फिलिप्‍पि 1:6 - चितवनिया थारु

⁶ मुइ निस्‍चित बडहिँ कि, परमेस्‍वर विस्‍वासयोग्‍य बडसि। तोहारमा जथि यसल काम हुने सुरु करले बडसि, हुनेहिँ येसु ख्रिस्‍ट यइना दिनवामा उअ पुरा करबसि।

फिलिप्‍पि 1:6 Iomraidhean Croise

युहन्‍ना 6:29

येसुजि हुनुकाके जवाफ देते कहलसि, “परमेस्‍वरक चाहल काम इअ हखइ: हुने जकरेके पठोले बडसि वकरमा विस्‍वास करिह।”

प्रेरित 11:18

इअ बतवा सुनसकलेपर यहुदि विस्‍वासिसभ पतरुसके दोस लगावे छडलइ हसे यसके कहते परमेस्‍वरक बखान करलइ, “परमेस्‍वर अयहुदियानिके फेनि यापन-यापन पापि मनवा फिराके परमेस्‍वरक लघिना यावेके हसे जिवन पावेके मउका देले बडसि।”

प्रेरित 16:14

वहवाँ थियाटिरा सहरवाक लिडिया नाउँक महङ जामुक रङक लुगाक व्‍यपार करलाहर एक जन जनियानि रहलिय। उअ परमेस्‍वरक आराधना करलाहर एक अयहुदि रहलिय। तब पावलक बतवा ध्‍यान लगाके सुनेके तहिँया प्रभु वकर हृदय खोल देलसि।

१ कोरिन्‍थि 1:8

हमार प्रभु येसु ख्रिस्‍ट यइलि दिनवामा तोहरा निरदोस हखह कहके हुने तोहराके याखिरलइ विस्‍वासमा बरियार बनोबसि।

२ कोरिन्‍थि 1:15

हमरा एक-दोसरि जनके बुझसहुँ कहलि बतवामा मोर पाका भरोसा भेलेसे, मुइ तोहराके सबसे पहिला भेटे यावेके इछा करले रहलहिँ। यसके तोहार दोबर फाइदा हतिय।

२ कोरिन्‍थि 2:3

हसे मुइ यवइकि मोरके खुसि देलहरवा मन्‍सावासे मोर चित झिन दुखइ कहके मुइ उअ चिठिया लिखले रहलहिँ, केहकेकि मुइ आनन्‍द हखइकि तोहरा जम्‍मे जन फेनि आनन्‍द हखबह कहके मोर पाका विस्‍वास रहलइ।

२ कोरिन्‍थि 7:16

मुइ खाँ खुसि बडहिँ, केहकेकि तोहारमा मोर पुरा भरोसा बडइ।

२ कोरिन्‍थि 9:4

यगर कुनहुँ माकेडोनियाक मन्‍सावाह मोरसाङे तोहार लघिना यतइ हसे तोहराके दान देवेके तयार नाहिँ पउतइ जउँ, हमरा लजियामा परबहुँ तके तोहरा फेनि कम्‍ति लजियामा नाहिँ परबह, केहकेकि हमरा तोहारमा खाँ भरोसा रखले रहलहुँ।

गलाति 5:10

तोहरा झुठा सिछामा विस्‍वास नाहिँ करबह कहके मोर प्रभुमा पुरा भरोसा बडइ, बाकि जुने तोहराके झुठा बात सिखोइ बडइ, उअ जबड पदक मन्‍से भेले फेनि परमेस्‍वर वकरेके दन्‍ड देबसि।

एफिसि 4:12

ताकि हुनुका ख्रिस्‍टक पवितर जनसभके परमेस्‍वरक सेवाक तहिँया तयार करइ हसे ख्रिस्‍टक देहि, जुन मन्‍डलिक विस्‍वासिसभ हखइ, हुनुकाके बरियार बनोइ।

फिलिप्‍पि 1:10

ताकि तोहरा सबसे यसल कथि हखइ उअ छुटियावे सकह हसे ख्रिस्‍ट यइवकि तोहरा सुद्ध तके निरदोस हखे सकह।

फिलिप्‍पि 1:29

केहकेकि परमेस्‍वर ख्रिस्‍टमा विस्‍वास करेके हसे दुःख भोगेके तहिँया दुन्‍हुँ मउका हुने तोहराके देले बडसि।

