फिलिप्‍पि 1:8 - चितवनिया थारु

⁸ इअ बिसयमा परमेस्‍वर मोर साछि बडसि कि, तोहरा जम्‍मे जनके फेरि देखेके खाँ इछा रहलइ, केहकेकि मुइ तोहराके प्रेम करसहिँ, जसने येसु ख्रिस्‍ट प्रेम करससि।

फिलिप्‍पि 1:8 Iomraidhean Croise

लुका 1:78

केहकेकि हमार परमेस्‍वरक दाया हसे अनुग्रह बिहनाक ज्‍योति नहिँया स्‍वरगसे हमार वपरा परतइ,

रोमि 1:9

मुइ हृदयसे परमेस्‍वरक पुतरक बारेमा सुसमाचार परचार करके हुनेक सेवा करसहिँ। मुइ परथाना करइकि तोहराके सबदिन सम्‍झसहिँ कहलि बतवाक साछि परमेस्‍वर बडसि।

रोमि 9:1

मुइ ख्रिस्‍टक मन्‍से भेलेसे सदियो फदकइ बडहिँ, झुठा हइने फदकइ बडहिँ। पवितर-आत्‍माक अदलमा रहल मोर विवेक मुइ झुठा हइने फदकसहिँ कहके साछि देसिय।

२ कोरिन्‍थि 13:9

हमरा कमजोर भेले ताफेनि तोहरा बरियार बडह कहके हमरा खुसि बडहुँ हसे तोहरा सिद्ध बने सकह कहके हमरा परथाना करसहुँ।

२ कोरिन्‍थि 6:12

हमार प्रेम तोहारपर कम हइने भेल बडइ, बरु तोहार प्रेम हमार पर कम भेल बडइ।

२ कोरिन्‍थि 7:15

तोहरा जम्‍मे जन कस्‍के तितसक कहलि बतवा मनलह हसे कस्‍के डर तके यादरसे वकरेके स्‍वागत करलह, उअ याद करके तोहार तहिँया वकर प्रेम झन बढसइ।

गलाति 1:20

मुइ जथि लिखइ बडहिँ, उअ सत्‍य बडइ। मुइ झुठा हइने फदकइ बडहिँ कहके परमेस्‍वर जनससि।

गलाति 3:26

याबे तोहरा जम्‍मे जन येसु ख्रिस्‍टमा विस्‍वास करलेसे परमेस्‍वरक सन्‍तान भेल बडह।

गलाति 4:19

मोर प्रिय छोकनियाह, जसने एगुडा जनियानि बाचा पवइकि बेथा लगसइ, वसने मुइ तोहराके फेरि जनम देइ नहिँया तोहार तहिँया खाँ कस्‍ट सहइ बडहिँ हसे तोहारमा ख्रिस्‍टक स्‍वभाव पुरा रुपसे पाका नाहिँ हखइलइ मुइ खाँ कस्‍ट सहइ रहबहिँ।

फिलिप्‍पि 2:1

तोहरा ख्रिस्‍टमा एक भेलेसे उत्‍साह पउले बडह कहके तोहार थाह बडइ, हुनेक प्रेमसे तोहरा सान्‍त्‍वना पउले बडह हसे पवितर-आत्‍मासाङे सङगति पउले बडह। तोहारसाङे एक-दोसरि जनक तहिँया प्रेम हसे दाया फेनि बडइ।

फिलिप्‍पि 2:26

तोहरा जम्‍मे जनके भेटेके वकर खाँ इछा बडइ। उअ मनियाइल बडिय कहलि बतवा तोहरा सुनले बडह कहके उअ चिन्‍ता करइ बडिय।

फिलिप्‍पि 4:1

उहेसे मोर प्रियसभ, मुइ तोहराके प्रेम करसहिँ हसे तोहराके भेटेके इछा करसहिँ। तोहराहिँ मोरके आनन्‍द देले बडह हसे तोहराहिँ मोर कामक इनाम हखह। मोर प्रियसभ, तोहरा प्रभुमा डटके रहिह।

कल्‍लसि 2:1

मुइ कस्‍के तोहार तहिँया हसे लाउडिकिया सहरवाक विस्‍वासिसभक तहिँया तके मोरके हइने देखलहराह जम्‍मे जनक तहिँया खाँ परिसरम करले बडहिँ, इअ बतवा तोहरा जनह कहके मोर इछा बडइ।

कल्‍लसि 3:12

तोहरा त परमेस्‍वरक छानल सोगावल हसे पवितर जन हखह, उहेसे तोहरा माया, दाया, नम्रता, सोझपन हसे सहसानके लुगा नहिँया पेहरिह।

१ थेसलोनिकि 2:5

तोहार थाह बडइ कि, हमरा तोहराके चिपलाट बात हइने करलहुँ न त किहो चिजु पउबहुँ कहके लोभ करलहुँ। यकर साछि परमेस्‍वर बडसि।

१ थेसलोनिकि 2:8

हमरा तोहराके बहुत माया करलेसे, परमेस्‍वरक सुसमाचार परचार मतरे हइने करलहुँ, बाकि यापन जिवन देवेके तहिँया फेनि तयार भेलहुँ, केहकेकि तोहरा हमार तहिँया प्रिय भेल रहलह।

२ तिमोथि 1:4

तोर झारलि रोरवा समझके तोरके भेटेके खाँ मन लगइ बडइ, ताकि तोरके भेटके मुइ खाँ खुसि हखे सकबहि।

फिलेमोन 1:12

मुइ ओनेसिमसके, जुने मोर हृदयक खाडा हखिय वकरेके फेरि तोर लघिना पठोइ बडहिँ।

फिलेमोन 1:20

उहेसे मोर भयवा, प्रभुक खातिर इअ मोर तहिँया कर देसि हसे मोर हृदय ख्रिस्‍टमा आनन्‍दित हखइ।

१ युहन्‍ना 3:17

यगर ककरो लघिना संसारक धन-सम्‍पति बडइ, उअ याको विस्‍वासिसभके खाँचोमा परल देखके फेनि दाया नाहिँ करबिय जउँ, परमेस्‍वरक प्रेम वकरमा कस्‍के रहतइ?