फिलिप्‍पि 2:11 - चितवनिया थारु

¹¹ हरेक जन परमेस्‍वर पिताक महिमाक तहिँया येसु ख्रिस्‍टके प्रभु कहके स्‍विकार करे परतइ।

फिलिप्‍पि 2:11 Iomraidhean Croise

मतिक लिखल सुसमाचार 10:32

“जुने मोरके मन्‍सावानिक यागा स्‍विकार करबिय, मुइ फेनि वकरेके स्‍वरगमा रहलाहर मोर पिताक यागा स्‍विकार करबहिँ।

लुका 2:11

सुनह, दाउद रजवा जरमलि सहरवामा तोहार तहिँया याजु एक जन मुक्‍तिदाताक जनम भेल बडइ। हुने ख्रिस्‍ट प्रभु हखसि।

युहन्‍ना 12:42

ताफेनि बहुत जन यहुदि यगुवासभमधेसे येसुजिमा विस्‍वास करलइ। बाकि फरिसियानिक डरेसे हुनुका यापन विस्‍वासक बारेमा ककरहुँके फेनि हइने कहलइ, केहकेकि फरिसियाह यहुदि सभाघरवासे हुनुकाके निकडा देतइ कहके डेराइ।

युहन्‍ना 13:13

तोहरा मोरके ‘गुरु’ हसे ‘प्रभु’ कहसह, उअ तोहरा ठिके कहसह, केहकेकि मुइ उहे हखहि।

युहन्‍ना 13:14

यगर मुइ तोहार प्रभु हसे गुरु भके फेनि तोहार गोडवा धवले बडहिँ जउँ, तोहरा फेनि एक-दोसरि जनक गोडवा धोए परतइ।

युहन्‍ना 14:13

तोहरा मोर नाउँमा जथि मङबह उअ मुइ करबहिँ, ताकि पुतरमा पिताक महिमा परकट हखइ।

युहन्‍ना 14:23

येसुजि वकरेके जवाफ देते कहलसि, “जुने मोरके प्रेम करतइ, उअ मोर वचन पालन करबिय। मोर पिता वकरेके प्रेम करबसि हसे हमरा वकर लघिना यबहुँ तके वकरसाङे बास करबहुँ।

युहन्‍ना 17:1

इअ बतवा कहसकलेपर, येसुजि स्‍वरगवरि हेरके कहलसि, “हे पिता, समय यापुगल बडइ। यपनहुँक पुतरक महिमा परकट करहुँ, ताकि मुइ पुतर फेनि यपनहुँक महिमा परकट करबहिँ।

युहन्‍ना 20:28

तखनहिँ थोमा हुनेके कहलिय, “मोर प्रभु हसे मोर परमेस्‍वर!”

युहन्‍ना 5:23

ताकि जम्‍मे जन पुतरक यादर करइ, जसने हुनुका पिताक यादर करसइ। जुने पुतरक यादर नाहिँ करतइ, उअ मन्‍सावा पुतरके पठोलहरा पिताके फेनि यादर नाहिँ करबिय।

युहन्‍ना 9:22

वकर दाओ-बाबा यहुदियानिक डरेसे इअ बतवा कहलइ, केहकेकि कुनहुँ येसुजिके मुक्‍ति देलाहर खिस्‍ट कहके स्‍विकार करतइ जउँ, वकरेके सभाघरवासे निकडा देवे परतइ कहके यहुदियाह पहिलाहिँ सहमत भेल रहलइ।

प्रेरित 10:36

यपनहुँसभक थाह बडइ कि, परमेस्‍वर इस्राएलि मन्‍सावानिक लघिना यापन वचन पठोलसि हसे हुने येसुजि, जुने जम्‍मे जनक प्रभु हखसि, हुनेसे सान्‍तिक सुसमाचार सुनोलसि।

प्रेरित 2:36

“उहेसे इस्राएलक जम्‍मे मन्‍सावाह इअ बतवा सदियो जाने परतइ, कि यपनहुँसभ जुन येसुजिके क्रुसवामा टाङके मारलहुँ, परमेस्‍वर हुनेके प्रभु हसे ख्रिस्‍ट दुन्‍हुँ बनोलसि।”

