फिलिप्‍पि 1:7 - चितवनिया थारु

⁷ मुइ झ्‍यालखनवामा हसे बाहरा रहइकि तोहरा जम्‍मे जन मोरसाङे सुसमाचार फइलावेके काममा सहभागि भेल बडह। इअ काम परमेस्‍वर दाया करके देले हखसि। उहेसे मुइ तोहरा जम्‍मे जनके यापन हृदयमा रखले बडहिँ। इअ करेके तहिँया मोर ठिक लगलइ।

फिलिप्‍पि 1:7 Iomraidhean Croise

प्रेरित 20:23

बाकि मोर इतुरा मतरे थाह बडइ कि, सतावट हसे झ्‍यालखनवाक दुःख भोगे परतइ कहके जम्‍मे सहरवामा पवितर-आत्‍मा मोरके कहले बडसि।

प्रेरित 21:33

तब सेनापतिया पावलक लघिना याके वकरेके पकडलिय हसे वकरेके दु गो सिकरिसे बाँन्‍हे लगाके मन्‍सावानिके पुछलिय, “इअ मन्‍सावा कुने हखिय हसे इअ कथि करले बडिय त?”

१ कोरिन्‍थि 13:7

प्रेम करलाहर मन्‍से जम्‍मे बातमा धिरज रखसिय, जम्‍मे बातमा विस्‍वास करसिय, जम्‍मे बातमा यासा रखसिय हसे जम्‍मे बातमा डटके रहसिय।

१ कोरिन्‍थि 9:23

मुइ सुसमाचार फइलावेके तहिँया आसिसक भागिदार हखे सकुँ कहके मुइ इअ जम्‍मे करसहिँ।

२ कोरिन्‍थि 3:2

तोहराहिँ हमार चिठि हखह, जुन जम्‍मे मन्‍सावानिक तहिँया चिने हसे पढे सके जोकर हमार हृदयमा लिखाइल नहिँया बडइ।

२ कोरिन्‍थि 7:3

तोहराके दोसि ठहरावेके तहिँया मुइ इअ हइने कहले हखहि, केहकेकि मुइ यगाहे कहले रहलहिँ, हमार हृदयमा तोहार तहिँया यतुरा प्रेम बडइ कि, हमरा तोहारसाङे मरे कि बचेके फेनि तयार बडहुँ।

गलाति 5:6

यगर हमरा ख्रिस्‍टसाङे एक भेलेसे, हमरा खतना करेके कि खतना नाहिँ करेके किहो बात हइने हखइ, बरु मुख्‍य बात त इअ हखइ कि, हमरा ख्रिस्‍टमा विस्‍वास करसहुँ उहेसे दोसरि मन्‍सावानिके प्रेम करसहुँ।

एफिसि 3:1

उहेसे तोहरा अयहुदि मन्‍सावानिके येसु ख्रिस्‍टक सुसमाचार सुनावेके काम करइकि मुइ पावल, झ्‍यालखनवामा परल बडहिँ।

एफिसि 4:1

उहेसे मुइ पावल, प्रभुक सेवा करके झ्‍यालखनवामा परल एगुडा मन्‍से तोहराके परमेस्‍वरक मन परना जिवन बितोइह कहके मुइ बिन्‍ति करसहिँ, केहकेकि हुने तोहराके बलोले हखसि।

एफिसि 6:20

इहे सुसमाचार सुनावेके तहिँया मुइ प्रेरित भेल बडहिँ हसे यकरे तहिँया मुइ झ्‍यालखनामा परल बडहिँ। उहेसे मुइ कथि फदके परतइ उअ सहाससे फदके सकुँ कहके मोर तहिँया परथाना करदिह।

फिलिप्‍पि 1:12

अरे भयवाह, तोहरा इअ जनह कहके मुइ चाहसहिँ कि, जथि खराब चिजु मोरमा यहवाँ घटलइ, वकरसे बहुत मन्‍सेसभके ख्रिस्‍टक बारेमा यसल समाद सुनेके मदत पुगल बडइ।

फिलिप्‍पि 1:13

मुइ ख्रिस्‍टक बारेमा परचार करलेसे झ्‍यालखनवामा परल बडहिँ कहके दरबारवाक जम्‍मे सिपहियवानिके हसे याको जनक थाह बडइ।

फिलिप्‍पि 1:14

मुइ झ्‍यालखनवामा परलेसे बहुत भाइसभ यखनि प्रभुमा झन भरोसा करलइ। यखनि हुनुका परमेस्‍वरक वचन परचार करेके झन सहास पउले बडइ।

फिलिप्‍पि 1:5

केहकेकि तोहरा सुरुसे यखनिलइ सुसमाचारक काममा सझिया बडह।

फिलिप्‍पि 2:22

तिमोथिक व्‍यबहार यसल बडइ कहके तोहार थाह बडइ, सुसमाचार परचारक काम उअ मोरके कस्‍के साथ देलिय कहके तोहरा देखले बडह, जसने बेटवा यापन बाबाके साथ देसइ।

