फिलिप्‍पि 1:15 - चितवनिया थारु

¹⁵ हखेके त कुनहुँ-कुनहुँ डाह करके याको जनसे बढता करलहिँ कहके देखावेके तहिँया ख्रिस्‍टक बारेमा परचार करसइ, बाकि कतेक जन यसल विचारसे परचार करसइ।

फिलिप्‍पि 1:15 Iomraidhean Croise

मतिक लिखल सुसमाचार 23:5

हुनुका जथि काम करसइ, मन्‍सावानिके देखावेके तहिँया मतरे करसइ। हुनुका यापन लिलरवा हसे पखुरवामा बान्‍हलि व्‍यवस्‍थाक-पतरि जबड-जबड करके बनोसइ। हुनुका यपनहिँके धरमि देखावेके तहिँया यापन लुगवामा नमहर-नमहर झुमका लगोसइ।

प्रेरित 10:36

यपनहुँसभक थाह बडइ कि, परमेस्‍वर इस्राएलि मन्‍सावानिक लघिना यापन वचन पठोलसि हसे हुने येसुजि, जुने जम्‍मे जनक प्रभु हखसि, हुनेसे सान्‍तिक सुसमाचार सुनोलसि।

प्रेरित 11:20

बाकि वकरपाछा साइप्रस ठिसवा हसे कुरेनि सहरवासे कतेक जन चेलसभ एन्‍टिओखियामा याके अयहुदियानिके फेनि प्रभु येसु ख्रिस्‍टक सुसमाचार परचार करे लगलइ।

प्रेरित 5:42

वकरपाछा हुनुका सबदिन मन्‍दिरवामा हसे घरवा-घरवामा जाके “येसुजि ख्रिस्‍ट हखसि” कहके खुसिक समाद सिखोते परचार करलइ।

प्रेरित 8:35

तब फिलिप धरमसास्‍तरवाक उहे खन्‍डसे सुरु करके येसुजिक बारेमा सुसमाचार सुनोलिय।

प्रेरित 8:5

तब फिलिप सामरिया छेतरक एगुडा सहरमा गेलिय हसे येसुजि मुक्‍ति देलाहर ख्रिस्‍ट हखसि कहके परचार करलिय।

प्रेरित 9:20

तखनहिँसे साउल येसुजि परमेस्‍वरक पुतर हखसि कहके सभाघरवामा परचार करे लगलिय।

रोमि 2:8

बाकि यपनहिँके मतरे प्रेम करलाहर, सत्‍य बात पालन हइने करलाहर हसे खराब काम करलाहर मन्‍सेसभके परमेस्‍वर खाँ नाहिँ डउलसे दन्‍ड देबसि।

१ कोरिन्‍थि 1:23

बाकि हमरा क्रुसमा टङइलि ख्रिस्‍टक बारेमा परचार करसहुँ, जुन यहुदि मन्‍सावानिक तहिँया यपमानक बात हसे अयहुदियानिक तहिँया मुरुख बात भेलइ।

१ कोरिन्‍थि 13:3

यगर मुइ यापन जम्‍मे सम्‍पतिया गरिबवानिके बाँट देबहि हसे यापन देहियाके जरावेके तहिँया देले ताफेनि मुइ प्रेम नाहिँ करबहिँ जउँ, मोर किहो फाइदा नाहिँ हतइ।

२ कोरिन्‍थि 1:19

केहकेकि सिलास, तिमोथि हसे मुइ तोहार बिचा परचार करलि परमेस्‍वरक पुतर येसु ख्रिस्‍टक एगुडे मुहसे “हतइ” हसे “नाहिँ हतइ” कहके कहे नाहिँ बनतइ, बाकि हुने जम्‍मे बतवामा विस्‍वासयोग्‍य बडसि।

२ कोरिन्‍थि 11:13

केहकेकि यसनुक मन्‍सेसभ झुठा प्रेरितसभ हसे छलि काम करलाहर हखइ। हुनुका हमरा ख्रिस्‍टक प्रेरितसभ हखहुँ कहके छल करसइ।

२ कोरिन्‍थि 12:20

केहकेकि मुइ तोहार लघिना यवइकि मोर सोचलि नहिँया तोहरा हसे तोहार सोचलि नहिँया मुइ नाहिँ हखबहिँ कि कहके डेरेसहिँ। तोहार बिचा झगडा, डाहा, खिस, स्‍वारथ, निना, चुगलि बात, घमन्‍ड हसे गोलमाल हखे सकतइ।

२ कोरिन्‍थि 4:5

हमरा यापन बारेमा परचार हइने करसहुँ, बाकि येसु ख्रिस्‍ट प्रभु हखसि कहके परचार करसहुँ हसे हमरा येसुजिक तहिँया तोहार सेवक हखहुँ।

गलाति 2:4

बाकि वहवाँ कतेक जन विस्‍वासिसभ हखहुँ कहके लाथ लगोलहर मन्‍डलिया भितरा पेसके येसु ख्रिस्‍टमा भेलि हमार स्‍वतन्‍तरताक चुवा करलइ हसे हमराके व्‍यवस्‍थाक दास बनावे खोजलइ।

फिलिप्‍पि 2:3

दोसरे जनसे यपनहिँके जबड बनावेके कोसिस कबहुँ झिन करिह हसे घमन्‍डसे फुलके किहो झिन करिह, बाकि नम्र हखिह हसे याको जनके यापनसे यसल सम्‍झिह।

१ तिमोथि 3:16

परमेस्‍वरमा भेल हमार भक्‍तिक रहस्‍य महान बडइ हसे कुनहुँ फेनि यकरेके इन्‍कार करे नाहिँ सकतइ। ख्रिस्‍ट मन्‍से भके परकट हखलसि हसे पवितर-आत्‍मासे निरदोस ठहरलसि। स्‍वरगदुतवाह हुनेके देखलइ हसे जाति-जातिक बिचा हुनेक बारेमा परचार भेलइ। संसारक जम्‍मे मन्‍सावाह हुनेमा विस्‍वास करलइ, हसे महिमामा स्‍वरगमा लिगेलसि।