२ तिमोथि 4:1 - चितवनिया थारु

¹ मुइ परमेस्‍वर हसे जुन येसु ख्रिस्‍ट एक दिन यापन राजमा याके जिउति हसे मरलि मन्‍सावानिक न्याय करबसि, हुनेक यागा तोरके काडा आग्‍या देके इअ कहइ बडइ कि,

२ तिमोथि 4:1 Iomraidhean Croise

मतिक लिखल सुसमाचार 16:27

केहकेकि मुइ मन्‍सेक पुतर यापन स्‍वरगदुतवानिसाङे यापन पिताक महिमामा यबहिँ हसे तखनहिँ हरेक मन्‍सेके वकर काम यनुसार प्रतिफल देबहिँ।

लुका 19:12

“एक जन बडके घरानाक मन्‍से राजाक अधिकार लेके यावेके तहिँया तनाउक देस गेलिय।

लुका 19:15

“जब उअ बडकि मन्‍सावा राजाक अधिकार पाके फिरके यलिय, तब जतेक जन बहरियासभके सोनक पइसा देले रहलिय, हुनुकाके यापन लघिना बलाके पुछलिय, ‘तोहरा व्‍यपार करके कतेक-कतेक नाफा करलह?’

लुका 23:42

तखनहिँ उअ येसुजिके कहलिय, “हे येसुजि, यपने यपनहुँक राजमा राजा हखके यवइखुनि मोरके फेनि सम्‍झबहुँ।”

प्रेरित 10:42

येसुजि हमराके खुसिक समाचार परचार करेके तहिँया आग्‍या देले बडसि हसे हुनेके परमेस्‍वर जिउति तके मरलि मन्‍सावानिक न्यायधिस बनोले बडसि कहके साछि देवेके तहिँया हमराके आग्‍या देले बडसि।

प्रेरित 17:31

केहकेकि संसारक जम्‍मे मन्‍सावानिक न्‍याय करेके तहिँया हुने एक दिन तोक सकले बडसि हसे उअ दिन हुने यपनहिँ छानलि एक जनसे धारमिकतामा न्‍याय करबसि। उअ मन्‍सावाक न्‍याय करेके अधिकार बडइ कहके जम्‍मे मन्‍सावानिके परमान देवेके तहिँया परमेस्‍वर हुनेके मरलिसे फेरि जिउतोले बडसि।”

रोमि 2:16

इअ बतवा उअ दिन पुरा हतइ, जब परमेस्‍वर मोर परचार करलि सुसमाचार यनुसार येसु ख्रिस्‍टसे मन्‍सावानिक हृदयमा रहल गुप्‍त बातक न्याय करबसि।

कल्‍लसि 3:4

ख्रिस्‍ट हमार जिवन हखसि। जब हुने परकट हखबसि, तब तोहरा फेनि हुनेक महिमामा परकट हखबह।

२ थेसलोनिकि 2:8

वकरपाछा व्‍यवस्‍था-भङ करलहरा देखा परबिय। बाकि प्रभु येसुजि यापन मुहवाक सबदसे वकरेके नास करबसि हसे हुनेक आगमनक महिमित प्रकाससे सखाप करबसि।

१ तिमोथि 5:21

मुइ तोरके परमेस्‍वर, येसु ख्रिस्‍ट हसे चुनलि स्‍वरगदुतवानिक यागा काडा आग्‍या देके इअ कहइ बडहिँ कि, तुइ एकोरियाहे व्‍यबहार नाहिँ करके इअ जम्‍मे निरदेसन पालन करसि हसे कुनहुँ मन्‍सेके फेनि पछपात झिन करसि।

२ तिमोथि 1:10

याबे इअ हमार मुक्‍तिदाता येसु ख्रिस्‍ट यइलेपर परकट भेल हखइ। हुने मृत्‍युके नास करके जिवन हसे अविनासके खुसिक समादक माध्‍यमसे परकट करले बडसि।

२ तिमोथि 2:14

तिमोथि, इअ बतवा तुइ विस्‍वासिसभके सम्‍झोसि हसे सबदसभक बारेमा झगडा झिन करिह कहके हुनुकाके परमेस्‍वरक यागा आग्‍या देसि। इअ ककरोके फेनि भलाइ हइने करसइ, बरु सुनलहरानिके हानि पुगोसइ।

२ तिमोथि 4:18

प्रभुजि मोरके जम्‍मे खराबसे बचोबसि हसे हुने स्‍वरग राजमा मोरके सुरछितसे लिगबसि। हुनेक महिमा सबदिन हखइ। आमेन।

२ तिमोथि 4:8

याबे परमेस्‍वर मोर तहिँया धारमिकताक मकुट धरदेले बडसि। जुन पुरस्‍कार धरमि प्रभु उअ दिनवामा मोरके देबसि हसे मोरके मतरे हइने, बाकि हुने यबसि कहके हृदयसे इसियलराह जम्‍मे जनके देबसि।

१ पतरुस 1:7

इअ परिछासभ यसइ ताकि तोहार विस्‍वास जुन यागिसे खरइना नास भके जइना सोनसे मुल्‍यवान बडइ कहके परमान देसइ, उअ येसु ख्रिस्‍ट परकट हखइकि प्रसंसा, महिमा तके यादरक योग्‍य हतइ।

१ पतरुस 4:5

बाकि जिउते हसे मरलि मन्‍सावानिक न्याय करेके तहिँया तयार भके रहल परमेस्‍वरक यागा हुनुका लेखा देवे परतइ।

१ पतरुस 5:4

जब मुख्‍य भेडहरवा ख्रिस्‍ट परकट हखबसि, तोहरा सबदिन चम्‍कइ रहना मकुट पउबह।

२ पतरुस 1:11

तब हमार प्रभु हसे मुक्‍तिदाता येसु ख्रिस्‍टक अनन्‍त राज भितरा तोहार भव्‍य स्‍वागत हतइ।

२ पतरुस 1:17

जब हुने पिता परमेस्‍वरसे यादर हसे महिमा पउलसि, तखनहिँ परमेस्‍वर तेजस्‍वि महिमासे यसके कहलसि, “इअ मोर सोगावल बेटा हखिय, यकरसे मुइ खाँ खुसि बडहिँ।”

१ युहन्‍ना 2:28

मोर सोगोलि छोकनियाह, हुने फिरके यवइकि, हमार सहास हखइ हसे हमरा हुनेक यागा लाज माने झिनपरइ कहके परमेस्‍वरमा रहिह।

प्रकास 1:7

हेरह, हुने बदरियामा यवइ बडसि। हुनेके छिदलहरा हसे याको जम्‍मे जन फेनि हुनेके देखतइ। धरतियामा भेलि जम्‍मे जतियाक मन्‍सावाह हुनेक तहिँया सोक करतइ। सदियो यसने हतइ। आमेन।