रोमि 14:11

केहकेकि धरमसास्‍तरवामा लिखाइल बडइ, “परमप्रभु कहससि, ‘मुइ जिउते परमेस्‍वर भेलेसे, हरेक मन्‍से मोर यागा ठेहुँनेतइ, हसे जम्‍मे जन यापन मुहवासे मुइ परमेस्‍वरके प्रसंसा करतइ’।”

रोमि 14:9

ख्रिस्‍ट मरलिसभक हसे जिउतिसभक दुन्‍हुँक प्रभु हखेके तहिँया मरलसि हसे फेरि जिउतलसि।

रोमि 15:9

उहेसे परमेस्‍वर अयहुदियानिके दाया देखोलसि, ताकि हुनुका हुनेक महिमा करइ। जसने धरमसास्‍तरवामा लिखाइल बडइ, “उहेसे अयहुदियानिक बिचा मुइ यपनहुँक प्रसंसा करबहिँ हसे यपनहुँक नाउँक स्‍तुति करबहिँ।”

१ कोरिन्‍थि 12:3

उहेसे तोहरा इअ बतवा बुझिह कि, परमेस्‍वरक आत्‍माक यगुवाइमा चललाहर कुनहुँ फेनि “येसु सरापित हखिय” कहके हइने कहसइ हसे पवितर-आत्‍माक यगुवाइसे मतरे कुनहुँ फेनि “येसुहिँ प्रभु हखसि” कहके स्‍विकार करे सकतइ।

१ कोरिन्‍थि 15:47

पहिला मन्‍सावा आदम धरतियाक मटियासे बनलिय, बाकि दोसरो मन्‍सावा ख्रिस्‍ट स्‍वरगसे यलसि।

१ कोरिन्‍थि 8:6

बाकि हमार थाह बडइ कि, एगुडा मतरे परमेस्‍वर पिता बडसि, हुनेहिँ जम्‍मे चिजु सिरिस्‍टि करले बडसि हसे हमरा हुनेक तहिँया जियसहुँ। हमार थाह बडइ कि, एगुडे मतरे प्रभु, येसु ख्रिस्‍ट बडसि हसे हुनेसे जम्‍मे चिजु सिरिस्‍टि भेलइ तके हुनेहिँसे हमरा जियसहुँ।

१ पतरुस 1:21

हुनेसे तोहरा परमेस्‍वरमा विस्‍वास करलह। परमेस्‍वर ख्रिस्‍टके मृत्‍युसे जिउतोलसि हसे महिमा देलसि। उहेसे तोहरा परमेस्‍वरमा विस्‍वास हसे यासा करले बडह।

१ युहन्‍ना 4:15

जुने येसुजिके परमेस्‍वरक पुतर कहके स्‍विकार करबिय, परमेस्‍वर वकरमा रहससि हसे उअ हुनेमा रहसिय।

१ युहन्‍ना 4:2

यकरेसे तोहरा इअ परमेस्‍वरक आत्‍मा हखिय कहके चिनसह: हरेक जन जुने येसु ख्रिस्‍ट मन्‍से भके यलसि कहके स्‍विकार करबिय, वकरमा परमेस्‍वरक आत्‍मा बडसि।

२ युहन्‍ना 1:7

केहकेकि धोखा देलाहर बहुत जन संसारमा याइल बडइ, जुने येसु ख्रिस्‍टके मन्‍से भके याइल बडसि कहके स्‍विकार हइने करसइ। यसने मन्‍से धोखा देलाहर हसे ख्रिस्‍ट विरोधि हखइ।

प्रकास 3:5

जुने दुस्‍टक सक्‍तिके जितसइ, उअ यसनुक गोरहर लुगा पेहरबिय, मुइ वकर नाउँ जिवनक कितबवासे कबहुँ नाहिँ मेटा देबहिँ। मुइ वकरेके मोर मन्‍से हखिय कहके यापन पिता हसे हुनेक स्‍वरगदुतवानिक यागा स्‍विकार करबहिँ।