1 Iomraidhean Croise

मतिक लिखल सुसमाचार 10:22

मोर कारनसे तोहराके जम्‍मे मन्‍सावाह घिना करतइ, बाकि जुने वराटिलइ डटके रहतइ उअ उद्धार पउतइ।

युहन्‍ना 8:31

येसुजि हुनेमा विस्‍वास करलहरा यहुदि यगुवासभके कहलसि, “यगर तोहरा मोर वचन मनते रहबह जउँ, तोहरा सदियो मोर चेला हखह।

प्रेरित 11:23

उअ एन्‍टिओखियामा पुगके परमेस्‍वर वहवाँक मन्‍सावानिके करलि अनुग्रह देखके खाँ खुसि भेलिय। तब उअ हुनुकाके जम्‍मे हृदयसे प्रभुमा विस्‍वासिलो रहिह कहके उत्‍साह देलिय।

प्रेरित 14:22

हुनुका वहवाँ भेलि प्रभुक चेलवानिक आत्‍माके बरियार बनोलइ हसे विस्‍वासमा सबदिन यटल रहेके तहिँया हुनुकाके सहास देके, यसके कहलइ, “हमरा परमेस्‍वरक राजमा जायके तहिँया खाँ दुःख-कस्‍ट सहे परतइ।”

प्रेरित 2:42

वकरपाछा, जम्‍मे विस्‍वासिवाह प्रेरितवानिक सिछा, सङगति, प्रभु-भोज हसे परथानामा जुन बितोइरहइ।

रोमि 2:7

जुन मन्‍सेसभ भलाइक काम करके महिमा, इज्‍जत हसे सबदिन रहना जिवन खोजसइ, परमेस्‍वर हुनुकाके अनन्‍त जिवन देबसि।

१ कोरिन्‍थि 15:58

उहेसे मोर प्रिय भयवाह, विस्‍वासमा बरियार हसे यटल रहिह। प्रभुक काममा सबदिन बढते जइह, केहकेकि तोहरा जनसह कि, प्रभुक तहिँया तोहार करलि मेहनत व्‍यरथमा नाहिँ जेतइ।

१ कोरिन्‍थि 16:13

चेतले रहके विस्‍वासमा डटके रहिह। सहासि भके बरियार हखिह।

२ कोरिन्‍थि 1:14

यखनि तोहरा हमार बारेमा पुरा हइने बुझले बडह, बाकि तोहरा पुरा बुझबह कहके यासा करसहिँ। प्रभु येसु ख्रिस्‍ट यइलि दिनवामा तोहरा हमार बारेमा गरव करबह, जसने हमरा तोहार बारेमा गरव करसहुँ।

गलाति 5:1

ख्रिस्‍ट हमराके व्‍यवस्‍थाक बन्‍धनसे छुटकारा देके स्‍वतन्‍तर बनोले बडसि। उहेसे डटके रहिह हसे यहुदि रितिथितिक दास फेरि झिन बनिह।

फिलिप्‍पि 1:27

मुख्‍य बात इअ हखइ कि, तोहार जिवन ख्रिस्‍टक सुसमाचारक तहिँया योग्‍यक हखइ। उहेसे मुइ तोहराके भेटले फेनि, हइने भेटले फेनि तोहरा एगुडा उदेस्‍य लेके डटके बडह हसे एके मन भके सुसमाचारक विस्‍वासक तहिँया परिसरम करइबडह कहके मुइ सुने पाउ।

फिलिप्‍पि 1:8

इअ बिसयमा परमेस्‍वर मोर साछि बडसि कि, तोहरा जम्‍मे जनके फेरि देखेके खाँ इछा रहलइ, केहकेकि मुइ तोहराके प्रेम करसहिँ, जसने येसु ख्रिस्‍ट प्रेम करससि।

फिलिप्‍पि 2:16

तोहरा अनन्‍त जिवन देना खुसिक समाद मन्‍सावानिके सुनोइह। यसके करबह जउँ, मोर दुःख सहते करलि कमवा वसहि हइने गेलइ कहके ख्रिस्‍ट यवइकि मुइ गरव करे सकबहि।

फिलिप्‍पि 2:26

तोहरा जम्‍मे जनके भेटेके वकर खाँ इछा बडइ। उअ मनियाइल बडिय कहलि बतवा तोहरा सुनले बडह कहके उअ चिन्‍ता करइ बडिय।

कल्‍लसि 4:12

तोहारमधे एक जन भाइ, येसु ख्रिस्‍टक दास इपाफ्रास फेनि तोहराके अभिवादन पठोले बडिय। तोहरा परमेस्‍वरक जम्‍मे इछा पुरा रुपसे माने सकह हसे पाका भके स्‍थिर हखे सकह कहके उअ तोहार तहिँया सबदिन खाँ परथाना करइ रहसिय।

१ थेसलोनिकि 3:13

परमेस्‍वर तोहार हृदयके बरियार बनादिय, ताकि हमार प्रभु येसुजि यापन जम्‍मे पवितर जनसाङे फेरि यवइकि हमार परमेस्‍वर पिताक यागा तोहरा पवितर हसे निरदोस हखबह।

२ थेसलोनिकि 2:15

उहेसे, प्रियसभ, विस्‍वासमा बरियार भके डटके रहिह हसे हमार मुहवासे सुनलि हखइ कि चिठियासे हखइ, हमार सिखोलि जम्‍मे सिछासभ डउलसे पालन करिह।

२ तिमोथि 2:1

मोर सोगावल बेटा तिमोथि, येसु ख्रिस्‍टमा भेलि अनुग्रहसे तुइ बरियार हखसि,

हिब्रु 10:23

हमार स्‍विकार करलि यासामा नाहिँ ढलफलाके लागलरहुँ, केहकेकि जुने प्रतिग्या करले बडसि हुने विस्‍वासयोग्‍य बडसि।

हिब्रु 3:14

यगर हमरा सुरुमा ख्रिस्‍टमा भरोसा करले नहिँया याखिरलइ हमार जिवनमा विस्‍वासके बचाके रखबहुँ जउँ, हमरा ख्रिस्‍टसाङे सझिया हकदार हखबहुँ।

हिब्रु 4:14

हमार एक जन महान प्रधान पुजेरि बडसि, जुने स्‍वरगमा गेल बडसि हसे हुनेहिँ परमेस्‍वरक पुतर येसु हखसि। उहेसे हमार करलि विस्‍वासमा याको स्‍थिर भके रहुँ।

२ पतरुस 3:17

बाकि मोर प्रियसभ, तोहरा इअ बतवा पहिनहिँसे जनलेसे चेतले रहिह, तब दुस्‍ट मन्‍सावाह तोहराके यलमलावे नाहिँ पउतइ हसे तोहार दृढ विस्‍वास कमजोर नाहिँ हतइ।