फिलिप्‍पि 2:3 - चितवनिया थारु

³ दोसरे जनसे यपनहिँके जबड बनावेके कोसिस कबहुँ झिन करिह हसे घमन्‍डसे फुलके किहो झिन करिह, बाकि नम्र हखिह हसे याको जनके यापनसे यसल सम्‍झिह।

फिलिप्‍पि 2:3 Iomraidhean Croise

लुका 18:14

मुइ तोहराके कहबहिँ, फरिसिया हइने बरु कर उठोलहरा मन्‍सावा परमेस्‍वरक यागा धरमि भके यापन घर फिरलिय, केहकेकि जुने यपनहिँके जबड देखोसइ, उअ झिनमिन बनेबिय हसे जुने यपनहिँके झिनमिन देखोसइ, उअ जबड बनेबिय।”

रोमि 12:10

एक-दोसरि जनके यपने भाइ-बहिन नहिँया प्रेम करिह। यापनसे बढता दोसरे जनके यादर करिह।

रोमि 13:13

हमरा दिनक इजोरमा रहल नहिँया ठिकसे चलु। मोजमाजा करेके, मातल रहेके, धुचुड करेके, भ्रस्‍टचार करेके, झगडा करेके हसे डाह करेके छाडदेउ।

रोमि 2:8

बाकि यपनहिँके मतरे प्रेम करलाहर, सत्‍य बात पालन हइने करलाहर हसे खराब काम करलाहर मन्‍सेसभके परमेस्‍वर खाँ नाहिँ डउलसे दन्‍ड देबसि।

१ कोरिन्‍थि 15:9

प्रेरितसभमधे मुइ यपनहिँके सबसे निच सम्‍झसहिँ हसे मुइ प्रेरित कहेके लाइक फेनि हइने बडहिँ, केहकेकि मुइ परमेस्‍वरक मन्‍डलियाके सतोलहिँ।

१ कोरिन्‍थि 3:3

केहकेकि तोहरा यखना फेनि पापि स्‍वभावक मन्‍से नहिँया जिवन बितोसह। यगर तोहार बिचा डाह हसे झगडा बडइ जउँ, कथि तोहरा पापि स्‍वभावक मन्‍से हइने हखह त हसे तोहरा यखनि फेनि पापि स्‍वभावक मन्‍से नहिँया व्‍यबहार हइने करसह त?

२ कोरिन्‍थि 12:20

केहकेकि मुइ तोहार लघिना यवइकि मोर सोचलि नहिँया तोहरा हसे तोहार सोचलि नहिँया मुइ नाहिँ हखबहिँ कि कहके डेरेसहिँ। तोहार बिचा झगडा, डाहा, खिस, स्‍वारथ, निना, चुगलि बात, घमन्‍ड हसे गोलमाल हखे सकतइ।

गलाति 5:15

यगर तोहरा एक-दोसरि जनके बनक पसु नहिँया कपटबह हसे लिलबह जउँ याद रखिह, तोहरा एक-दोसरि जनके नास करबह।

गलाति 5:26

हमरा एक-दोसरि जनसाङे घमन्‍ड करेके, खिस उठावेके हसे डाह करना काम करे नाहिँ बनतइ।

एफिसि 4:2

तुइ सबदिन नम्र, सोझ मनक हसे सहनसिल हखसि। प्रेममा एक-दोसरि जनके सहसि।

एफिसि 5:21

ख्रिस्‍टक यादरमा एक-दोसरिक अदलमा रहिह।

फिलिप्‍पि 2:14

जम्‍मे कमवा गनगन हसे ठोरा-बोलि नाहिँ करके करिह।

कल्‍लसि 3:12

तोहरा त परमेस्‍वरक छानल सोगावल हसे पवितर जन हखह, उहेसे तोहरा माया, दाया, नम्रता, सोझपन हसे सहसानके लुगा नहिँया पेहरिह।

कल्‍लसि 3:8

बाकि याबे तोहरा फेनि खिस, क्रोध, डाहा, निना हसे यापन मुहवासे निकडाना फुहर बात करेके छाडदिह।

१ तिमोथि 6:4

उअ मन्‍सावा घमन्‍डसे फुलल हसे किहो फेनि हइने जनले रहसिय। यसनुक मन्‍सेक सबदसभक बारेमा ठोरा-बोलि हसे दोसरि जनसे झगडा करेके खराब बानि रहसइ। यसनुक बातसे त डाह, फुट, बदनाम हसे सक मतरे यसइ,

१ पतरुस 3:8

याखिरमा मुइ इअ कहबहिँ, तोहरा जम्‍मे जन एके मनक हखे परतइ हसे एक-दोसरि जनके दाया देखोइह। ददेर-भाइक नहिँया एक-दोसरि जनके प्रेम करिह। तोहरा कोमल हृदयक तके नम्र स्‍वभावक मन्‍से हखिह।

१ पतरुस 5:5

वसने करके ढोठनियावाह, बुढ मन्‍सेसभक अदलमा रहिह। तोहरा जम्‍मे जन नम्र भके एक-दोसरि जनक सेवा करिह। केहकेकि, “परमेस्‍वर घमन्‍डि मन्‍सावानिके विरोध करससि, बाकि नम्र मन्‍सावानिके दाया देखोससि।”