फिलिप्‍पि 2:1 - चितवनिया थारु

¹ तोहरा ख्रिस्‍टमा एक भेलेसे उत्‍साह पउले बडह कहके तोहार थाह बडइ, हुनेक प्रेमसे तोहरा सान्‍त्‍वना पउले बडह हसे पवितर-आत्‍मासाङे सङगति पउले बडह। तोहारसाङे एक-दोसरि जनक तहिँया प्रेम हसे दाया फेनि बडइ।

फिलिप्‍पि 2:1 Iomraidhean Croise

लुका 2:25

उहे जुनवामा सिमियोन नाउँक एक जन मन्‍से यरुसलेममा रहलिय। उअ एक धारमिक हसे परमेस्‍वरक भक्‍ति करलाहर मन्‍से रहलिय। उअ इस्राएलि मन्‍सावानिक उद्धारक यसरामा रहलिय हसे पवितर-आत्‍मा वकरसाङे रहलसि।

युहन्‍ना 14:18

“मुइ तोहराके टुवर बनाके नाहिँ छडबहिँ, मुइ तोहार लघिना यबहिँ।

युहन्‍ना 14:27

मुइ तोहराके मोर सान्‍ति छाडदेबहिँ, मुइ यापन सान्‍ति तोहराके देबहिँ। संसारक देलि नहिँया मुइ तोहराके नाहिँ देबहिँ। तोहार हृदय व्‍याकुल झिन हखइ हसे तोहरा झिन डेरइह।

युहन्‍ना 17:13

“बाकि याबे मुइ यपनहुँक लघिना यवइ बडहिँ। हिनिका मोर आनन्‍दसे भरपुर हखइ कहके मुइ इअ बतवा संसारमा रहते कहइ बडहिँ।

प्रेरित 2:46

हुनुका सबदिन एक मन भके मन्‍दिरवामा बटियाइ हसे घर-घरवामा प्रभु-भोज खाइ। हुनुका पवितर हृदयसे खुसि भके सङहि जेउना करइ रहलइ।

प्रेरित 4:32

याबे येसुजिमा विस्‍वास करलहरा जम्‍मे जन एके मन हसे एके हृदयक रहलइ। हुनुकरसाङे भेलि जम्‍मे चिजुवा हुनुका यापन निजि सम्‍पति कहके हइने सम्‍झइ, बाकि हुनुका यापनसाङे भेलि जम्‍मे चिजुवा एक-दोसरि जनसाङे बाटचिट करइ।

रोमि 5:5

उअ यासा हमराके निरास हखे हइने देसिय, केहकेकि परमेस्‍वर हमराके पवितर-आत्‍मा देके हमार हृदयमा परमेस्‍वरक प्रेम भर देले बडसि।

रोमि 8:26

वसने करके पवितर-आत्‍मा हमार कमजोरिमा मदत करससि। कस्‍के परथाना करेके हखइ, हमार थाह हइने हखइकि पवितर-आत्‍मा यपनहिँ हमरा कहे हइने सकना सबदसभमा हमार तहिँया परथाना करदेससि।

१ कोरिन्‍थि 12:13

हमरा विस्‍वासिसभ फेनि एक देहि नहिँया बडहुँ, केहकेकि एक पवितर-आत्‍मासे हमरा जम्‍मे जन बप्‍तिस्‍मा पउले बडहुँ। हमरा यहुदि भेले फेनि, अयहुदि भेले फेनि, बहरिया भेले फेनि हसे स्‍वतन्‍तर भेले फेनि, हमरा जम्‍मे जनके एक पवितर-आत्‍मा दियलइ।

१ कोरिन्‍थि 15:31

प्रियसभ, तोहार हसे प्रभु येसु ख्रिस्‍टमा भेलि गरवसे मुइ इअ कहे सकबहि कि, मुइ दिन-दिन मरेके तयार बडहिँ।

१ कोरिन्‍थि 3:16

तोहरा परमेस्‍वरक मन्‍दिर हखह हसे परमेस्‍वरक आत्‍मा तोहारमा बास करससि कहके कथि तोहार थाह हइने बडइ?

