फिलिप्‍पि 1:30 - चितवनिया थारु

³⁰ तोहरा उहे दुःख-कस्‍ट पवइ बडह। जुने सुसमाचारक विरोध करसइ, हमरा दुन्‍हु जन फेनि विरोध करहि परतइ। पहिला तोहरा मोरके इअ करइ देखलह हसे मुइ यखनि उअ करइ बडहिँ कहके सुनइ बडह।

फिलिप्‍पि 1:30 Iomraidhean Croise

युहन्‍ना 16:33

तोहरा मोरमा रहके सान्‍ति पावे सकह कहके मुइ इअ जम्‍मे बतवा तोहराके कहले हखहि। इअ संसारमा तोहराके खाँ दुःख हतइ, बाकि सहास करह! केहकेकि मुइ संसारके जितले बडहिँ।”

फिलिप्‍पि 1:13

मुइ ख्रिस्‍टक बारेमा परचार करलेसे झ्‍यालखनवामा परल बडहिँ कहके दरबारवाक जम्‍मे सिपहियवानिके हसे याको जनक थाह बडइ।

कल्‍लसि 1:29

मुइ ख्रिस्‍टक महान सक्‍तिमा भर परके इअ कमवा खाँ मेहनतसे करइ बडहिँ।

कल्‍लसि 2:1

मुइ कस्‍के तोहार तहिँया हसे लाउडिकिया सहरवाक विस्‍वासिसभक तहिँया तके मोरके हइने देखलहराह जम्‍मे जनक तहिँया खाँ परिसरम करले बडहिँ, इअ बतवा तोहरा जनह कहके मोर इछा बडइ।

१ थेसलोनिकि 2:2

तोहार लघिना यइलिसे यागा हमरा फिलिप्‍पि सहरवामा कस्‍के दुःख पउलहुँ हसे यपमानित भेलहुँ, उअ बतवा तोहार थाह बडइ। ताफेनि बहुत विरोधि हखते-हखते फेनि परमेस्‍वरमा सहास पाके हमरा तोहराके सुसमाचार सुनोलहुँ।

१ तिमोथि 6:12

विस्‍वासक यसल लडाइ लडसि। अनन्‍त जिवनके पकडले रहसि, केहकेकि इहे जिवनक तहिँया परमेस्‍वर तोरके बलोले हखसि हसे यकरे तहिँया तुइ बहुत जनक यागा यापन यसल साछि देले बडहि।

२ तिमोथि 4:7

मुइ यसल लडाइ लड सकले बडहिँ। मोर दउड वरोले बडहिँ हसे मोर विस्‍वासके फेनि बचाके रखले बडहिँ।

हिब्रु 12:1

हमार चारिवर विस्‍वासक जिवनक बिसयमा गवाहि देना मन्‍सेसभक जबड भिड भेलेसे हमरा फेनि विस्‍वस्‍थ भके येसु ख्रिस्‍टक सेवा दउड नहिँया करे परतइ। हमार दउडमा यइना हरेक बाधाके हसे हमराके उसारसे यझुरोलहर पापके यकोरियाहे लागके हमरा सहसानसे अन्‍तिमलइ येसु ख्रिस्‍टक सेवामा दगुरे परतइ।

हिब्रु 12:4

तोहरा पापक विरोधमा लडे परइकि यखनिलइ यापन प्रान गुमावे त हइने परल बडइ।

प्रकास 12:11

हमार विस्‍वासिसभ पठवाक रकत हसे गवाहिक करनसे सइतनवाके जितले बडइ हसे हुनुका यापन जिवन देवेके फेनि तयार रहलइ।