फिलिप्‍पि 3:2 - चितवनिया थारु

² दुस्‍ट मन्‍सावानिसे हुसियार रहिह जुने कुकुरसभ हखइ, केहकेकि मन्‍सावा खतना नाहिँ करबिय जउँ, उअ उद्धार नाहिँ पउबिय कहके हुनुका जोड देसइ।

फिलिप्‍पि 3:2 Iomraidhean Croise

मतिक लिखल सुसमाचार 24:10

“तब बहुत जन यापन विस्‍वाससे पाछा हटतइ। हुनुका एक-दोसरि जनके धोखा देतइ हसे घिना करतइ।

मतिक लिखल सुसमाचार 7:15

“झुठा अगमवक्‍तावानिसे चेतले रहिह। हुनुका भेडाक भेसमा तोहार लघिना यतइ, बाकि भितरा त हुनुका डेरटावनेक बनकुतासभ नहिँया हसइ।

मतिक लिखल सुसमाचार 7:6

“पवितर चिजुसभ कुकुरानिके झिन दिह, नत फिरके तोहराके कटतइ। यापन मोतियाह सुवरवानिक यागा झिन फकिह, केहकेकि हुनुका टङवासे धङतइ।

रोमि 2:28

केहकेकि मन्‍सावानिके देखावेके तहिँया मतरे यहुदि नियम पालन करलाहर मन्‍से सदियो यहुदि हइने हखइ। वसने देहियामा करलि खतना फेनि सदियो खतना हइने हखइ।

२ कोरिन्‍थि 11:13

केहकेकि यसनुक मन्‍सेसभ झुठा प्रेरितसभ हसे छलि काम करलाहर हखइ। हुनुका हमरा ख्रिस्‍टक प्रेरितसभ हखहुँ कहके छल करसइ।

गलाति 5:13

मोर प्रियसभ, तोहरा यहुदि रितिथितिसे स्‍वतन्‍तर हखेके तहिँया बलावल हखह। बाकि इअ स्‍वतन्‍तरताके यापन पाप स्‍वभाव पुरा करेके तहिँया लाथ लगावेके परयोग झिन करिह, बरु प्रेमसे एक-दोसरि जनक सेवा करिह।

गलाति 5:15

यगर तोहरा एक-दोसरि जनके बनक पसु नहिँया कपटबह हसे लिलबह जउँ याद रखिह, तोहरा एक-दोसरि जनके नास करबह।

गलाति 5:6

यगर हमरा ख्रिस्‍टसाङे एक भेलेसे, हमरा खतना करेके कि खतना नाहिँ करेके किहो बात हइने हखइ, बरु मुख्‍य बात त इअ हखइ कि, हमरा ख्रिस्‍टमा विस्‍वास करसहुँ उहेसे दोसरि मन्‍सावानिके प्रेम करसहुँ।

फिलिप्‍पि 3:19

विनास हुनुकर यन्‍त हखइ, हुनुकर पेटवा हुनुकर देउता हखइ, लाज माने परना बातमा हुनुका घमन्‍ड करसइ। हुनुका यापन मनवा धरतियाक चिजुमा लगोले बडइ।

फिलिप्‍पि 3:3

केहकेकि परमेस्‍वर एकपल्‍टा हमराके सदि खतना भेल मन्‍सेसभ नहिँया मनले रहलसि, केहकेकि हमरा परमेस्‍वरक आत्‍माक मदतसे हुनेक आराधना करसहुँ हसे येसु ख्रिस्‍टमा गरव करसहुँ। हमरा मन्‍सेसभक बनावल रितिथितिमा भरोसा करे परतइ कहलि हइने मनसहुँ। परमेस्‍वरक गरहनयोग्‍य हखेके तहिँया हमरा उअ रितिथितिसभमा भरोसा हइने करसहुँ।

१ तिमोथि 1:19

हसे यापन विस्‍वासमा यटल भके सुद्ध विवेक राखे सकहि। कतेक जन विवेक यनुसार हइने चललेसे हुनुका यापन विस्‍वास अस्‍विकार करले बडइ।

तितस 1:16

“हमरा परमेस्‍वरके चिनसहुँ” कहके हुनुका दाबि करसइ, बाकि यापन कमवासे हुनेके इन्‍कार करसइ। हुनुका घिन लगना हसे आग्‍या हइने मनलाहर हखइ। हुनुका कुनहुँ यसल कामक तहिँया लाइक हइने बडइ।

२ पतरुस 2:22

कुकुरा यापन ढेकचलि फेरि फिरके खाए यसइ हसे लहादेलि सुवरवा फेरि फिरके हिलवामा नडभडढनमन करसइ, कहलि दृस्‍टान्‍त हिनिकरमा ठिक मिलसइ।

यहुदा 1:4

केहकेकि बहुत यागा दन्‍डक भागिदार ठहरल कतेक जन मन्‍सेसभ तोहार बिचा चुपे-चुपे पेससकल बडइ। हुनुका परमेस्‍वरके यादर हइने करसइ हसे हुनेक देलि अनुग्रहके अनइतिक काम करना मउका बनोले बडइ। हुनुका हमार एक मतरे येसु ख्रिस्‍टके प्रभु हसे मालिक हखसि कहके इन्‍कार करसइ।

प्रकास 2:9

मोर तोर कस्‍ट थाह बडइ हसे तुइ गरिब बडहिँ कहके फेनि मोर थाह बडइ। बाकि वास्‍तवमा तुइ परमेस्‍वरक लजरियामा धनि बडहिँ! हुनुका तोहराके कतेक बदनाम करसइ मोर थाह बडइ। मुइ हुनुकाके चिनसहिँ, जुने यपनहिँके यहुदि हखहुँ त कहसइ, बाकि वास्‍तवमा हुनुका हइने हखइ। हुनुका त सइतानक दाफाक मन्‍से हखइ।

प्रकास 21:8

बाकि डरछेरुवासभ, विस्‍वास हइने करलहराह, घिन लगना काम करलहराह, हत्‍याराह, धुचुड करलहराह, मन्‍तरतन्‍तर करलहराह, मुरति पुजा करलहराह हसे झुठा फदकेलहरा जम्‍मे जनक भाग यागि हसे गन्‍धक बरल यागिक भठि हखइ। इअ दोसरो मृत्‍यु हखइ।”

प्रकास 22:15

बाकि उअ सहरवासे बाहरा कुकुरानि नहिँया बानि भेलि, मन्‍तरतन्‍तर करलहराह, धुचुड करलहराह, हत्‍या करलहराह, मुरति पुजा करलहराह हसे असत्‍य बात मन परोलहरा मन्‍सावाह रहतइ।

प्रकास 3:9

हेरह, हमरा यहुदि हखहुँ कहके झुठा फदकेलहरा यहवाँ बडइ। हुनुका सइतानक दाफाक हखइ। हुनुकाके मुइ तोर टङवामा ढोगे लगोबहिँ हसे मुइ तोरके प्रेम करसहिँ कहके हुनुका जनतइ।