फिलिप्‍पि 1:17 - चितवनिया थारु

¹⁷ याको जन सोझ मनसे हइने बाकि मोरके झ्‍यालखनवामा झन दुःख देवेके तहिँया स्‍वारथि मनसे ख्रिस्‍टक बारेमा परचार करसइ।

फिलिप्‍पि 1:17 Iomraidhean Croise

लुका 21:14

बाकि तोहरा यपनहिँके निरदोस देखावेके तहिँया कथि कहे परतइ कहके चिन्‍ता झिन करिह।

प्रेरित 22:1

पावल कहलिय, “अरे मोर भयवाह हसे बाबासभ, यपनहुँसभक यागा मोर यापन पछमा कहे परना बात याबे सुनहुँ।”

प्रेरित 26:1

वकरपाछा राजा अग्रिपास पावलके कहलिय, “याबे तुइ यापन पछमा फदके सकबहि।” उहेसे पावल यापन हथवा पसराके यापन बचावमा यसके कहलिय,

प्रेरित 26:24

पावलक कहलि इअ बतवा सुनके, फेस्‍तस चिल्‍लाके कहलिय, “पावल तुइ पागल भेल बडहि! तोर बहुत ग्‍यान तोरके पागल बनोले बडिय!”

रोमि 2:8

बाकि यपनहिँके मतरे प्रेम करलाहर, सत्‍य बात पालन हइने करलाहर हसे खराब काम करलाहर मन्‍सेसभके परमेस्‍वर खाँ नाहिँ डउलसे दन्‍ड देबसि।

फिलिप्‍पि 1:18

जथि हखइ, चाहे यसल मनसे, चाहे हइने डउल मनसे, जसके भेले फेनि ख्रिस्‍टक बारेमा परचार हखइ रहइ। यकरेमा मुइ आनन्‍दित बडहिँ हसे आनन्‍दित हखते रहबहिँ।

फिलिप्‍पि 1:7

मुइ झ्‍यालखनवामा हसे बाहरा रहइकि तोहरा जम्‍मे जन मोरसाङे सुसमाचार फइलावेके काममा सहभागि भेल बडह। इअ काम परमेस्‍वर दाया करके देले हखसि। उहेसे मुइ तोहरा जम्‍मे जनके यापन हृदयमा रखले बडहिँ। इअ करेके तहिँया मोर ठिक लगलइ।

फिलिप्‍पि 2:3

दोसरे जनसे यपनहिँके जबड बनावेके कोसिस कबहुँ झिन करिह हसे घमन्‍डसे फुलके किहो झिन करिह, बाकि नम्र हखिह हसे याको जनके यापनसे यसल सम्‍झिह।

१ तिमोथि 2:7

इअ कारनसे परमेस्‍वर मोरके अयहुदि मन्‍सावानिके विस्‍वास हसे सत्‍यक समाद सिखावेके तहिँया एगुडा परचारक हसे प्रेरित बनोले बडसि। मुइ सदियो बात फदकसहिँ, झुठा हइने।

२ तिमोथि 2:9

जुन खुसिक समाद परचार करलेसे मुइ दुःख भोगके अपराधि नहिँया सिकरियामा बन्‍हाइल बडहिँ। बाकि मन्‍सावाह परमेस्‍वरक वचन बान्‍हे नाहिँ सकतइ।

२ तिमोथि 4:16

जब पहिला पारि मोर मुदा चलइ रहलइ, तखनहिँ कुनहुँ फेनि मोर तहिँया हइने फदकलइ, बाकि जम्‍मे जन मोरके छाडके गेलइ। इअ बतवाक दोस हुनुकर विरोधमा झिन लगइ।