फिलिप्‍पि 2:15 - चितवनिया थारु

¹⁵ उहेसे तोहरा बइमान हसे दुस्‍ट पुस्‍ताक बिचा दाग हइने भेल परमेस्‍वरक सन्‍तान नहिँया निरदोस हसे सुद्ध हखिह। जसने तरगनवा यकसवामा चमकसइ, वसने तोहरा फेनि इअ संसारमा हुनुकर बिचा चमके परतइ।

फिलिप्‍पि 2:15 Iomraidhean Croise

मतिक लिखल सुसमाचार 10:16

“हेरह, मुइ तोहराके बनकुतवानिक बिचा भेडा नहिँया पठोइ बडहिँ। उहेसे तोहरा साँप नहिँया चलाख हसे कबतुर नहिँया सोझ हखिह।

मतिक लिखल सुसमाचार 17:17

येसुजि हुनुकाके कहलसि, “अरे अविस्‍वासि हसे हइलठ मन्‍सेसभ! मुइ तोहारसाङे कतेक दिन रहबहिँ हसे तोहराके कखनिलइ सहबहिँ? वकरेके यहवाँ यनह।”

मतिक लिखल सुसमाचार 5:45

वसने करबह जउँ तोहरा स्‍वरगमा रहलाहर परमेस्‍वर पिताक बेटा-बेटिसभ हखबह। केहकेकि हुने दुस्‍ट हसे सजन दुन्‍हुके घाम लगादेससि तके धरमि हसे अधरमि दुन्‍हुक तहिँया पानि पारदेससि।

मतिक लिखल सुसमाचार 5:48

उहेसे, जसने स्‍वरगमा रहलाहर तोहार पिता सिद्ध बडसि, तोहरा फेनि वसने सिद्ध हखे परतइ।”

लुका 1:6

हुनुका दुन्‍हुँ जन प्रभु परमेस्‍वरक जम्‍मे आग्या हसे नियम मानके हुनेक लजरियामा धरमि जिन्‍गि बितोइ रहलइ।

लुका 6:35

“बाकि यापन सतरुवानिके माया करिह हसे हुनुकाके डउल करिह। फिरताक यसरा नाहिँ राखके रिन दिह, वसने करबह जउँ तोहरा जबड इनाम पउबह हसे सबसे महान परमेस्‍वरक बेटा-बेटि हखबह, केहकेकि परमेस्‍वर बइगुनि हसे दुस्‍टवानिके फेनि दाया करससि।

युहन्‍ना 5:35

युहन्‍ना त बरइकि हसे चमकइकि दिवा रहलिय हसे तोहरा वकर इजोरवामा यघरिक आनन्‍द मनावे चाहलह।

प्रेरित 2:40

यसने पतरुस हुनुकाके याको बहुत बात कहके गवाहि देलिय हसे हुनुकाके चेतवनि देते कहलिय, “इअ दुस्‍ट पुस्‍तावानिसे यपनहिँके बचोइह।”

प्रेरित 20:30

यसनुक कि, तोहरे बिचासे फेनि झुठा सिछा देलाहर मन्‍सेसभ निस्‍कतइ हसे हुनुका विस्‍वासिसभके झुठा बात सिखाके यापन पाछा लिगतइ।

रोमि 16:19

तोहरा परमेस्‍वरक कहलि आग्‍या पालन करइबडह कहके जम्‍मे जनक थाह बडइ, उहेसे मुइ तोहारसाङे खुसि बडहिँ। बाकि जथि यसल बडइ, वकर तहिँया तोहरा बुद्धियार हखिह हसे जथि खराब बडइ, वकरमा निरदोस हखिह कहके मुइ चाहसहिँ।

१ कोरिन्‍थि 1:8

हमार प्रभु येसु ख्रिस्‍ट यइलि दिनवामा तोहरा निरदोस हखह कहके हुने तोहराके याखिरलइ विस्‍वासमा बरियार बनोबसि।

२ कोरिन्‍थि 6:17

उहेसे प्रभु कहससि, “हुनुकरसे निकडके यउह, हसे हुनुकरसे यलग रहिह! असुद्ध चिजु किहो फेनि झिन छुइह, तब मुइ तोहराके स्‍विकार करबहिँ।

एफिसि 5:27

इअ मन्‍डलियाके पवितर, निरदोस, दाग हइने भेल हसे हइने चोङसाइल, कुनहुँ खोट हइने भेल छबिगर मन्‍डलि बनाके यापनसाङे राखेके तहिँया हुने यसके करलसि।

फिलिप्‍पि 1:10

ताकि तोहरा सबसे यसल कथि हखइ उअ छुटियावे सकह हसे ख्रिस्‍ट यइवकि तोहरा सुद्ध तके निरदोस हखे सकह।

फिलिप्‍पि 3:6

मुइ यहुदि व्‍यवस्‍थामा यतुरा उत्‍साहित रहलहिँ कि, जुने ख्रिस्‍टमा विस्‍वास करले रहलइ हुनुकाके मुइ खाँ सतोलहिँ। यगर कुनहुँ गल्‍ति नाहिँ करके पुरा रुपमा आग्‍या पालन करतइ जउँ, मुइ निरदोस रहलहिँ।

