फिलिप्‍पि 3:5 - चितवनिया थारु

⁵ जरमलिक याठ दिनमा मोर खतना भेल हखइ। मुइ इस्राएलक जाति, बेन्‍यामिन कुलक, हिब्रुसे जरमल हिब्रु हखहि। व्‍यवस्‍थाक बिसयमा कहले जउँ, मुइ एगुडा फरिसि हखहि।

फिलिप्‍पि 3:5 Iomraidhean Croise

लुका 1:59

जब बचवा आठ दिनक भेलिय हसे वकर खतना करेके तहिँया जम्‍मे जन जामा भेलइ, हुनुका वकर बाबाक नाउँ नहिँया बचवाक नाउँ जकरिया धरे खोजइ रहलइ।

लुका 2:21

बचवा जरमलिक याठ दिनमा, जब मोसाक व्‍यवस्‍था यनुसार बचवाक खतना भेलइ, हुनेक नाउँ येसु धरेलइ, जुन नाउँ हुने यापन दाओक गरभमा यइलिसे यागा स्‍वरगदुतवा धरेके कहले रहलिय।

लुका 5:38

उहेसे लउठा अंङगुरक मोद लउठि छालक-मसकमा मतरे धरे परसइ।

प्रेरित 22:3

“मुइ किलिकिया छेतरक टार्सस सहरवामा जरमल एगुडा यहुदि मन्‍से हखहि, बाकि इअ यरुसलेम सहरवामा हुर्कल बडहिँ हसे धरम-गुरु गमलिएलसे हमार पुरखासे चलते याइल यहुदि व्‍यवस्‍थाक सिछा डउलसे सिखले बडहिँ। याजु यपनहुँसभ परमेस्‍वरमा जतुरा कट्टर बडहुँ, मुइ फेनि वसने कट्टर रहलहि।

प्रेरित 23:6

जब उअ महासभवामा सदुकियाह हसे फरिसियाह फेनि बडइ कहके पावल थाह पउलिय, तब उअ जबड माहे चिल्‍लाके कहलिय, “हेरह भयवाह, मुइ एगुडा फरिसि हखहि हसे मोर पुरखावाह फेनि फरिसि रहलइ। मरलि मन्‍सावाह फेरि जियसइ कहके मुइ यसरा रखलेसे मोर मुदा चलइ बडइ।”

प्रेरित 6:1

उअ दिनवाहमा, जब प्रभु येसुजिक चेलवानिक संख्‍या बढते गेलइ। तब ग्रिक भासा फदकेलहरा विस्‍वासिसभ हिब्रु भासा फदकेलहरा विस्‍वासिसभसे घुनघुनाए लगलइ, केहकेकि सबदिनक जेउना बटइकि हिब्रु भासा फदकेलहरा विस्‍वासिसभ ग्रिक भासा फदकेलहरा विस्‍वासि विधुवानिके वास्‍ता हइने करलइ।

रोमि 11:1

वसके भेले कथि परमेस्‍वर यापन मन्‍सावानिके त्‍यागले बडसि? हइने त्‍यागले बडसि, केहकेकि मुइ यपनहिँ फेनि इस्राएलि हसे अब्राहमक वंसमा जरमल बेन्यामिन कुलक मन्‍से हखहि।

२ कोरिन्‍थि 11:22

कथि हुनुका हिब्रु हखइ? मुइ फेनि हखहि। कथि हुनुका इस्राएलि हखइ? मुइ फेनि हखहि। कथि हुनुका अब्राहमक सन्‍तान हखइ? मुइ फेनि हखहि।