फिलिप्‍पि 3:8 - चितवनिया थारु

⁸ सदियो कहले येसु ख्रिस्‍ट मोर प्रभु हखसि कहके चिने पावेके बहुमुल्‍य बातक तुलनामा मुइ जम्‍मे चिजुके बेकामक ठानसहिँ। हुनेके पावे सकहि कहके मुइ जम्‍मे चिजु त्‍याग देले बडहिँ हसे उअ जम्‍मे चिजु घुर नहिँया सम्‍झसहिँ,

फिलिप्‍पि 3:8 Iomraidhean Croise

लुका 1:43

मुइ कुन हखहि जे तुइ मोर प्रभुजिक दाओ भके फेनि मोरके भेटे यलहिँ?

लुका 11:20

यगर मुइ परमेस्‍वरक सक्‍तिसे भुतवानिके निकडोसहि जउँ, परमेस्‍वरक राज तोहार बिचा यासकल बडइ।

युहन्‍ना 14:20

उअ दिन तोहरा जनबह कि, मुइ मोर पितामा बडहिँ, तोहरा मोरमा बडह हसे मुइ तोहारमा बडहिँ।

युहन्‍ना 14:7

यगर तोहरा मोरके चिनले रहतह, मोर पिताके फेनि चिनतह। याबेसे तोहरा हुनेके चिनले हसे हुनेके देखले बडह।”

युहन्‍ना 16:3

हुनुका नत पिताके चिनले बडइ, न मोरके चिनसइ। उहेसे हुनुका यसनुक करतइ।

युहन्‍ना 17:3

अनन्‍त जिवन इहे हखइ कि, यपनहुँ एक मतरे सत्‍य परमेस्‍वरके चिनेके हसे यपनहुँक पठोलि येसु ख्रिस्‍टके फेनि चिनेके हखइ।

युहन्‍ना 17:8

केहकेकि यपनहुँक देलि सिछा मुइ हुनुकाके देले बडहिँ हसे हुनुका उअ स्‍विकार करलइ। मुइ यपनहुँसे याइल हखहि कहके हुनुका सदियो जनले बडइ हसे यपनहुँ मोरके पठोले हखहुँ कहके हुनुका विस्‍वास फेनि करले बडइ।

युहन्‍ना 20:13

तब हुनुका मरियमके पुछलइ, “अरि बहिनिया, तुइ केहके कनइ बडहि?” मरियम हुनुकाके कहलिय, “हुनुका मोर प्रभुके लिगले बडइ हसे कहवाँ रखले बडइ कहके मोर हइने थाह बडइ।”

युहन्‍ना 20:28

तखनहिँ थोमा हुनेके कहलिय, “मोर प्रभु हसे मोर परमेस्‍वर!”

प्रेरित 20:24

ताफेनि मुइ जसने यापन दउड पुरा करे सकहि हसे परमेस्‍वरक अनुग्रहक खुसिक समादक गवाहि देवेके तहिँया जुन सेवाक कमवा प्रभु येसुजिसे बडहिँ, उअ पुरा करे सकहि कहके मुइ यापन जिन्‍गिके किहो मोलक हइने सम्‍झसहिँ।

रोमि 8:18

मोर विचारमा, इअ जिवनमा हमार भोगलि कस्‍ट हमार पाछेसे पउना समानसाङे दजइकि किहो फेनि हइने बडइ।

रोमि 8:39

न वपरा यकसवा हसे न तर धरतियामा भेलि सक्‍तिसभ, न सिरिस्‍टि भेलि कुनहुँ सक्‍ति येसु ख्रिस्‍ट हमार प्रभुमा भेल परमेस्‍वरक प्रेमसे हमराके यलग करे सकतइ।

१ कोरिन्‍थि 2:2

केहकेकि तोहारसाङे रहइकि येसु ख्रिस्‍ट हसे हुनेक क्रुसवामा टङलि बतवा बाहेक याको किहो बात नाहिँ फदकेके मुइ निरनय करले रहलहिँ।

१ कोरिन्‍थि 9:10

कथि हुने इअ हमार तहिँया हइने कहले हखसि त? हँ, इअ बतवा हमरे तहिँया कहाइल हखइ, केहकेकि खेतवा जोतलाहरा किहो यासा राखके जोतसिय हसे दउरि करलहरा किहो पउबहि कहके दउरि करसिय।

२ कोरिन्‍थि 4:4

ख्रिस्‍ट जुने परमेस्‍वरक स्‍वरुप हखसि, हुनेक महिमित सुसमाचारक ज्‍योतिके झिन देखइ कहके इअ संसारक देउतवा सइतनवा, ख्रिस्‍टमा विस्‍वास हइने करलहरा मन्‍सावानिक बुझ्‍ना सक्‍तिके यान्‍हर बनादेले बडिय।

२ कोरिन्‍थि 4:6

केहकेकि जुन परमेस्‍वर, “यन्‍हारसे इजोर चमकइ” कहके कहलसि, हुने ख्रिस्‍टक मोहडवामा प्रकास भेल परमेस्‍वरक महिमित ग्‍यानक ज्‍योति देखावेके तहिँया हमार हृदयमा इजोर चमकोले बडसि।