१ थेसलोनिकि 5:23

हमराके सान्‍ति देलाहर परमेस्‍वर यपनहिँ तोहराके पुरा रुपसे पवितर बनोबसि हसे हमार प्रभु येसु ख्रिस्‍ट नाहिँ यवइलइ तोहार आत्‍मा, प्रान हसे देहिया निरदोस रहइ।

१ तिमोथि 3:10

पहिला हुनुकर जाँच हखे परतइ। यगर ठिक ठहरतइ जउँ, हुनुका डिकन भके सेवा करे सकतइ।

१ तिमोथि 3:2

उहेसे मन्‍डलिक एगुडा यगुवा निरदोस, एगुडा मतरे जनि भेल, यपनहिँके वसमा धरलाहर, समझदार, यसल चालचलन भेल, पहुनाक सेवा-सत्‍कार करलाहर हसे मन्‍सावानिके डउलसे सिछा देवे सकलाहर हखे परतइ।

१ तिमोथि 5:14

उहेसे मुइ कम उमेरक विधुवानिके फेरि बियाह करके बेटा-बेटिह जरमोइ हसे घर-गृहस्‍थि चलोइ कहके सल्‍लाह देबहि। तब मतरे हमार विरोधियाह हमार बदनाम करेके मउका नाहिँ पउतइ।

१ तिमोथि 5:20

घर-घराहे पाप करलहरानिके जम्‍मे जनक यागा घोघटसि, ताकि दोसरि जन फेनि डेरेतइ।

१ तिमोथि 5:7

तुइ विस्‍वासिसभके इअ निरदेसन देसि, ताकि हुनुकाके कुनहुँ फेनि दोस लगावे झिन सकइ।

तितस 1:6

मन्‍डलियाक एल्‍डरवाह निरदोस हसे एगुडे मतरे जनि भेल मन्‍से हखे परतइ। वकर बेटवा-बेटियाह विस्‍वासि, यसल चरितर हसे आग्‍याकारि भेल हखे परतइ।

तितस 2:10

हुनुका झिन चोरोइ, बाकि जम्‍मे काममा पुरा विस्‍वासिलो हसे इमान्‍दार हखे परतइ। यसने हुनुकर करलि जम्‍मे कमवासे हमार मुक्‍तिदाता परमेस्‍वरक वचनक इज्‍जत बढोतइ।

तितस 2:15

तुइ विस्‍वासिसभके इअ जम्‍मे बिसय सिखोसि। पुरा अधिकारसे हुनुकाके हउसला देसि हसे हुनुकाके डटसि। कुनहुँ फेनि तोरके तुच्‍छ झिन सोचइ।

हिब्रु 7:26

हमार तहिँया चाहिँ लागल प्रधान पुजेरि फेनि यसने हखइ। हुने पवितर, निरदोस हसे सुद्ध बडसि तके हमरा मन्‍सावानि नहिँया पापि हइने बडसि। परमेस्‍वर हुनेके सबसे वपरा स्‍वरगमा रखलसि।

१ पतरुस 2:12

प्रभुमा विस्‍वास हइने करलहरानिक बिचा तोहरा यसल जिवन बितोइह, ताकि हुनुका तोहराके खराब काम करलाहर कहके दोस लगोले ताफेनि हुनुका तोहार यसल काम देखइ हसे परमेस्‍वरक न्‍याय करे यवइकि दिनवामा हुनेक महिमा करइ।

१ पतरुस 2:9

बाकि तोहरा त परमेस्‍वरक चुनल जनसभ, राजकिय पुजेरि, पवितर जाति हसे परमेस्‍वरक यपने परजासभ हखह। हुने तोहराके यन्‍हारिसे बलाके यचम्‍मक इजोरमा यनलसि, ताकि तोहरा हुनेक यचम्‍मक कामक घोसना करे सकह।

२ पतरुस 3:14

उहेसे प्रियसभ, जब तोहरा इअ दिनवा इसियइलेसे, परमेस्‍वरक लजरियामा सुद्ध हसे निरदोस भके परमेस्‍वरसाङे सकभर सान्‍तिसे रहेके कोसिस करिह।

प्रकास 2:5

तुइ कतेक गिरल बडहि, उअ सोचहि। पछताप करहि हसे तोहरा पहिला करलि कमवा करह। यगर तोहरा याके पछताप नाहिँ करबह जउँ, मुइ तोहार लघिना यबहिँ हसे डिबरिया धरनावा उअ ठउरियासे होटा देबहि।

प्रकास 3:9

हेरह, हमरा यहुदि हखहुँ कहके झुठा फदकेलहरा यहवाँ बडइ। हुनुका सइतानक दाफाक हखइ। हुनुकाके मुइ तोर टङवामा ढोगे लगोबहिँ हसे मुइ तोरके प्रेम करसहिँ कहके हुनुका जनतइ।