२ कोरिन्‍थि 13:14

प्रभु येसु ख्रिस्‍टक अनुग्रह, परमेस्‍वरक प्रेम हसे पवितर-आत्‍माक सङगति तोहार जम्‍मे जनसाङे रहइ।

२ कोरिन्‍थि 2:14

बाकि परमेस्‍वरक धन्यवाद हखइ, हुने सबदिन हमराके ख्रिस्‍टमा जितक तहिँया डोरयोबसि हसे ख्रिस्‍टक बारेमा समादक सवाद हमारसे हरेक ठउरिमा फइलोबसि।

गलाति 4:6

केहकेकि हमरा हुनेक सन्‍तानसभ हखहुँ, उहेसे परमेस्‍वर यापन पुतरक आत्‍मा हमार हृदयमा पठादेले बडसि हसे उहे आत्‍मा हमराके परमेस्‍वरके “हे अब्‍बा! हे बाबा” कहेके बलावेके सिखोससि।

गलाति 5:22

बाकि पवितर-आत्‍मा हमार जिवनमा इअ फरसभ फरोसिय: प्रेम, आनन्‍द, सान्‍ति, सहसान, दाया, भलाइ, विस्‍वस्‍तता,

एफिसि 4:4

हमरा जम्‍मे जन ख्रिस्‍टमा विस्‍वास करलहराह चाहिँ एगुडे देहि नहिँया हखहुँ हसे हमारमा भेलि पवितर-आत्‍मा फेनि एगुडे बडसि। यसने परमेस्‍वर हमराके एगुडे यासाक तहिँया बलोले बडसि।

फिलिप्‍पि 1:8

इअ बिसयमा परमेस्‍वर मोर साछि बडसि कि, तोहरा जम्‍मे जनके फेरि देखेके खाँ इछा रहलइ, केहकेकि मुइ तोहराके प्रेम करसहिँ, जसने येसु ख्रिस्‍ट प्रेम करससि।

फिलिप्‍पि 3:3

केहकेकि परमेस्‍वर एकपल्‍टा हमराके सदि खतना भेल मन्‍सेसभ नहिँया मनले रहलसि, केहकेकि हमरा परमेस्‍वरक आत्‍माक मदतसे हुनेक आराधना करसहुँ हसे येसु ख्रिस्‍टमा गरव करसहुँ। हमरा मन्‍सेसभक बनावल रितिथितिमा भरोसा करे परतइ कहलि हइने मनसहुँ। परमेस्‍वरक गरहनयोग्‍य हखेके तहिँया हमरा उअ रितिथितिसभमा भरोसा हइने करसहुँ।

कल्‍लसि 2:2

हुनुका हृदयमा सहास पावे सकइ हसे प्रेमक बन्‍धनमा एक हखे सकइ कहके मुइ यसके करले हखहि। यसनुक हतइ जउँ हुनुका आत्‍मिकि रुपसे एकदम धनि भके परमेस्‍वरक रहस्‍यक ग्‍यान, जुने ख्रिस्‍ट हखसि हुनेके पुरा रुपसे बुझे सकतइ।

कल्‍लसि 3:12

तोहरा त परमेस्‍वरक छानल सोगावल हसे पवितर जन हखह, उहेसे तोहरा माया, दाया, नम्रता, सोझपन हसे सहसानके लुगा नहिँया पेहरिह।

हिब्रु 6:18

परमेस्‍वरक करल प्रतिग्‍या हसे खइलि किरिया इअ दुन्‍हु बतवा बदलाए नाहिँ सकेतइ, केहकेकि परमेस्‍वर झुठा फदके नाहिँ सकबसि। उहेसे हुने लघिना सरन लेलहरवा हमार यागा राखदेलि यासा पावेके जबड हउसला पउले बडहुँ।

१ पतरुस 1:2

परमेस्‍वर पिता यापन पहिलाक योजना यनुसार जतेक जनके छानले बडसि हसे येसु ख्रिस्‍टक आग्‍या पालन करेके तके हुनेक रकतक छिटका पावेके तहिँया पवितर-आत्‍मासे सुद्ध बनोले बडसि। हुनुका जम्‍मे जनके इअ चिठिया लिखइ बडहिँ। परमेस्‍वरक अनुग्रह हसे सान्‍ति तोहारमा प्रसस्‍त हखइ।

१ युहन्‍ना 3:24

जुने परमेस्‍वरक आग्यासभ पालन करसइ, हुनुका जम्‍मे जन हुनेमा रहसइ हसे हुने हुनुकरमा रहससि। हमारमा हुने बास करससि कहके हमरा जनसहुँ, केहकेकि हुने हमराके पवितर-आत्‍मा देले बडसि।

१ युहन्‍ना 4:12

परमेस्‍वरके कुनहुँ फेनि कबहुँ हइने देखले बडइ। यगर हमरा एक-दोसरि जनके प्रेम करबहुँ जउँ, हुने हमारमा बास करबसि हसे हुनेक प्रेम हमारमा सिद्ध हतइ।

१ युहन्‍ना 4:16

परमेस्‍वर हमराके प्रेम करससि कहके हमार थाह बडइ हसे हुनेक प्रेममा हमार पुरा भरोसा बडइ। परमेस्‍वर प्रेम हखसि, जुने प्रेममा रहसइ उअ परमेस्‍वरमा रहसिय हसे परमेस्‍वर वकरमा रहससि।