फिलिप्‍पि 2:12

उहेसे मोर प्रिय भयवाह, मुइ तोहारसाङे रहइकि तोहरा मोर बतवा सबदिन मनलह, याबे मोर उपस्‍थितिमा मतरे हइने, बाकि तोहरा परमेस्‍वरक झन बढता यादर हसे डर मनते, तोहरा मुक्‍ति पउले बडह कहके देखावेके तहिँया खाँ डउलसे मेहनत करिह, जुन तोहार विस्‍वासक प्रतिफल हखइ।

फिलिप्‍पि 2:13

केहकेकि परमेस्‍वर तोहारमा काम करइ बडसि। हुने तोहराके हुनेक यसल उदेस्‍यक काम पुरा करेके इछा हसे सक्‍ति दुन्‍हु देबसि।

फिलिप्‍पि 2:16

तोहरा अनन्‍त जिवन देना खुसिक समाद मन्‍सावानिके सुनोइह। यसके करबह जउँ, मोर दुःख सहते करलि कमवा वसहि हइने गेलइ कहके ख्रिस्‍ट यवइकि मुइ गरव करे सकबहि।

कल्‍लसि 2:12

जब तोहरा बप्‍तिस्‍मा लेलह, तोहरा ख्रिस्‍टसाङे गडेलह हसे ख्रिस्‍टके मरलिसे जिउते बनोलहर परमेस्‍वरक सक्‍तिमा विस्‍वास करलेसे तोहरा फेनि ख्रिस्‍टसाङे जियल बडह।

१ थेसलोनिकि 1:3

हसे विस्‍वाससे करल तोहार काम, प्रेमसे करल मदत तके हमरा प्रभु येसु ख्रिस्‍टमा रखलि तोहार यसरासे बरियार भेल परमेस्‍वर हमार पिताक यागा हमरा सबदिन सम्‍झइरहसहुँ।

२ थेसलोनिकि 1:11

उहेसे परमेस्‍वर तोहराके यापन बोलावटक लाइक बनोसि कहके हमरा सबदिन तोहार तहिँया परथाना करसहुँ। हमार परमेस्‍वर तोहराके जम्‍मे यसल काम करेके हसे तोहार विस्‍वाससे याइल इछा पुरा करेके तहिँया सक्‍ति दिय,

२ थेसलोनिकि 3:4

हमरा जथि बात तोहराके आग्‍या देसहुँ, उअ तोहरा मनले बडह हसे मनते जेबह कहके हमरा प्रभुमा निस्‍चित बडहुँ।

फिलेमोन 1:21

तुइ मोर कहलि बतवासे याको बढता करबहिँ कहके जानके मुइ तोरके इअ चिठिया लिखइ बडहिँ।

हिब्रु 10:35

उहेसे तोहरा परमेस्‍वर वपरा रखलि यापन इअ भरोसा झिन छडिह, केहकेकि तोहरा वकर जबड इनाम पउबह।

हिब्रु 12:2

हमार दगुरमा हमरा येसुजिके हेरु, केहकेकि हुनेहिँ हमार विस्‍वास सुरु करलाहर हसे पुरा करलाहर हखसि। हुनेक यागा राखदेलि आनन्‍दक तहिँया यपमानके किहो हइने ठानके क्रुसक कस्‍ट भोगलसि हसे परमेस्‍वरक सिंहासनक दहिनिकलहरवा बेठल बडसि।

१ पतरुस 5:10

तोहरा किहो समय कस्‍ट भोगलेपर, हमार महान दयगर परमेस्‍वर, जुने तोहराके ख्रिस्‍टमा अनन्‍त महिमामा सहभागि हखेके तहिँया बलोले बडसि, हुने यपनहिँ तोहराके फेरि स्‍थापना करबसि, सिद्ध बनोबसि, बरियार बनाके स्‍थिर करबसि।

२ पतरुस 3:10

बाकि प्रभुक न्‍याय करना दिन त चोर नहिँया यरमरका यतइ। उअ दिन जम्‍मे यकास-मन्‍डल जबड स्‍वर करके हेराके जेतइ, बेरियावा, जोन्‍हवा, तरगनवाह जरके भस्‍म हतइ। वकरपाछा धरतिया हसे वकरमा बनोलि जम्‍मे चिजुवा नास हतइ।