फिलिप्‍पि 1:11 - चितवनिया थारु

¹¹ येसु ख्रिस्‍ट तोहराके सक्‍ति देलेसे सबदिन यसल चरितर देखावे सकह, केहकेकि ख्रिस्‍टमा तोहरा एक भेल बडह। यसनेकरके मन्‍सावाह तोहार जिवनमा यसल काम देखतइ हसे हुनुका परमेस्‍वरक यादर तके प्रसंसा करतइ।

फिलिप्‍पि 1:11 Iomraidhean Croise

मतिक लिखल सुसमाचार 5:16

वसने तोहारमा भेलि इजोरवा मन्‍सावानिक यागा चम्‍कइ, ताकि हुनुका तोहार करलि यसल काम देखइ हसे स्‍वरगमा रहलाहर तोहार पिताक महिमा करइ।

युहन्‍ना 15:16

तोहरा मोरके हइने छानलह, बाकि मुइ तोहराके छानलहिँ। तोहरा जाह हसे सबदिन रहना फर फरोह कहके मुइ तोहराके नियुक्‍त करलहिँ। तब तोहरा मोर नाउँमा पितासाङे जथि मङबह हुने तोहराके देबसि।

युहन्‍ना 15:2

जुन फेनुगा मोरमा रहके फर हइने फरोसइ उअ जम्‍मे फेनुगासभके हुने काटदेबसि हसे फर फरोलहर हरेक फेनुगासभके झन याको फरइ कहके हुने छाटके साफा करबसि।

युहन्‍ना 15:8

जब तोहरा बहुत फर फरोबह, तोहरा मोर यसल चेला हखबह हसे यकरेमा मोर पिताक महिमा हतइ।

रोमि 15:28

उहेसे हुनुकर पठोलि पइसवा यरुसलेममा भेलि गरिब विस्‍वासिसभके देवेके काम सकके तोहराके भेटते मुइ स्‍पेन जेबहिँ।

रोमि 6:22

याबे तोहरा पापसे छुटकारा पउले बडह हसे परमेस्‍वरक कमारा भेल बडह। इअ तोहराके पवितर बनोसिय हसे अनन्‍त जिवनमा पुगोसिय।

१ कोरिन्‍थि 10:31

उहेसे चाहे तोहरा खाह, पिह कि जथि करह, जम्‍मे परमेस्‍वरक यादरक तहिँया करिह।

२ कोरिन्‍थि 9:10

परमेस्‍वर खेति करलहरानिके छिटेके बिया हसे खाएके जेउना देससि। वसने हुने तोहराके चाहिँ लगना जम्‍मे चिजु देबसि हसे बहुत बढा देबसि तके तोहार करलि यसल काम फेनि बहुत बढा देबसि।

एफिसि 1:12

ताकि हमरा यहुदियाह जतेक जन ख्रिस्‍ट वपरा पहिला यापन यासा रखले बडहुँ, हुनेक प्रसंसा करे सकुँ कहके हमराके नियुक्‍त करलसि।

एफिसि 1:14

परमेस्‍वरक प्रतिग्‍या करलि पुरा मुक्‍ति नाहिँ पवइलइ पवितर-आत्‍मा त बइना नहिँया हखिय। इअ बतवाक तहिँया हुनेक प्रसंसा हसे महिमा हखइ।

एफिसि 2:10

केहकेकि जिवनमा यसल कामसभक तहिँया हुने हमराके येसु ख्रिस्‍टमा लउठा बनोले बडसि। उअ यसल काम हमरा करु कहके हुने पहिनहिँ तयार करले बडसि।

एफिसि 5:9

केहकेकि इजोरमा रहलाहर मन्‍से भलाइ करलाहर, इमान्‍दार हसे सत्‍य फदकलहर रहसइ।

फिलिप्‍पि 4:17

मुइ तोहारसे भेटि पउबहि कहके हइने, बाकि तोहरा मदत करलेसे परमेस्‍वर तोहराके आसिस दिय कहके मुइ इछा करसहिँ।

कल्‍लसि 1:10

ताकि तोहरा प्रभुक मन परना जिवन बितोते हुनेके खुसि बनावे सकबह हसे यसने तोहरा जम्‍मे यसल काममा फरफरोते परमेस्‍वरक ग्‍यानमा बढते जेबह।

कल्‍लसि 1:6

उअ सुसमाचार तोहार लघिना फेनि याइल बडइ हसे ख्रिस्‍टक उअ सुसमाचार संसारक बहुत ठउरिमा मन्‍सावाह सुनके विस्‍वास करइ बडइ तके हुनुकर जिवन बदलइ बडिय। तोहरा परमेस्‍वरक अनुग्रहक बारेमा सदि बतवा सुनलि हसे बुझलि दिनवासे सुसमाचार तोहारमा फेनि वसने काम करइ बडिय।

२ थेसलोनिकि 1:12

ताकि हमार परमेस्‍वर हसे प्रभु येसुजिक अनुग्रह यनुसार, हमार प्रभु येसुजिक नाउँ तोहारमा हसे तोहरा हुनेमा महिमित हखइ।

तितस 3:14

हमार मन्‍सावाह यसल काममा यापन जुन बितोइ, ताकि खाँ चाहि लगलि जुनवामा मदत करे सकइ। हुनुका काम बिनाक झिन रहइ।

हिब्रु 12:11

जसनुक खलिक अनुसासन फेनि उअ समयमा आनन्‍दक बात हइने हसइ। वास्‍तवमा उअ दुःखित बनोसिय, बाकि पाछेसे उअ अनुसासनसे यसल बात सिखबहुँ जउँ, उअ अनुसासन हमराके परमेस्‍वरक यागा ठिक रखसिय हसे हमरा सान्‍तिसे रहबहुँ।

१ पतरुस 2:12

प्रभुमा विस्‍वास हइने करलहरानिक बिचा तोहरा यसल जिवन बितोइह, ताकि हुनुका तोहराके खराब काम करलाहर कहके दोस लगोले ताफेनि हुनुका तोहार यसल काम देखइ हसे परमेस्‍वरक न्‍याय करे यवइकि दिनवामा हुनेक महिमा करइ।

१ पतरुस 2:5

तोहरा फेनि जिउते पत्‍थरा हखह। परमेस्‍वर तोहराके परयोग करके यापन आत्‍मिकि मन्‍दिर बनोइ बडसि, ताकि तोहरा पवितर पुजेरि भके येसु ख्रिस्‍टसे परमेस्‍वरक मन परना आत्‍मिकि भोग चढोह।

१ पतरुस 2:9

बाकि तोहरा त परमेस्‍वरक चुनल जनसभ, राजकिय पुजेरि, पवितर जाति हसे परमेस्‍वरक यपने परजासभ हखह। हुने तोहराके यन्‍हारिसे बलाके यचम्‍मक इजोरमा यनलसि, ताकि तोहरा हुनेक यचम्‍मक कामक घोसना करे सकह।

१ पतरुस 4:14

ख्रिस्‍टक पाछा लगलेसे तोहार यपमान हतइ जउँ, तोहरा धन्यक हखह, केहकेकि यकर यरथ परमेस्‍वरक महिमित आत्‍मा तोहारमा बडसि।