फिलिप्‍पि 3:10 - चितवनिया थारु

¹⁰ मुइ ख्रिस्‍टके हसे हुनेक पुनरुत्‍थानक सक्‍तिके डउलसे जाने सकुँ हसे हुनेक मृत्‍युमा हुने नहिँया भके हुनेक दुःखवामा सहभागि हखे सकुँ।

फिलिप्‍पि 3:10 Iomraidhean Croise

मतिक लिखल सुसमाचार 20:23

तब येसुजि हुनुकाके कहलसि, “मोर कचोरवासे तोहरा पिय सकबह, बाकि मोर दहिने हसे लबडिकलहरवा बइठे देवेके अधिकार मोर हइने बडइ। इअ ठउरियाह हुनुकर तहिँया हखइ, जाकर तहिँया मोर पिता तयार पारले बडसि।”

युहन्‍ना 10:18

कुनहुँ फेनि मोर प्रान मोरसे लेवे नाहिँ सकतइ, बाकि मुइ यपने राजिखुसिसे यापन प्रान देसहिँ। यापन प्रान देवेके अधिकार मोरसाङे बडइ हसे फेरि लेवेके अधिकार फेनि बडइ। इअ आग्या मुइ मोर पितासे पउले बडहिँ।”

युहन्‍ना 17:3

अनन्‍त जिवन इहे हखइ कि, यपनहुँ एक मतरे सत्‍य परमेस्‍वरके चिनेके हसे यपनहुँक पठोलि येसु ख्रिस्‍टके फेनि चिनेके हखइ।

रोमि 8:17

हमरा परमेस्‍वरक सन्‍तान भेलेसे हकवाला फेनि हखहुँ, हुनेक हकवाला हसे ख्रिस्‍टसाङे सझिया हकवाला हखबहुँ। हमरा ख्रिस्‍टक भोगलि दुःखवा नहिँया दुःख भोगबहुँ जउँ, ख्रिस्‍टसाङे यादरमा फेनि सहभागि हखबहुँ।

रोमि 8:29

परमेस्‍वर यापन बलोलि मन्‍सावानिके पहिलहिँसे चिनले रहलसि। परमेस्‍वर हुनुकाके यापन पुतर ख्रिस्‍ट नहिँया हखइ कहके इछा करलसि। यसके ख्रिस्‍ट बहुत जनक जेठ ददेर भेलसि।

रोमि 8:36

जसने धरमसास्‍तरवामा लिखाइल बडइ, “हमरा यपनहुँमा विस्‍वास करलेसे हमराके दिन-दिन मारे खोजसइ। हमरा काटे लिगइकि भेडा नहिँया बडहुँ।”

२ कोरिन्‍थि 1:10

हुने हमराके मृत्‍युक खतरासे बचोले बडसि हसे बचोबसि तके हुनेमा हमरा फेरि बचबहुँ कहके यासा करले बडहुँ।

२ कोरिन्‍थि 1:5

हमरा जतुरा बहुत ख्रिस्‍टक तहिँया दुःख भोगसहुँ, परमेस्‍वर हमराके ख्रिस्‍टसे उतुरे बहुत सान्‍त्‍वना देससि।

२ कोरिन्‍थि 13:4

केहकेकि हुने कमजोर हखइकि क्रुसमा टङेलसि, बाकि परमेस्‍वरक सक्‍तिसे हुने जिउतलसि। हमरा फेनि हुने नहिँया कमजोर भेल बडहुँ, बाकि परमेस्‍वरक सक्‍तिसे ख्रिस्‍टक लउठा जिवन हमारमा फेनि बडइ हसे उहे जिवनक सक्‍ति तोहारसाङे ब्‍यवहार करइकि देखेतइ।

गलाति 2:20

मुइ ख्रिस्‍टसाङे क्रुसवामा मरल नहिँया बडहिँ हसे याबे मुइ हइने बरु ख्रिस्‍ट मोरमा जियइ बडसि। जुन जिवन मुइ यखनि इअ देहियामा जियइ बडहिँ, उअ मुइ परमेस्‍वरक पुतरमा विस्‍वास करके जियइ बडहिँ, जुने मोरके प्रेम करके यापन जिवन मोर तहिँया देलसि।

