फिलिप्‍पि 3:3 - चितवनिया थारु

³ केहकेकि परमेस्‍वर एकपल्‍टा हमराके सदि खतना भेल मन्‍सेसभ नहिँया मनले रहलसि, केहकेकि हमरा परमेस्‍वरक आत्‍माक मदतसे हुनेक आराधना करसहुँ हसे येसु ख्रिस्‍टमा गरव करसहुँ। हमरा मन्‍सेसभक बनावल रितिथितिमा भरोसा करे परतइ कहलि हइने मनसहुँ। परमेस्‍वरक गरहनयोग्‍य हखेके तहिँया हमरा उअ रितिथितिसभमा भरोसा हइने करसहुँ।

फिलिप्‍पि 3:3 Iomraidhean Croise

रोमि 1:9

मुइ हृदयसे परमेस्‍वरक पुतरक बारेमा सुसमाचार परचार करके हुनेक सेवा करसहिँ। मुइ परथाना करइकि तोहराके सबदिन सम्‍झसहिँ कहलि बतवाक साछि परमेस्‍वर बडसि।

रोमि 15:17

उहेसे परमेस्‍वरक तहिँया मोर करलि सेवाक बारेमा मुइ येसु ख्रिस्‍टमा गरव करसहिँ।

रोमि 7:6

बाकि याबे हमराके अदलमा रखना व्‍यवस्‍थासे छुटकारा पउले बडहुँ, केहकेकि हमरा ख्रिस्‍टसाङे मरलहुँ। उहेसे याबे हमरा पुरान लिखल व्‍यवस्‍थाक तरिकासे सेवा हइने करसहुँ, बाकि पवितर-आत्‍माक देलि लउठा तरिकासे परमेस्‍वरक सेवा करसहुँ।

रोमि 8:15

केहकेकि हमरा फेरि डरमा रखना आत्‍माक अदलमा हइने, बाकि हमरा परमेस्‍वरक सन्‍तान हखना पवितर-आत्‍मा पउले बडहुँ। उहेसे हमरा परमेस्‍वरके अब्‍बा, बाबा कहके कहे सकसहुँ।

रोमि 8:39

न वपरा यकसवा हसे न तर धरतियामा भेलि सक्‍तिसभ, न सिरिस्‍टि भेलि कुनहुँ सक्‍ति येसु ख्रिस्‍ट हमार प्रभुमा भेल परमेस्‍वरक प्रेमसे हमराके यलग करे सकतइ।

रोमि 9:6

इस्राएलि मन्‍सावाह ख्रिस्‍टमा विस्‍वास हइने करले फेनि परमेस्‍वर हुनुकाके करलि प्रतिग्‍या विफल हइने भेल बडइ, केहकेकि इस्राएलि जातिसे जरमलि जम्‍मे मन्‍सावाह परमेस्‍वरक सन्‍तान हइने हखइ।

२ कोरिन्‍थि 11:18

तोहार बिचा बहुत जन मन्‍से यापन करलि कमवामा घमन्‍ड करलेसे मुइ फेनि मोर कमवामा घमन्‍ड करसहिँ।

गलाति 5:25

यगर पवितर-आत्‍मा हमराके इअ लउठा जिवन देले बडसि जउँ, हमरा फेनि हुनेक कहलि यनुसार करु।

गलाति 6:16

जतेक जन इअ सिछा यनुसार चलसइ, परमेस्‍वरक सान्‍ति हसे दाया हुनुकरमा रहइ। हुनुकहिँ परमेस्‍वरक सदि मन्‍सेसभ हखइ।

एफिसि 6:18

तोहरा सबदिन पवितर-आत्‍माक यगुवाइमा परथाना हसे बिन्‍ति करिह। सबदिन हुसियार रहिह हसे ख्रिस्‍टक जम्‍मे पवितर जनसभक तहिँया लगातार परथाना करते रहिह।

फिलिप्‍पि 1:1

येसु ख्रिस्‍टक दास पावल हसे तिमोथिवरिसे, फिलिप्‍पि सहरवामा रहलहरा परमेस्‍वरक उअ पवितर जनसभ जुने येसु ख्रिस्‍टमा एक भेल बडइ, मन्‍डलिक बिसपसभ हसे डिकनसभके इअ चिठिया लिखइ बडहुँ।

फिलिप्‍पि 3:12

मुइ जम्‍मे यगाहे चिजु करसकलहि कि, मुइ सिद्ध भेसकलहि कहके हइने कहइ बडहिँ, बाकि मुइ उअ चिजुवा पकडेके तहिँया यागा बढइ बडहिँ, जुन चिजुक तहिँया ख्रिस्‍ट मोरके छानलसि। मुइ हुनेक नहिँया हखे सकहि कहके छानलसि।

फिलिप्‍पि 3:14

मुइ लछयवरि मेहनत करके दगुरइ बडहिँ, केहकेकि येसु ख्रिस्‍ट मोर तहिँया उअ पुरस्‍कार पावेके जथि करले बडसि, उअ परमेस्‍वरक स्‍वरगिय बोलावटमा हखइ।

कल्‍लसि 2:11

हुनेमा तोहार खतना भेल बडइ। इअ खतना मन्‍सेक हाथसे हइने भेल हखइ, बाकि ख्रिस्‍टसे तोहार पापि स्‍वभावसे छुटकारा पावल खतना हखइ।

यहुदा 1:20

बाकि प्रियसभ, तोहरा यापन पवितर विस्‍वासमा बरियार भके बढते जइह हसे पवितर-आत्‍माक सक्‍तिमा परथाना करइरहिह।