फिलिप्‍पि 2:12 - चितवनिया थारु

¹² उहेसे मोर प्रिय भयवाह, मुइ तोहारसाङे रहइकि तोहरा मोर बतवा सबदिन मनलह, याबे मोर उपस्‍थितिमा मतरे हइने, बाकि तोहरा परमेस्‍वरक झन बढता यादर हसे डर मनते, तोहरा मुक्‍ति पउले बडह कहके देखावेके तहिँया खाँ डउलसे मेहनत करिह, जुन तोहार विस्‍वासक प्रतिफल हखइ।

फिलिप्‍पि 2:12 Iomraidhean Croise

मतिक लिखल सुसमाचार 11:12

बप्‍तिस्‍मा देलाहर युहन्‍ना परचार करलिसे यखनिलइ स्‍वरगक राज खाँ हइने डउलसे आकरमन हखइ बडइ हसे विरोध करलहराह वकरेके जबरजस्‍ति जितेके जोड करइ बडइ।

मतिक लिखल सुसमाचार 11:29

मोर पलवा बोकह हसे मोरसे सिखह, केहकेकि मुइ मइगर हसे नम्र हृदयक बडहिँ तके तोहरा यापन आत्‍मामा विसराम पउबह।

प्रेरित 16:29

इअ सुनके झ्‍यालखनवाक हकिमवा दिवा माङके हल-हालि कोठवा भितरा गेलिय हसे डरेसे दुलदुलइते पावल हसे सिलासक यागा घोप्‍टे परलिय।

प्रेरित 9:6

याबे तुइ उठके सहरवा भितरा जाहि हसे तुइ कथि करे परतइ मुइ तोरके वहवाँहिँ कहबहिँ।”

रोमि 2:7

जुन मन्‍सेसभ भलाइक काम करके महिमा, इज्‍जत हसे सबदिन रहना जिवन खोजसइ, परमेस्‍वर हुनुकाके अनन्‍त जिवन देबसि।

१ कोरिन्‍थि 15:58

उहेसे मोर प्रिय भयवाह, विस्‍वासमा बरियार हसे यटल रहिह। प्रभुक काममा सबदिन बढते जइह, केहकेकि तोहरा जनसह कि, प्रभुक तहिँया तोहार करलि मेहनत व्‍यरथमा नाहिँ जेतइ।

१ कोरिन्‍थि 2:3

मुइ सुरुमा तोहार लघिना यवइकि कमजोर, डर हसे खाँ दुलदुलइते यलहिँ।

१ कोरिन्‍थि 4:14

तोहराके लजियामा पारेके हइने, बाकि मोर यपने सोगावल छोकनि नहिँया तोहराके चेतवनि देवेके तहिँया इअ बतवा मुइ लिखइ बडहिँ।

२ कोरिन्‍थि 7:15

तोहरा जम्‍मे जन कस्‍के तितसक कहलि बतवा मनलह हसे कस्‍के डर तके यादरसे वकरेके स्‍वागत करलह, उअ याद करके तोहार तहिँया वकर प्रेम झन बढसइ।

एफिसि 6:5

तोहरा बहरियावाह, ख्रिस्‍टक सेवा करल नहिँया इमान्‍दारसे इअ संसारमा भेलि तोहार मलिकावानिक यादर करिह हसे हुनुकर कहलि मनिह।

फिलिप्‍पि 1:27

मुख्‍य बात इअ हखइ कि, तोहार जिवन ख्रिस्‍टक सुसमाचारक तहिँया योग्‍यक हखइ। उहेसे मुइ तोहराके भेटले फेनि, हइने भेटले फेनि तोहरा एगुडा उदेस्‍य लेके डटके बडह हसे एके मन भके सुसमाचारक विस्‍वासक तहिँया परिसरम करइबडह कहके मुइ सुने पाउ।

फिलिप्‍पि 1:29

केहकेकि परमेस्‍वर ख्रिस्‍टमा विस्‍वास करेके हसे दुःख भोगेके तहिँया दुन्‍हुँ मउका हुने तोहराके देले बडसि।

फिलिप्‍पि 1:5

केहकेकि तोहरा सुरुसे यखनिलइ सुसमाचारक काममा सझिया बडह।

फिलिप्‍पि 1:6

मुइ निस्‍चित बडहिँ कि, परमेस्‍वर विस्‍वासयोग्‍य बडसि। तोहारमा जथि यसल काम हुने सुरु करले बडसि, हुनेहिँ येसु ख्रिस्‍ट यइना दिनवामा उअ पुरा करबसि।