गलाति 6:17

याखिरमा, मुइ इअ कहबहिँ कि, याबेसे तोहरा वसनुक झुठा सिछा सुनके कुनहुँ फेनि मोरके दुःख झिन दिह, केहकेकि मोर देहियामा बोकलि घाउसभक खतक चिन्‍हासभ मुइ ख्रिस्‍ट येसुक दास हखइ कहके देखोसिय।

एफिसि 4:13

जखनिलइ हमरा जम्‍मे जन विस्‍वास हसे परमेस्‍वरक पुतरक ग्‍यानमा एक हइने भेल बडहुँ तके पाका मन्‍से भके ख्रिस्‍टक भरिपुरनतामा नाहिँ पुगबहुँ, इअ कमवा हमरा करइरहे परतइ।

फिलिप्‍पि 3:8

सदियो कहले येसु ख्रिस्‍ट मोर प्रभु हखसि कहके चिने पावेके बहुमुल्‍य बातक तुलनामा मुइ जम्‍मे चिजुके बेकामक ठानसहिँ। हुनेके पावे सकहि कहके मुइ जम्‍मे चिजु त्‍याग देले बडहिँ हसे उअ जम्‍मे चिजु घुर नहिँया सम्‍झसहिँ,

कल्‍लसि 1:24

यखनि मुइ तोहार तहिँया कस्‍ट भोगइकि खुसि बडहिँ, केहकेकि ख्रिस्‍ट मन्‍डलिक तहिँया भोगलि कस्‍टसभके मुइ मोर देहियामा भोगके पुरा करबहिँ।

कल्‍लसि 2:13

तोहरा पाप करलेसे हसे व्‍यवस्‍था यनुसार खतना हइने करल अयहुदि मन्‍से भेलेसे एक समयमा तोहरा आत्‍मिकि रुपमा मरल रहलह। बाकि यखनि परमेस्‍वर तोहराके ख्रिस्‍टसाङे जिउतोले बडसि तके हमार जम्‍मे पाप छमा करदेले बडसि।

कल्‍लसि 3:1

उहेसे, यगर तोहरा ख्रिस्‍टसाङे जिउताइल बडह जउँ, स्‍वरगक चिजुसभक खोजि करिह, जहवाँ ख्रिस्‍ट परमेस्‍वरक दहिनिकलहरवा बेठल बडसि।

१ पतरुस 1:3

हमार प्रभु येसु ख्रिस्‍टक पिता, परमेस्‍वरक प्रसंसा हखइ। हुनेक महान दायासे हमरा लउठा जनम पउले बडहुँ, केहकेकि हुने येसु ख्रिस्‍टके मरलिसे जिउतोलसि, उहेसे हमरा फेनि हुनेसाङे जियबहुँ कहके हमार जिउते यासा बडइ।

२ पतरुस 1:13

मुइ इअ देहियामा जियइलइ तोहराके इअ बतवा सम्‍झोइ रहबहिँ कहके मोर ठिक लगसइ।

१ युहन्‍ना 2:3

यगर हमरा परमेस्‍वरक आग्या पालन करबहुँ जउँ, हमरा हुनेके सदियो चिनले बडहुँ कहके थाह हसइ।

१ युहन्‍ना 2:5

बाकि जुने परमेस्‍वरक वचन पालन करसिय, उअ परमेस्‍वरके पुरा प्रेम करसिय। हमरा हुनेमा बडहुँ कहके यकरेसे निस्‍चित हसहुँ:

प्रकास 1:18

जिउते रहलाहर मोहिँ हखहि। मुइ मरल रहलहिँ, बाकि याबे सबदिनक तहिँया जिउते बडहिँ, मृत्‍यु हसे पतालक चाभि मोर हथवामा बडइ।