२ तिमोथि 3:2 - चितवनिया थारु

² केहकेकि तखनहिँ मन्‍सावाह यपनहिँके मतरे माया करतइ हसे पइसाक लोभ करतइ। हुनुका घमन्‍डि, ढिठ, निन्‍दक, यापन दाओ-बाबाक आग्‍या हइने मनलाहर, बइगुनि हसे अपवितर हतइ।

२ तिमोथि 3:2 Iomraidhean Croise

मतिक लिखल सुसमाचार 15:6

उअ यापन दाओ-बाबाके उअ चढोलि चिजुवासे यादर करे नाहिँ परतइ। यसने तोहरा यापन रितिथितिक नाउँमा परमेस्‍वरक वचनके बेकामक बनोले बडह।

लुका 12:15

तब येसुजि फेरि कहलसि, “तोहरा चेतले रहिह! हसे जम्‍मे खलिक लोभ-लालचसे बचके रहिह, केहकेकि मन्‍सेक सदि जिवन वकरसाङे भेलि बहुत धन-सम्‍पतिमा नाहिँ हतइ।”

लुका 16:14

इअ बतवा सुनके धनक लोभ करलाहर जम्‍मे फरिसियाह येसुजिके ठाठा करे लगलइ।

लुका 6:35

“बाकि यापन सतरुवानिके माया करिह हसे हुनुकाके डउल करिह। फिरताक यसरा नाहिँ राखके रिन दिह, वसने करबह जउँ तोहरा जबड इनाम पउबह हसे सबसे महान परमेस्‍वरक बेटा-बेटि हखबह, केहकेकि परमेस्‍वर बइगुनि हसे दुस्‍टवानिके फेनि दाया करससि।

प्रेरित 5:36

किहो बरस यागा थुदास नाउँक एक जन मन्‍से यपनहिँके महान मन्‍से हखहि कहके दाबि करलिय। वकरपाछा चार सय जन जतुरा लागल रहलइ, बाकि जब वकर हत्‍या भेलइ, तब वकरपाछा लगलहरा जम्‍मे जन छाहरछिता भके वकर नाउँ निसानवाहि वरेलइ।

रोमि 11:18

उहेसे तोहरा उअ काटके फकलि डरवानिसे हमरा यसल बडहुँ कहके घमन्‍ड झिन करिह, केहकेकि तोहरा जरियाके हइने धानले बडह, बाकि जरिया तोहराके धानले बडिय।

२ कोरिन्‍थि 5:15

हुने जम्‍मे जनक तहिँया मरलसि, ताकि याबे हुनेक लउठा जिवन पउलहराह यापन तहिँया हइने, बाकि जुने हुनुकर खातिर मरके फेरि जियलसि, वकर तहिँया जियपरतइ।

फिलिप्‍पि 2:21

याको जम्‍मे भयवाह त यपने भलाइ मतरे खोजसइ, येसु ख्रिस्‍ट कथि कहइ बडसि उअ बतवाक बारेमा कुनहुँ फेनि वास्‍ता हइने करसइ।

कल्‍लसि 3:5

उहेसे तोहरा धुचुड, असुद्धता, छाडा इछा, खराब विचार जसने यापन देहियाक इछासभके मारिह। लोभ झिन करिह, केहकेकि लोभ मुरति पुजा हखइ।

२ थेसलोनिकि 2:4

उअ, परमेस्‍वर हसे मन्‍सावानि इस्‍वर मानके पुजलि जम्‍मे चिजुवाक विरोध करबिय हसे याको जम्‍मेसे यपनहिँके जबड कहके ठानबिय। उहेसे उअ परमेस्‍वरक मन्‍दिरवामा पेसके बेठबिय हसे “मोहिँ परमेस्‍वर हखहि” कहके कहबिय।

१ तिमोथि 1:20

हुनुकरमधे हुमेनियस हसे अलेक्‍जेन्‍डर हखइ। हुनुका परमेस्‍वरक निना झिन करइ कहके मुइ हुनुकाके सइतनवाक हथवामा सपदेले बडहिँ।

१ तिमोथि 1:9

यकर यरथ इअ हखइ कि, व्‍यवस्‍था धरमि मन्‍सेक तहिँया हइने, बरु कानुन हइने मनलहरा हसे विद्रोहि, परमेस्‍वरके यादर हइने करलहराह हसे पपियानि, यापन दाओ-बाबाके हत्‍या करलहरानि हसे मन्‍से मारलहरानि,

१ तिमोथि 3:3

उअ मोदहरिया कि खिसियाह हइने भके, बरु सान्‍त स्‍वभावक मन्‍से हखे परतइ। उअ झगडेहर कि धनक लोभ हइने करलाहर मन्‍से हखे परतइ।

