14 जम्मे कमवा गनगन हसे ठोरा-बोलि नाहिँ करके करिह।
हुनुका बनिहारि पउलेपर जगहवाक मलिकवाक विरोध करते
बरु इअ बसानि तेलवा तिन सय चाँनिक सिक्कासे फेनि बहुत मोलमा बेचके उअ पइसावा गरिबवानिके देवे सकेतिय।” यसने कहके हुनुका वकरेके खाँ घोघटलइ।
जब येसुजि यापन तिन जन चेलवानिसाङे फिरके याको चेलवानि लघिना यलसि, तब वहवाँ मन्सेसभक एगुडा जबड भिड रहलइ हसे व्यवस्थाक-गुरुसभ चेलवानिसाङे ठोरा-बोलि करइ देखलसि।
बाकि फरिसियाह हसे व्यवस्थाक-गुरुसभ घुनघुनइते येसुजिक चेलवानिके कहे लगलइ, “तोहरा केहके कर उठोलहरा हसे पपियानिसाङे बइठके खेसह?”
तब इअ बिसयमा, पावल हसे बारनाबासक हुनुकरसाङे ठोरा-बोलि भेलइ। उहेसे वहवाँक विस्वासिवाह पावल, बारनाबास हसे याको कतेक जनके यकर फइसलाक तहिँया यरुसलेममा भेलि प्रेरितवाह तके एल्डरवानिक लघिना पठावेके निरनय करलइ।
उहेसे इअ बतवामा पावल हसे बारनाबासक बिचा ठोरा-बोलि भेलइ हसे हुनुका एक-दोसर जनसे बेगरेलइ। उहेसे बारनाबास मरकुसके सङहि लेलिय हसे पानि-जहजवामा चढके साइप्रस ठिसवामा गेलिय।
तब बहुत ठोरा-बोलि भेलेपर, पतरुस उठके हुनुकाके कहलिय, “हेरह भयवाह, तोहार थाहे बडइ, कि अयहुदियाह फेनि मोरसे सुसमाचार सुनइ हसे विस्वास करे सकइ कहके परमेस्वर मोरके तोहरे बिचासे बहुत दिन यागासे चुनले बडसि।
उअ दिनवाहमा, जब प्रभु येसुजिक चेलवानिक संख्या बढते गेलइ। तब ग्रिक भासा फदकेलहरा विस्वासिसभ हिब्रु भासा फदकेलहरा विस्वासिसभसे घुनघुनाए लगलइ, केहकेकि सबदिनक जेउना बटइकि हिब्रु भासा फदकेलहरा विस्वासिसभ ग्रिक भासा फदकेलहरा विस्वासि विधुवानिके वास्ता हइने करलइ।
हखे सकतइ जउँ, जम्मे जनसाङे मिलके रहिह।
विस्वासमा कमजोर भेलि विस्वासि मन्सावाके स्विकार करिह, बाकि वकर विचारक बारेमा दोस लगाके झगडा झिन करिह।
प्रियसभ, तोहराके सिखोलि सिछाक विरोधमा फुट हसे वाधा यनलहराके ध्यान दिह हसे यसनुक मन्सेसभसे तनाउ रहिह कहके मुइ तोहारसे बिन्ति करइ बडहिँ।
हमरा गनगन करे नाहिँ बनतइ, जसने हुनुकरमधे कतेक जन करलइ हसे मृत्युक दुतवा हुनुकाके नास करलिय।
केहकेकि मुइ तोहार लघिना यवइकि मोर सोचलि नहिँया तोहरा हसे तोहार सोचलि नहिँया मुइ नाहिँ हखबहिँ कि कहके डेरेसहिँ। तोहार बिचा झगडा, डाहा, खिस, स्वारथ, निना, चुगलि बात, घमन्ड हसे गोलमाल हखे सकतइ।
यगर तोहरा एक-दोसरि जनके बनक पसु नहिँया कपटबह हसे लिलबह जउँ याद रखिह, तोहरा एक-दोसरि जनके नास करबह।
हमरा एक-दोसरि जनसाङे घमन्ड करेके, खिस उठावेके हसे डाह करना काम करे नाहिँ बनतइ।
दोसरे जनसे यपनहिँके जबड बनावेके कोसिस कबहुँ झिन करिह हसे घमन्डसे फुलके किहो झिन करिह, बाकि नम्र हखिह हसे याको जनके यापनसे यसल सम्झिह।
हुनुकर करलि कमवाक तहिँया हुनुकाके प्रेमसे खाँ सम्मान करिह। एक दोसरिसाङे मेलमिलापमा रहिह।
तोहरा ककरहुँके फेनि खराबक बदला खराब झिन करिह, बाकि एक-दोसरि जनके हसे सकभर जम्मे मन्सावानिके सबदिन भलाइ करिह।
तोहरा जम्मे मन्सेसभसे मिलके सान्तिसे रहेके हसे पवितर जिवन बितावेके कोसिस करिह, केहकेकि पवितर नाहिँ हखके कुनहुँ फेनि प्रभुके देखे नाहिँ सकतइ।
केहकेकि खिसियाह मन्से परमेस्वरक मनपरना धारमिक जिवन बितावे नाहिँ सकतइ।
बाकि यगर तोहार मनवामा डाह हसे यपनपेटाह बडइ जउँ, वकर बारेमा घमन्ड झिन करिह हसे सत्यक विरोधमा झुठा झिन फदकिह।
प्रियसभ, एक-दोसरि जनक विरोधमा झिन बुदबुदइह, नत तोहरा दोसि ठहरबह। हेरह, न्यायकरता दुवरियामा ठडियाइल बडसि!
उअ खराब कामसे फिरिय हसे यसल करिय, उअ सान्तिक खोजि करिय हसे वकरपाछा लगिय।
गनगन नाहिँ करके एक-दोसरि जनके सेवा-सत्कार करिह।
इअ मन्सावाह बुदबुदेसइ, याको जनक दोस खोजइ रहसइ, यापन खराब इछासभमा चलसइ, यपनहिँके जबड सम्झसइ हसे यापन फाइदाक तहिँया मन्सावानिसाङे चिपुलचापुल करलाहर हिनिकहिँ हखइ।
