फिलिप्‍पि 1:5 - चितवनिया थारु

⁵ केहकेकि तोहरा सुरुसे यखनिलइ सुसमाचारक काममा सझिया बडह।

फिलिप्‍पि 1:5 Iomraidhean Croise

प्रेरित 2:42

वकरपाछा, जम्‍मे विस्‍वासिवाह प्रेरितवानिक सिछा, सङगति, प्रभु-भोज हसे परथानामा जुन बितोइरहइ।

रोमि 11:17

गछवाक काम हइने लगना कतेक डार काटके फकाइल नहिँया परमेस्‍वर कतेक जन यहुदि मन्‍सावानिके यापन सम्‍बन्‍धसे हटादेलसि हसे तोहरा अयहुदियाह बनक जइतुनक डारसभ भेले फेनि उअ यसल जइतुनक गछवामा कलमि बन्‍हाइल बडह। याबे तोहरा फेनि उअ यसल जइतुनक गाछसे सक्‍ति देना खइना चिजु पावे सकबह।

रोमि 12:13

प्रभुक जनसभक खाँचो परइकि मदत करिह हसे घरवामा यइलि पहुनावानि सेवा-सत्‍कार करिह।

रोमि 15:26

केहकेकि माकेडोनिया हसे अखइया छेतरमा भेलि मन्‍डलियाह यरुसलेममा भेलि गरिब मन्‍सावानिके पइसा पठोइ बडइ।

१ कोरिन्‍थि 1:9

परमेस्‍वर विस्‍वासयोग्य बडसि हसे हुनेहिँ यापन पुतर हमार प्रभु येसु ख्रिस्‍टसाङे सङगतिक तहिँया तोहराके बलोलसि।

२ कोरिन्‍थि 8:1

प्रियसभ, माकेडोनिया छेतरक मन्‍डलियासभमा परमेस्‍वरक देलि अनुग्रहक बारेमा हमरा तोहराके कहे चाहइ बडहुँ।

एफिसि 3:6

उअ लोकाइल योजना चाहिँ इअ हखइ कि, अयहुदि मन्‍सावाह फेनि सुसमाचारमा विस्‍वास करके यहुदि मन्‍सावानिक नहिँया परमेस्‍वरक आसिस पउतइ। हुनुका फेनि एगुडे देहिक यङसभ हखइ हसे ख्रिस्‍ट येसुमा परमेस्‍वरक करलि प्रतिग्याक भागिदार भेल बडइ।

फिलिप्‍पि 1:12

अरे भयवाह, तोहरा इअ जनह कहके मुइ चाहसहिँ कि, जथि खराब चिजु मोरमा यहवाँ घटलइ, वकरसे बहुत मन्‍सेसभके ख्रिस्‍टक बारेमा यसल समाद सुनेके मदत पुगल बडइ।

फिलिप्‍पि 1:16

मुइ सुसमाचारक सुरछाक तहिँया यहवाँ झ्‍यालखनवामा बडहिँ कहके जनलहरा इअ कमवा हुनुका प्रेमसे करसइ।

फिलिप्‍पि 1:27

मुख्‍य बात इअ हखइ कि, तोहार जिवन ख्रिस्‍टक सुसमाचारक तहिँया योग्‍यक हखइ। उहेसे मुइ तोहराके भेटले फेनि, हइने भेटले फेनि तोहरा एगुडा उदेस्‍य लेके डटके बडह हसे एके मन भके सुसमाचारक विस्‍वासक तहिँया परिसरम करइबडह कहके मुइ सुने पाउ।

फिलिप्‍पि 1:7

मुइ झ्‍यालखनवामा हसे बाहरा रहइकि तोहरा जम्‍मे जन मोरसाङे सुसमाचार फइलावेके काममा सहभागि भेल बडह। इअ काम परमेस्‍वर दाया करके देले हखसि। उहेसे मुइ तोहरा जम्‍मे जनके यापन हृदयमा रखले बडहिँ। इअ करेके तहिँया मोर ठिक लगलइ।

फिलिप्‍पि 2:12

उहेसे मोर प्रिय भयवाह, मुइ तोहारसाङे रहइकि तोहरा मोर बतवा सबदिन मनलह, याबे मोर उपस्‍थितिमा मतरे हइने, बाकि तोहरा परमेस्‍वरक झन बढता यादर हसे डर मनते, तोहरा मुक्‍ति पउले बडह कहके देखावेके तहिँया खाँ डउलसे मेहनत करिह, जुन तोहार विस्‍वासक प्रतिफल हखइ।

फिलिप्‍पि 2:22

तिमोथिक व्‍यबहार यसल बडइ कहके तोहार थाह बडइ, सुसमाचार परचारक काम उअ मोरके कस्‍के साथ देलिय कहके तोहरा देखले बडह, जसने बेटवा यापन बाबाके साथ देसइ।

फिलिप्‍पि 4:3

मोर विस्‍वासयोग्‍य सहकरमि, मुइ तोहराके बिन्‍ति करइ बडहिँ कि, इअ दु जन जनिनियानिके मदत करिह, केहकेकि हुनुका मोरसाङे सुसमाचार सुनावेके काममा क्‍लेमेससाङे हसे मोर याको बाँकि रहलि सहकरमिसभसाङे मेहनत करले बडइ, उअ जम्‍मे मन्‍सावानिक नाउँ परमेस्‍वर यापन कितबवामा लिखले बडसि, जुने सबदिन जियतइ।

फिलेमोन 1:17

उहेसे तुइ मोरके यापनसाङे काम करलाहर सझिया सम्‍झबहि जउँ, तुइ मोरके स्‍वागत करले नहिँया वकरेके फेनि स्‍वागत करसि।

हिब्रु 3:14

यगर हमरा सुरुमा ख्रिस्‍टमा भरोसा करले नहिँया याखिरलइ हमार जिवनमा विस्‍वासके बचाके रखबहुँ जउँ, हमरा ख्रिस्‍टसाङे सझिया हकदार हखबहुँ।

२ पतरुस 1:1

मुइ येसु ख्रिस्‍टक दास हसे प्रेरित सिमोन पतरुस, हमार परमेस्‍वर हसे मुक्‍तिदाता येसु ख्रिस्‍टक धारमिकतासे हमार नहिँया बहुमुल्‍य विस्‍वास पउलहरानिके इअ चिठिया लिखइ बडहिँ।

१ युहन्‍ना 1:3

हमरा जथि देखले हसे सुनले बडहुँ, हमरा उअ तोहराके परचार करबहुँ, ताकि हमारसाङे तोहार सङगति हखइ। हमार सङगति त पिता हसे हुनेक पुतर येसु ख्रिस्‍टसाङे बडइ।

१ युहन्‍ना 1:7

बाकि हुने इजोरमा भेल नहिँया हमरा फेनि इजोरमा बुलबहुँ जउँ, हमार सङगति एक-दोसरि जनसाङे हसइ हसे हुनेक पुतर येसुजिक रकतवा हमराके जम्‍मे पापसे सुद्ध पारसिय।