फिलिप्‍पि 3:6 - चितवनिया थारु

⁶ मुइ यहुदि व्‍यवस्‍थामा यतुरा उत्‍साहित रहलहिँ कि, जुने ख्रिस्‍टमा विस्‍वास करले रहलइ हुनुकाके मुइ खाँ सतोलहिँ। यगर कुनहुँ गल्‍ति नाहिँ करके पुरा रुपमा आग्‍या पालन करतइ जउँ, मुइ निरदोस रहलहिँ।

फिलिप्‍पि 3:6 Iomraidhean Croise

मतिक लिखल सुसमाचार 23:25

“अरे कपटि व्‍यवस्‍थाक-गुरुसभ हसे फरिसियाह, तोहराके धिकार बडइ! केहकेकि तोहरा छिपवा हसे कचोरवाक बाहरा मिससह, बाकि तोहार भितरा लोभ हसे स्‍वारथसे भरल रहसइ।

मतिक लिखल सुसमाचार 5:20

उहेसे मुइ तोहराके कहबहिँ, यगर तोहरा परमेस्‍वरक आग्‍याके व्‍यवस्‍थाक-गुरुसभ हसे फरिसियानिसे फेनि डउलसे पालन नाहिँ करबह जउँ, तोहरा कबहुँ फेनि स्‍वरगक राजमा पेसे नाहिँ सकबह।

लुका 1:6

हुनुका दुन्‍हुँ जन प्रभु परमेस्‍वरक जम्‍मे आग्या हसे नियम मानके हुनेक लजरियामा धरमि जिन्‍गि बितोइ रहलइ।

प्रेरित 21:20

इअ सुनके हुनुका परमेस्‍वरक बखान करलइ हसे पावलके यसके कहलइ, “हेरहि भयवा, यहवाँ फेनि बहुत हजार यहुदिसभ प्रभु येसुजिमा विस्‍वास करले बडइ तके हुनुका व्‍यवस्‍थामा लिखलि बतवा डउलसे पालन करइ बडइ।

प्रेरित 22:5

इअ मोर कहलि बतवा सदियो हखइ कहके सिदुकि पुजेरिया हसे महासभाक जम्‍मे सदस्‍यवाह फेनि साछि बडइ। मुइ हुनुकरसे दमस्‍कस सहरवाक यहुदियानिक तहिँया लिखल चिठिसभ फेनि पउले रहलहि। उअ चिठियाह लेके मुइ वहवाँ भेलि विस्‍वासिसभके यरुसलेममा यानके सजाय देवेके तहिँया हुनुकाके पकडेके दमस्‍कस सहरवावरि जाइ रहलहि।

प्रेरित 26:5

पहिला मुइ फरिसि कहल यहुदि धरमक एगुडा कट्टर दाफाक मन्‍से रहलहि हसे उहेमा मुइ कट्टर जिन्‍गि बितोहिँ। यगर हुनुका चाहतइ जउँ, यपनहिँ फेनि इअ बतवाक गवाहि देवे सकतइ।

प्रेरित 8:3

बाकि साउल विस्‍वासिसभके खाँ दुःख देवे लगलिय। उअ घरवा-घरवामा जाके येसुजिमा विस्‍वास करलहरा जम्‍मे मरदाना हसे जनिनियानिके घिसियउते झ्‍यालखनवामा थुनदेलिय।

रोमि 7:9

एक समय मुइ व्‍यवस्‍थाक बारेमा हइने जानके यापन हिसाबसे जिवन बितोइ रहलहि, बाकि व्‍यवस्‍थाक कहलि बतवा बुझलेपर मुइ पाप करइ बडहिँ कहके थाह पउलहिँ हसे

१ कोरिन्‍थि 10:32

तोहरा न यहुदियानिक, न ग्रिक मन्‍सावानिक, कि परमेस्‍वरक मन्‍डलियाक तहिँया बाधा देना काम झिन करिह।

१ कोरिन्‍थि 15:9

प्रेरितसभमधे मुइ यपनहिँके सबसे निच सम्‍झसहिँ हसे मुइ प्रेरित कहेके लाइक फेनि हइने बडहिँ, केहकेकि मुइ परमेस्‍वरक मन्‍डलियाके सतोलहिँ।

फिलिप्‍पि 2:15

उहेसे तोहरा बइमान हसे दुस्‍ट पुस्‍ताक बिचा दाग हइने भेल परमेस्‍वरक सन्‍तान नहिँया निरदोस हसे सुद्ध हखिह। जसने तरगनवा यकसवामा चमकसइ, वसने तोहरा फेनि इअ संसारमा हुनुकर बिचा चमके परतइ।

फिलिप्‍पि 3:9

ताकि मुइ हुनेमा एक हखे सकुँ। व्‍यवस्‍था मानके परमेस्‍वरक यागा मुइ धरमि हखे नाहिँ सकबहि, बाकि ख्रिस्‍टमा विस्‍वास करके मतरे परमेस्‍वर मोरके धरमि कहबसि।

१ तिमोथि 1:13

एक समयमा त मुइ परमेस्‍वरक निना करलाहर हसे हुनेमा विस्‍वास करलहरानिके सतोलहर तके यत्‍याचार करलाहर मन्‍से रहलहिँ। बाकि परमेस्‍वर मोरके दाया करलसि, केहकेकि तखनहिँ मुइ विस्‍वास हइने करलेसे इअ जम्‍मे कमवा हइने जानके करले रहलहिँ।