गलाति 1:16

परमेस्‍वरक खुसि लगलइ कि मोरसे अयहुदियानिक बिचा हुनेक बारेमा परचार हखे सकइ कहके यापन पुतरके मोर लघिना परकट करलसि। तखनहिँ मुइ कुनहुँ मन्‍सेसाङे वकर बारेमा ककरहुँके पुछभाख हइने करलहिँ।

एफिसि 4:13

जखनिलइ हमरा जम्‍मे जन विस्‍वास हसे परमेस्‍वरक पुतरक ग्‍यानमा एक हइने भेल बडहुँ तके पाका मन्‍से भके ख्रिस्‍टक भरिपुरनतामा नाहिँ पुगबहुँ, इअ कमवा हमरा करइरहे परतइ।

फिलिप्‍पि 1:1

येसु ख्रिस्‍टक दास पावल हसे तिमोथिवरिसे, फिलिप्‍पि सहरवामा रहलहरा परमेस्‍वरक उअ पवितर जनसभ जुने येसु ख्रिस्‍टमा एक भेल बडइ, मन्‍डलिक बिसपसभ हसे डिकनसभके इअ चिठिया लिखइ बडहुँ।

फिलिप्‍पि 3:10

मुइ ख्रिस्‍टके हसे हुनेक पुनरुत्‍थानक सक्‍तिके डउलसे जाने सकुँ हसे हुनेक मृत्‍युमा हुने नहिँया भके हुनेक दुःखवामा सहभागि हखे सकुँ।

फिलिप्‍पि 3:12

मुइ जम्‍मे यगाहे चिजु करसकलहि कि, मुइ सिद्ध भेसकलहि कहके हइने कहइ बडहिँ, बाकि मुइ उअ चिजुवा पकडेके तहिँया यागा बढइ बडहिँ, जुन चिजुक तहिँया ख्रिस्‍ट मोरके छानलसि। मुइ हुनेक नहिँया हखे सकहि कहके छानलसि।

फिलिप्‍पि 3:7

बाकि जथि बात मोर तहिँया फाइदाक रहलइ, उअ त ख्रिस्‍टक खातिर हानि ठानलहिँ।

२ तिमोथि 4:6

केहकेकि मुइ त भोग हखे जाइ बडहिँ हसे मोर बिदा हखेके जुन लजिके यासकल बडइ।

हिब्रु 3:14

यगर हमरा सुरुमा ख्रिस्‍टमा भरोसा करले नहिँया याखिरलइ हमार जिवनमा विस्‍वासके बचाके रखबहुँ जउँ, हमरा ख्रिस्‍टसाङे सझिया हकदार हखबहुँ।

१ पतरुस 2:7

उहेसे तोहरा जुने विस्‍वास करले बडह तोहार तहिँया त हुने बहुत मोलक बडसि, बाकि विस्‍वास हइने करलहरानिक तहिँया, “जुन पत्‍थरवाके घरवा बनोलहरा मिस्‍तिरियाह काम हइने लगना कहके तिरा देलइ उहे पत्‍थरवा मुख्‍य पत्‍थरा बनलिय।”

२ पतरुस 1:2

परमेस्‍वरक हसे प्रभु येसुक ग्‍यानसे, अनुग्रह तके सान्‍ति तोहारमा प्रसस्‍त रुपमा हखइ।

२ पतरुस 1:3

जुने यापन महिमा हसे भलाइसे हमराके बलोले बडसि, उअ परमेस्‍वरके हमरा चिनलेसे, हुने यापन इस्‍वरिय सक्‍तिसे हमराके इस्‍वरिय जिवन जिएके जम्‍मे चाहिँ लगना चिजु देले बडसि।

२ पतरुस 1:8

यगर इअ गुडसभ तोहारमा प्रसस्‍त रुपमा बढते जेतइ जउँ, तोहरा हमार प्रभु येसु ख्रिस्‍टक ग्‍यानमा पुरनता पावेकेमा सक्रिय हखके फर फरोबह।

२ पतरुस 3:18

बरु हमार प्रभु हसे मुक्‍ति देलाहर येसु ख्रिस्‍टक अनुग्रह हसे हुनेक लजिके सम्‍बन्‍धमा हमरा बढते जाए सकुँ। हुनेक महिमा यखनि हसे सबदिन हखइ। आमेन।

१ युहन्‍ना 1:3

हमरा जथि देखले हसे सुनले बडहुँ, हमरा उअ तोहराके परचार करबहुँ, ताकि हमारसाङे तोहार सङगति हखइ। हमार सङगति त पिता हसे हुनेक पुतर येसु ख्रिस्‍टसाङे बडइ।

१ युहन्‍ना 2:19

हुनुका हमार मन्‍डलियासे निकडके गेलइ, वास्‍तवमा हुनुका हमार दाफाक मन्‍से हइने रहलइ। यगर हुनुका हमार दाफाक मन्‍से हतिय त हमरेसाङे रहतिय। हुनुका हमार हइने रहलइ कहके परमानित करेके तहिँया हमराके छाडके गेलइ।

१ युहन्‍ना 5:20

हमार थाह बडइ कि, परमेस्‍वरक पुतर यासकल बडसि हसे सत्‍य परमेस्‍वरके चिने सकुँ कहके हमराके हुने समझ सक्‍ति देले बडसि। हमरा येसु ख्रिस्‍टमा भेलेसे सत्‍य परमेस्‍वरमा बडहुँ। हुनेहिँ सत्‍य परमेस्‍वर हसे अनन्‍त जिवन हखसि।