फिलिप्‍पि 4:14

ताफेनि मुइ कस्‍टमा परइकि मदत करके तोहरा यसल करलह।

फिलिप्‍पि 4:15

तोहरा फिलिप्‍पिक मोर सङहतिवानिक थाह बडइ कि, पहिला मुइ तोहराके सुसमाचार परचार करलहिँ, वकरपाछा माकेडोनिया छेतर छाडके जाइकि मोरके मदत करलाहर मन्‍डलि तोहरा मतरे रहलह। मोरसाङे लेनदेन करलाहर तोहरा मतरे रहलह। इअ बतवा तोहरा फिलिप्‍पिक मन्‍सावासभक थाह बडइ।

फिलिप्‍पि 4:3

मोर विस्‍वासयोग्‍य सहकरमि, मुइ तोहराके बिन्‍ति करइ बडहिँ कि, इअ दु जन जनिनियानिके मदत करिह, केहकेकि हुनुका मोरसाङे सुसमाचार सुनावेके काममा क्‍लेमेससाङे हसे मोर याको बाँकि रहलि सहकरमिसभसाङे मेहनत करले बडइ, उअ जम्‍मे मन्‍सावानिक नाउँ परमेस्‍वर यापन कितबवामा लिखले बडसि, जुने सबदिन जियतइ।

कल्‍लसि 4:18

मुइ पावल इअ अभिवादन यपने हथवासे लिखइ बडहिँ। मुइ झ्‍यालखनवामा बडहिँ कहलि बतवा झिन बिसरोइह। परमेस्‍वरक अनुग्रह तोहारसाङे रहइ।

कल्‍लसि 4:3

हमरा ख्रिस्‍टक रहस्‍यक बात सुनावे सकुँ हसे मन्‍सावानिके हुनेक वचन परचार करेके तहिँया परमेस्‍वर एगुडा दुवारि खोल दिय कहके हमार तहिँया फेनि परथाना करिह। यकरे तहिँया मुइ झ्‍यालखनवामा थुनाइल बडहिँ।

१ थेसलोनिकि 5:5

केहकेकि तोहरा जम्‍मे जन इजोर हसे दिनक सन्‍तान हखह। हमरा रात हसे यन्‍हारक सन्‍तान हइने हखहुँ।

२ तिमोथि 1:8

उहेसे तुइ हमार प्रभुक बारेमा गवाहि देवेके झिन लजेसि। मुइ हुनेक तहिँया झ्‍यालखानामा परलहिँ कहके फेनि मोर बारेमा तुइ लाज झिन मानसि। बाकि परमेस्‍वरक सक्‍तिमा खुसिक समाद सुनावेके काममा मोरसाङे दुःख भोगेके तयार हखसि।

२ तिमोथि 2:9

जुन खुसिक समाद परचार करलेसे मुइ दुःख भोगके अपराधि नहिँया सिकरियामा बन्‍हाइल बडहिँ। बाकि मन्‍सावाह परमेस्‍वरक वचन बान्‍हे नाहिँ सकतइ।

फिलेमोन 1:13

वकरेके मुइ यापनसाङे राखे पउतहिँ त खुसि हतहिँ, केहकेकि सुसमाचारक तहिँया मुइ झ्‍यालखनवामा रहइकि तोर सटहा उअ मोरके मदत करे सकतिय।

हिब्रु 3:1

उहेसे, स्‍वरगिय बोलावटमा परमेस्‍वरक छानल पवितर मन्‍सेसभ, तोहरा परमेस्‍वरक समाद कहलाहर तके प्रधान पुजेरि कहके हमरा स्‍विकार करलि येसुजिमा मन लगोइह।

१ पतरुस 4:13

बरु ख्रिस्‍टक दुःख-कस्‍टमा सहभागि भेल बडह कहके आनन्‍द मनोइह, जब हुने महिमासाङे यवइकि तोहरा झन खाँ खुसि हखे सकह।

१ पतरुस 5:1

मुइ फेनि मन्‍डलिक एगुडा एल्‍डर भेलेसे ख्रिस्‍टक भोगलि कस्‍टके यपनहिँ देखले बडहिँ हसे पाछा यइना महिमामा सहभागि हखबहिँ। उहेसे मुइ तोहार बिचा भेलि एल्‍डरवानिके बिन्‍ति करके कहइ बडहिँ,

२ पतरुस 1:13

मुइ इअ देहियामा जियइलइ तोहराके इअ बतवा सम्‍झोइ रहबहिँ कहके मोर ठिक लगसइ।

१ युहन्‍ना 3:14

हमरा एक-दोसरि जनके प्रेम करलेसे, हमरा मृत्‍युके छाडके जिवनमा सरसकल बडहुँ कहके हमार थाह बडइ। जुने प्रेम हइने करसइ, उअ मृत्‍युमा रहसिय।