फिलिप्‍पि 3:11 - चितवनिया थारु

¹¹ कसहुँकरके मरलहरानि मधेसे मुइ पुनरुत्‍थान हखे सकुँ।

फिलिप्‍पि 3:11 Iomraidhean Croise

लुका 14:14

तब तुइ आसिस पउबहि, केहकेकि हुनुका तोर पइचा तिरे नाहिँ सकतइ। बाकि परमेस्‍वर धरमि मन्‍सावानिक पुनरुत्‍थान हखइखुनि तोरके यकर इनाम देबसि।”

युहन्‍ना 11:24

तब मारथा हुनेके कहलिय, “मोर थाह बडइ कि, याखिर दिनवामा पुनरुत्‍थान हखइकि उअ फेरि जिइ उठबिय।”

प्रेरित 23:6

जब उअ महासभवामा सदुकियाह हसे फरिसियाह फेनि बडइ कहके पावल थाह पउलिय, तब उअ जबड माहे चिल्‍लाके कहलिय, “हेरह भयवाह, मुइ एगुडा फरिसि हखहि हसे मोर पुरखावाह फेनि फरिसि रहलइ। मरलि मन्‍सावाह फेरि जियसइ कहके मुइ यसरा रखलेसे मोर मुदा चलइ बडइ।”

प्रेरित 26:7

इहे प्रतिग्‍याक यसरामा हमार बारह कुल फेनि दिन-रात परमेस्‍वरक सेवा करइ बडइ। उहेसे हे राजा अग्रिपास, परमेस्‍वर येसुमा इअ प्रतिग्‍या पुरा करसकले बडसि कहके मुइ विस्‍वास करलेसे, यहुदियाह मोरके दोस लगोले बडइ।

प्रेरित 27:12

इअ बन्‍दरगाहवामा जाडक जुन बितावेके हइने डउल रहलइ। उहेसे जसके भेले फेनि फोनिक्‍समा पुगेके वहवाँ जाडक जुन बितावेके सल्‍लाह देलइ। फोनिक्‍स क्रेटक एगुडा बन्‍दरगाह हखिय, जुने दखिने-पछिय हसे उतरे-पछियवरि घुमल बडिय।

रोमि 11:14

इअ यासा बडइ कि मोर यपने यहुदि जातिक मन्‍सावानिके डाहि बनावे सकुँ हसे हुनुकरमधे कतेक जन परमेस्‍वरवरि फिरावे सकुँ?

१ कोरिन्‍थि 15:23

बाकि हरेक जन यापन-यापन पलहामा जिउततइ। सबसे पहिला ख्रिस्‍ट हसे ख्रिस्‍ट यइलेपर हुनेमा विस्‍वास करलहरा जिउततइ।

१ कोरिन्‍थि 9:22

कमजोर मन्‍सेसभक बिचा काम करइकि हुनुका ख्रिस्‍टमा विस्‍वास करइ कहके मुइ कमजोरसभ नहिँया भेलहिँ। मुइ जसने कतेक जनके बचावे सकहि कहके जम्‍मे जनक तहिँया जम्‍मे खलिक मन्‍से बनलहिँ।

१ कोरिन्‍थि 9:27

बाकि मुइ यापन देहियाके तह लगाके यापन वंसमा रखसहि, ताकि मुइ याको जनके परचार करइकि मुइ योग्‍य नाहिँ ठहरबहिँ।

२ कोरिन्‍थि 11:3

जसने सइतनवा सपवा यापन चलाखिसे हव्‍वाके छलोलिय, वसने ख्रिस्‍टपर भेलि तोहार सदियो हसे सुद्ध भक्‍तिसे तोहार मनवा फेनि बहकतइ कि कहके मोर डर लगइ बडइ।

१ थेसलोनिकि 3:5

उहेसे मुइ याको सहे हइने सकके, तोहरा विस्‍वासमा बरियार बडह कि हइने कहके बुझेके तहिँया तिमोथिके तोहार लघिना पठोलहिँ। केहकेकि कथि सइतनवा तोहराके परिछा करके हमार करलि मेहनत बेकारमा गेलइ कि कहके मुइ डेरेलहिँ।

२ थेसलोनिकि 2:3

कुनहुँ फेनि तोहराके कसहुँकरके झिन झुकोइ। केहकेकि जखनिलइ मन्‍सावाह परमेस्‍वरक खाँ विरोध नाहिँ करतइ हसे व्‍यवस्‍था-भङ करलाहर, जुने नास हखेके तहिँया बडिय उअ मन्‍सावा देखा नाहिँ परइलइ, उअ दिनवा नाहिँ यतइ।

२ तिमोथि 4:8

याबे परमेस्‍वर मोर तहिँया धारमिकताक मकुट धरदेले बडसि। जुन पुरस्‍कार धरमि प्रभु उअ दिनवामा मोरके देबसि हसे मोरके मतरे हइने, बाकि हुने यबसि कहके हृदयसे इसियलराह जम्‍मे जनके देबसि।

हिब्रु 11:35

विस्‍वास भेलेसे जनिनियाह यापन मरसकलि मन्‍सावानिके फेरि जिउते पउलइ। याको कतेक जन परमेस्‍वर हमराके यसल जिवन देबसि कहके यासा करइ रहलइ। उहे कारन हुनुका छुटकारा इन्‍कार करलइ बरु दुःख भोगे चाहलइ।

प्रकास 20:5

इहे पहिला पुनरुत्‍थान हखइ। बाँकि रहलि याको मरलि मन्‍सावाह एक हजार बरस हइने जिउतेलइ।