फिलिप्‍पि 2:17 - चितवनिया थारु

¹⁷ तोहार चढोलि विस्‍वासक भोगवामा मुइ यापन रकत भोगक रुपमा बहावे परले, ताफेनि मुइ यकरमा खुसि बडहिँ हसे मोर खुसिमा तोहरा फेनि सहभागि हखिह।

फिलिप्‍पि 2:17 Iomraidhean Croise

प्रेरित 20:24

ताफेनि मुइ जसने यापन दउड पुरा करे सकहि हसे परमेस्‍वरक अनुग्रहक खुसिक समादक गवाहि देवेके तहिँया जुन सेवाक कमवा प्रभु येसुजिसे बडहिँ, उअ पुरा करे सकहि कहके मुइ यापन जिन्‍गिके किहो मोलक हइने सम्‍झसहिँ।

प्रेरित 21:13

बाकि पावल जवाफ देके यसके कहलिय, “तोहरा कानके मोर मनवाके केहके दुःखित बनोइ बडह? मुइ त मोर प्रभु येसुजिक नाउँक तहिँया झ्‍यालखनवामा परेके मतरे हइने, बाकि मरेके फेनि तयार बडहिँ।”

रोमि 12:1

उहेसे प्रियसभ, परमेस्‍वर तोहराके दाया करलेसे मुइ तोहराके अनुरोध करबहिँ कि, तोहरा यपनहिँके पवितर हसे परमेस्‍वरक मन परना जिउते भोगक रुपमा चढोइह। तोहार आत्‍मासे करे परना सदि सेवा फेनि इहे हखइ।

रोमि 15:16

अयहुदि मन्‍सावानिक बिचा येसु ख्रिस्‍टक सेवक मोरके बनोलसि। पुजेरिया परमेस्‍वरके मन परना भेटि चढोले नहिँया मुइ फेनि अयुदियानिके सुसमाचार सुनाके सेवाक काम करसहिँ, ताकि हुनुका पवितर-आत्‍मासे सुद्ध हखे सकइ।

२ कोरिन्‍थि 12:15

मुइ तोहार आत्‍मिक भलाइक तहिँया खुसिसे जम्‍मे देबहिँ हसे यपनहिँके फेनि देबहिँ। मुइ तोहराके बढता प्रेम करइ, तोहरा केहके मोरके इचिके मतरे प्रेम करबह त?

२ कोरिन्‍थि 4:12

यसने, हमरा मृत्‍युक मुहवाक लजिके जियसहुँ, जाकर कारनसे तोहरा अनन्‍त जिवन पउले बडह।

२ कोरिन्‍थि 6:10

सोकमा भेले फेनि सबदिन आनन्‍दमा बडहुँ, गरिब भेले ताफेनि बहुत जनके आत्‍मिकि रुपमा धनि बनोसहुँ हसे किहो हइने भेले फेनि हमारसाङे जम्‍मे चिजु बडइ।

२ कोरिन्‍थि 7:4

तोहारमा मोर पुरा भरोसा बडइ। तोहारमा मुइ बहुत घमन्‍ड करसहि। मुइ तोहारसे पुरा उत्‍साह पउले बडहिँ हसे हमार जम्‍मे कस्‍टमा मुइ खाँ आनन्‍दित बडहिँ।

फिलिप्‍पि 1:20

मोर खाँ इछा हसे यासा इअ बडइ कि, मुइ कबहुँ नाहिँ लजेबहिँ, बाकि जखनि फेनि, बिसेस करके यखनि, मोरमा प्रसस्‍त सहास हतइ। मुइ मरले फेनि, बचले फेनि मोर जिवनसे सबदिन ख्रिस्‍टक यादर हतइ।

फिलिप्‍पि 2:18

वसने तोहरा फेनि खुसि हखिह हसे मोरसाङे आनन्‍द मनावे सकह।

फिलिप्‍पि 2:30

केहकेकि ख्रिस्‍टक कामक तहिँया उअ धन्‍नेसे मरे चहलिय। तोहार सटहामा मोरके मदत करेके तहिँया उअ यापन जिवन खतरामा धरलिय, केहकेकि तोहरा तनाउ रहलह।

फिलिप्‍पि 4:18

मुइ पावे परनासे फेनि बढि पउले बडहिँ। इपाफ्रोडिटसक हथवासे तोहार पठादेलि भेटिसभ पउलेसे मोर चाहि लगना जम्‍मे चिजु मुइ पउले बडहि। इअ मोर तहिँया बहुत हखइ। उअ परमेस्‍वरक मन परना सवाद बसान भेटि हखइ। हुने इअ गरहन करससि हसे हुने बहुत खुसि हखससि।

कल्‍लसि 1:24

यखनि मुइ तोहार तहिँया कस्‍ट भोगइकि खुसि बडहिँ, केहकेकि ख्रिस्‍ट मन्‍डलिक तहिँया भोगलि कस्‍टसभके मुइ मोर देहियामा भोगके पुरा करबहिँ।

१ थेसलोनिकि 2:8

हमरा तोहराके बहुत माया करलेसे, परमेस्‍वरक सुसमाचार परचार मतरे हइने करलहुँ, बाकि यापन जिवन देवेके तहिँया फेनि तयार भेलहुँ, केहकेकि तोहरा हमार तहिँया प्रिय भेल रहलह।

२ तिमोथि 4:6

केहकेकि मुइ त भोग हखे जाइ बडहिँ हसे मोर बिदा हखेके जुन लजिके यासकल बडइ।

१ पतरुस 2:5

तोहरा फेनि जिउते पत्‍थरा हखह। परमेस्‍वर तोहराके परयोग करके यापन आत्‍मिकि मन्‍दिर बनोइ बडसि, ताकि तोहरा पवितर पुजेरि भके येसु ख्रिस्‍टसे परमेस्‍वरक मन परना आत्‍मिकि भोग चढोह।

१ युहन्‍ना 3:16

प्रेम कथि हखइ कहके हमरा यकरेसे जनसहुँ कि, येसु ख्रिस्‍ट हमार सटहामा मरलसि। उहेसे हमरा एक-दोसरि जनक तहिँया मरेके तयार हखे परतइ।