फिलिप्‍पि 2:19

यगर प्रभु येसुजिक इछा बडइ जउँ, मुइ तोहार लघिना तिमोथिके हलहालि पठावेके यासा करइ बडहिँ, ताकि तोहार हालखबर पाके मुइ फेनि खुसि हखे सकुँ।

फिलिप्‍पि 4:1

उहेसे मोर प्रियसभ, मुइ तोहराके प्रेम करसहिँ हसे तोहराके भेटेके इछा करसहिँ। तोहराहिँ मोरके आनन्‍द देले बडह हसे तोहराहिँ मोर कामक इनाम हखह। मोर प्रियसभ, तोहरा प्रभुमा डटके रहिह।

फिलिप्‍पि 4:15

तोहरा फिलिप्‍पिक मोर सङहतिवानिक थाह बडइ कि, पहिला मुइ तोहराके सुसमाचार परचार करलहिँ, वकरपाछा माकेडोनिया छेतर छाडके जाइकि मोरके मदत करलाहर मन्‍डलि तोहरा मतरे रहलह। मोरसाङे लेनदेन करलाहर तोहरा मतरे रहलह। इअ बतवा तोहरा फिलिप्‍पिक मन्‍सावासभक थाह बडइ।

१ थेसलोनिकि 1:3

हसे विस्‍वाससे करल तोहार काम, प्रेमसे करल मदत तके हमरा प्रभु येसु ख्रिस्‍टमा रखलि तोहार यसरासे बरियार भेल परमेस्‍वर हमार पिताक यागा हमरा सबदिन सम्‍झइरहसहुँ।

२ तिमोथि 2:10

उहेसे परमेस्‍वरक चुनलि मन्‍सावानिक तहिँया मुइ जम्‍मे बतवा सहसहि, ताकि हुनुका फेनि येसु ख्रिस्‍टमा मुक्‍ति हसे अनन्‍त महिमामा सहभागि हखे सकइ।

हिब्रु 12:1

हमार चारिवर विस्‍वासक जिवनक बिसयमा गवाहि देना मन्‍सेसभक जबड भिड भेलेसे हमरा फेनि विस्‍वस्‍थ भके येसु ख्रिस्‍टक सेवा दउड नहिँया करे परतइ। हमार दउडमा यइना हरेक बाधाके हसे हमराके उसारसे यझुरोलहर पापके यकोरियाहे लागके हमरा सहसानसे अन्‍तिमलइ येसु ख्रिस्‍टक सेवामा दगुरे परतइ।

हिब्रु 4:1

हमराके विसराम देबहिँ कहके परमेस्‍वरक करल प्रतिग्या यखना फेनि बडइ। उहेसे हुसियार रहुँ हसे उअ विसराम पउना ठउरियामा पेसे हइने पउलाहर तोहारमधे कुनहुँ फेनि झिन हखइ।

हिब्रु 4:11

उहेसे हमरा उअ विसराम पउना ठउरियामा पेसेके जोडसाङे कोसिस करु, यगर हमरा इस्राएलि मन्‍सावानि नहिँया हइलठ हखबहुँ जउँ त हमरा नास हखबहुँ।

हिब्रु 5:9

यसने येसुजि जम्‍मे खलिक दुःखसभ सहके पुरा सिद्ध भेके, हुनेक आग्‍या पालन करलहराह जम्‍मेक तहिँया हुने सबदिन रहना मुक्‍ति देलाहर हखलसि हसे

१ पतरुस 2:11

प्रियसभ, इअ संसारमा तोहरा विदेसि हसे परदेसि नहिँया बडह। उहेसे तोहार आत्‍मिक चाहनाक विरोधमा लडाइ करलाहर देहियाक अभिलासासे यलग रहिह कहके मुइ बिन्‍ति करइ बडहिँ।

२ पतरुस 3:18

बरु हमार प्रभु हसे मुक्‍ति देलाहर येसु ख्रिस्‍टक अनुग्रह हसे हुनेक लजिके सम्‍बन्‍धमा हमरा बढते जाए सकुँ। हुनेक महिमा यखनि हसे सबदिन हखइ। आमेन।