१ तिमोथि 6:10

केहकेकि धनक लोभ जम्‍मे खलिक खराबक जरि हखइ। कतेक जन यकरपाछा लागके विस्‍वाससे पाछा हटल बडइ हसे हुनुका यापन वपरा बहुत दुःख यनले बडइ।

१ तिमोथि 6:4

उअ मन्‍सावा घमन्‍डसे फुलल हसे किहो फेनि हइने जनले रहसिय। यसनुक मन्‍सेक सबदसभक बारेमा ठोरा-बोलि हसे दोसरि जनसे झगडा करेके खराब बानि रहसइ। यसनुक बातसे त डाह, फुट, बदनाम हसे सक मतरे यसइ,

२ तिमोथि 3:4

विस्‍वासघाति, टिहुलार, घमन्‍डसे फुलल रहसइ। परमेस्‍वरके माया नाहिँ करके बरु मोजमाजा करेके मन परोतइ।

याकुब 2:8

यगर, “यापन पोरसियावाके यपने नहिँया प्रेम करह” कहके धरमसास्‍तरवामा भेलि राजकिय व्‍यवस्‍था पालन करबह जउँ तोहरा यसल करइबडह।

याकुब 4:16

बाकि तोहरा त यपने योजनामा घमन्‍ड करसह। यसके घमन्‍ड करेके हइने डउल हखइ।

याकुब 4:6

बाकि हुने याको बहुत अनुग्रह देससि। धरमसास्‍तरवामा यसके लिखाइल बडइ, “परमेस्‍वर घमन्‍डियानिक विरोध करससि, बाकि नम्र मन्‍सावानिके अनुग्रह करससि।”

१ पतरुस 5:5

वसने करके ढोठनियावाह, बुढ मन्‍सेसभक अदलमा रहिह। तोहरा जम्‍मे जन नम्र भके एक-दोसरि जनक सेवा करिह। केहकेकि, “परमेस्‍वर घमन्‍डि मन्‍सावानिके विरोध करससि, बाकि नम्र मन्‍सावानिके दाया देखोससि।”

२ पतरुस 2:10

विसेस करके, जुने घिन लगना छाडा काम करइरहसइ हसे परमेस्‍वरक अधिकारके हेला करसइ। यसनुक झुठा सिछकसभ सहासि हसे घमन्‍डि रहसइ तके स्‍वरगमा रहलहरा प्रनियानिक यपमान करेके फेनि हुनुका हइने डेरेसइ।

२ पतरुस 2:12

बाकि इअ झुठा सिछकसभ विवेक हइने भेल पसुसभ नहिँया बडइ, जुने पकडके मारेके तहिँया जरमल बडइ। हुनुका यापन हइने बुझलि बतवासभक निना करसइ हसे हुनुका पसुसभ नहिँया नास हतइ।

२ पतरुस 2:18

हुनुका खालि हसे मुरख बात करके घमन्‍ड करसइ तके हुनुका काम वासनाक देहियाक अभिलासा लोभोना काम देखाके भरखे विस्‍वासमा याइल मन्‍सेके फसोसइ।

२ पतरुस 2:3

हुनुका लोभमा परके झुठा बात बनोतइ हसे तोहारसे फाइदा उठोतइ। हुनुकर न्‍याय पहिनहिँ भेसकल बडइ तके हुनुकर नास पाका हतइ।

यहुदा 1:16

इअ मन्‍सावाह बुदबुदेसइ, याको जनक दोस खोजइ रहसइ, यापन खराब इछासभमा चलसइ, यपनहिँके जबड सम्‍झसइ हसे यापन फाइदाक तहिँया मन्‍सावानिसाङे चिपुलचापुल करलाहर हिनिकहिँ हखइ।

प्रकास 13:1

तब समुनदरवासे एगुडा पसु निकडके यवइकि मुइ देखलहिँ, जाकर दस गो सिङ हसे सात गो मुड रहलइ। वकर दस सिङवामा एकहक गो मकुट रहलइ हसे वकर जम्‍मे मुडवामा परमेस्‍वरक निनाक नाउँ रहलइ।

प्रकास 16:11

हुनुकर घउवाक दुःखवासे हुनुका स्‍वरगक परमेस्‍वरके सरापलइ, बाकि यापन करलि पापसे पछताप करेके इन्‍कार करलइ।

प्रकास 16:21

चालिस-चालिस किलोक पथरा यकसवासे मन्‍सावानिक वपरा परे लगलइ हसे मन्‍सावाह पथराक विपतिक कारनसे परमेस्‍वरके सरापे लगलइ, केहकेकि इअ विपतिया सहे हइने सकना रहलइ।

प्रकास 16:9

बेरियावाक चरचरवा घमवासे मन्‍सावाह डहलइ, इअ दुःख हसे विपति याने सकलाहर परमेस्‍वरक नाउँके हुनुका धिकारलइ, बाकि हुनुका यापन पापि मनवा हइने बदललइ तके हुनेके महिमा फेनि देलइ।