फिलिप्‍पि 2:29 - चितवनिया थारु

²⁹ प्रभुमा वकरेके विस्‍वासि भाइ समझके मन खोलके स्‍वागत करिह हसे यसने मन्‍सेसभके यादर करिह।

फिलिप्‍पि 2:29 Iomraidhean Croise

लुका 9:5

यगर मन्‍सावाह तोहराके यादर-भाव नाहिँ करतइ जउँ, तोहार यापन टङवाक धुरिया साछिक तहिँया झहराके उअ सहरवा छाडि दिह।”

युहन्‍ना 13:20

मुइ तोहराके सदियो कहबहिँ, जुने मोर पठोलि मन्‍सावाके स्‍विकार करसिय, उअ मोरके स्‍विकार करसिय हसे जुने मोरके स्‍विकार करसिय, उअ मोरके पठोलहराके स्‍विकार करसिय।”

प्रेरित 2:46

हुनुका सबदिन एक मन भके मन्‍दिरवामा बटियाइ हसे घर-घरवामा प्रभु-भोज खाइ। हुनुका पवितर हृदयसे खुसि भके सङहि जेउना करइ रहलइ।

प्रेरित 28:10

उअ ठउरियाक मन्‍सावाह हमराके खाँ यादर करे लगलइ हसे जब हमरा पानि-जहजवामा चढके यावे लगलहुँ, तब हुनुका हमार चाहि लगना जम्‍मे चिजु हमराके देलइ।

प्रेरित 8:8

उअ हेरके सामरिया सहरवाक मन्‍सावाह खाँ खुसि भेलइ।

रोमि 10:15

हसे ककरहुँके परचार करे नाहिँ पठाके कस्‍के हुनुका परचार करतइ त? धरमसास्‍तरवामा यसके लिखाइल बडइ, “खुसिक समाद परचार करलहरा यवइकि कतुरा आनन्‍दक बात हखइ।”

रोमि 16:2

मुइ तोहराके कहबहिँ, प्रभुक मन्‍से नहिँया वकरेके स्‍वागत करिह हसे वकर खाँचोमा मदत करिह, केहकेकि उअ बहुत मन्‍सेसभके मदत करले बडिय तके मोरके फेनि मदत करले बडिय।

१ कोरिन्‍थि 16:10

तिमोथि तोहार लघिना यइलेपर, वकरेके कुनहुँ खलिक गारह हखे झिन दिह, केहकेकि उअ फेनि मोर नहिँया प्रभुक काम करइ बडिय।

१ कोरिन्‍थि 16:18

हुनुका मोर हसे तोहार मनवाके फेनि उत्‍साहित बनोले बडइ। उहेसे यसनुक मन्‍सेके तोहरा यादर करे परतइ।

२ कोरिन्‍थि 10:18

केहकेकि जुने यापन बखान यपनहिँ करसिय, उअ महत्‍वक बिसय हइने हखइ, बाकि जाकर बखान प्रभु करससि उअ महत्‍वक बात हखइ।

२ कोरिन्‍थि 7:2

तोहरा यापन हृदयमा हमराके ठउरि दिह। हमरा ककरहुँके अन्याय हइने करले बडहुँ। हमरा ककरहुँके हइने डउल पइडा हइने देखोले बडहुँ, नत ककरहुँसे फाइदा उठोले बडहुँ।

फिलिप्‍पि 2:28

उहेसे वकरेके तोहार लघिना पठावेके मुइ खाँ इछा करले बडहिँ, ताकि वकरेके फेरि देखके तोहरा खुसि हखबह हसे मोर चिन्‍ता फेनि कम हतइ।

कल्‍लसि 4:10

मोरसाङे झ्‍यालखनवामा परल अरिस्‍ताखरस तोहराके अभिवादन पठोले बडिय। बारनाबासक नाता परना मरकुस फेनि तोहराके अभिवादन पठोले बडिय। वकर बारेमा मुइ तोहराके यगाहेसे कहदेले बडहिँ, उहेसे उअ तोहार लघिना यबिय जउँ वकरेके स्‍वागत करिह।

१ थेसलोनिकि 5:12

हेरह प्रियसभ, हमरा तोहराके बिन्‍ति करके कहइ बडहुँ, जतेक जन तोहार बिचा मेहनतसे काम करइ बडइ हसे प्रभुमा तोहार वपरा यगुवा भके तोहराके सल्‍लाह देसइ, हुनुकाके यादर करिह।

१ तिमोथि 5:17

यसल तरिकासे मन्‍डलियामा यगुवाइ करलाहर एल्‍डरवानिके दोबर यादर देवे परतइ हसे बिसेस करके जुन एल्‍डरवाह वचन परचार हसे सिखावेके काम मेहनतसे करसइ।

हिब्रु 13:17

तोहार यगुवानिक कहलि बतवा तोहरा मनिह हसे हुनुकर अदलमा रहिह। यापन कामक लेखा परमेस्‍वरके देवे परतइ कहके हुनुका तोहार आत्‍माक हेरचाह करसइ। हुनुकर कहलि बतवा मनबह जउँ, हुनुका यापन कमवा दुःखित नाहिँ भके बरु खुसिसे करतइ। यगर दुःखित भके करतइ जउँ, तोहार किहो फाइदा नाहिँ हतइ।

३ युहन्‍ना 1:10

मुइ तोहार लघिना यवइकि वकर करलि हइने डउलि कमवा हसे हमार विरोधमा फदकलि जम्‍मे खराब बतवा सुनोबहि। यतुरामा मतरे खुसि हइने भके, उअ परदेसि भयवानिके स्‍वागत हइने करसिय हसे हुनुकाके स्‍वागत करे खोजलहरानिके फेनि मन्‍डलियासे उअ बाहरा निकडा देसिय।