फिलिप्‍पि 2:7 - चितवनिया थारु

⁷ हुने परमेस्‍वरसाङे बराबर हखना जम्‍मे चिजु त्‍यागलसि हसे कमाराक रुप धारन करलसि। हुने मन्‍से भके जरमलसि।

फिलिप्‍पि 2:7 Iomraidhean Croise

मतिक लिखल सुसमाचार 12:18

“मोर चुनल हसे सोगावल सेवक इहे हखिय। यकरसे मुइ खाँ खुसि बडहिँ, मुइ यकरमा मोर आत्‍मा राखदेबहि, हसे उअ जम्‍मे जतियाक मन्‍सावानिके न्‍यायक परचार करबिय।

मतिक लिखल सुसमाचार 20:28

वसने मुइ मन्‍सेक पुतर सेवा पावेके हइने, बरु सेवा करेके तहिँया हसे बहुत जनके छुटकारा देवेके तहिँया यपने प्रान देवे याइल हखहि।”

मरकुस 9:12

तखनहिँ येसुजि हुनुकाके कहलसि, “सदियो, एलिया पहिलाहिँ याके जम्‍मे चिजुवा ठिकठाक करे परतइ, बाकि कस्‍के मुइ मन्‍सेक पुतरके बहुत दुःख भोगे परतइ हसे जम्‍मे जनसे इन्‍कार हखे परतइ” कहके धरमसास्‍तरवामा लिखाइल बडइ?

लुका 22:27

याबे मोरके कहह, खाए बेठलाहर बडके हखिय कि बटलाहरा बडके हखिय? खाए बेठलाहर हइने त? बाकि मुइ तोहार बिचा बटलाहर सेवक नहिँया भेल बडहिँ।

युहन्‍ना 1:14

उअ वचनवा मन्‍से भेलसि हसे हमार बिचा बास करलसि। हुने अनुग्रह हसे सत्‍यतामा भरिपुरन रहलसि। हमरा हुनेक महिमा देखलहुँ, उअ महिमा परमेस्‍वर पितासे यलहर एगुडे मतरे पुतरक नहिँया रहलइ।

रोमि 1:3

इअ सुसमाचार परमेस्‍वरक पुतरक बारेमा हखइ। हुने मन्‍से भके राजा दाउदक वंससे जरमलसि।

रोमि 15:3

केहकेकि ख्रिस्‍ट फेनि यपनहिँके खुसि पारेके काम हइने करलसि। जसने धमरसास्‍तरवामा लिखाइल बडइ, “यपनहुँके निना करलहरा मोरके निना करले बडइ।”

रोमि 15:8

मुइ तोहराके कहबहिँ, हमार पिता-पुरखाके देलि वाचा परमेस्‍वर पुरा करबसि हसे हुने सत्‍य बडसि कहके देखावेके तहिँया ख्रिस्‍ट यहुदियानिक सेवक भेलसि।

रोमि 8:3

जुन काम व्‍यवस्‍था हमार देहियाक पापि स्‍वभावक कारनसे कमजोर भके करे हइने सकलिय, उअ परमेस्‍वर करलसि। हुने यापन पुतरके पापि मन्‍से नहिँया बनाके पापक भोगक रुपमा पठोलसि। यसके हुने देहियामा पापके दन्‍ड देलसि।

२ कोरिन्‍थि 13:4

केहकेकि हुने कमजोर हखइकि क्रुसमा टङेलसि, बाकि परमेस्‍वरक सक्‍तिसे हुने जिउतलसि। हमरा फेनि हुने नहिँया कमजोर भेल बडहुँ, बाकि परमेस्‍वरक सक्‍तिसे ख्रिस्‍टक लउठा जिवन हमारमा फेनि बडइ हसे उहे जिवनक सक्‍ति तोहारसाङे ब्‍यवहार करइकि देखेतइ।

२ कोरिन्‍थि 8:9

केहकेकि हमार प्रभु येसु ख्रिस्‍टक अनुग्रह तोहार थाहे बडइ, हुने धनि रहलसि, ताफेनि तोहार तहिँया हुने गरिब हखलसि, ताकि हुनेक गरिबिसे तोहरा धनि हखे सकह।

गलाति 4:4

बाकि परमेस्‍वरक तोकलि समय यलइलेपर हुने यापन पुतरके पठोलसि। हुने एगुडा जनियानिसे मन्‍से भके जरमलसि हसे मोसाक व्‍यवस्‍था पालन करलसि।

फिलिप्‍पि 2:6

हुने वास्‍तवमा परमेस्‍वर रहलसि, बाकि परमेस्‍वरक बराबर यापन अधिकार बनोबहिँ कहके बलजफति हइने करलसि।

हिब्रु 12:2

हमार दगुरमा हमरा येसुजिके हेरु, केहकेकि हुनेहिँ हमार विस्‍वास सुरु करलाहर हसे पुरा करलाहर हखसि। हुनेक यागा राखदेलि आनन्‍दक तहिँया यपमानके किहो हइने ठानके क्रुसक कस्‍ट भोगलसि हसे परमेस्‍वरक सिंहासनक दहिनिकलहरवा बेठल बडसि।

हिब्रु 13:3

झ्‍यालखनामा परल विस्‍वासिसभके वास्‍ता करिह, जसने कि, तोहरा यपनहिँ फेनि हुनुकरसाङे झ्‍यालखनवामा परल बडह। तोहरा दुःख पउलहरानिके वास्‍ता करिह, जसने कि, तोहरा यपनहिँ फेनि यापन देहियामा दुःख पवइ बडह।

हिब्रु 4:15

हमार प्रधान पुजेरिया हमार जम्‍मे कमजोरि बुझससि, केहकेकि हमार नहिँया हुने जम्‍मे चिजुमा परिछित हखलसि, बाकि हुने पाप हइने करलसि।