२ तिमोथि 2:2 - चितवनिया थारु

² हसे जुन बतवा तुइ बहुत जन साछिसभक बिचा मोरसे सुनले रहलहि, उअ बतवा दोसरि जनके सिखावे सकलाहर विस्‍वासयोग्‍य मन्‍सावानिके सपदेसि।

२ तिमोथि 2:2 Iomraidhean Croise

मतिक लिखल सुसमाचार 13:52

येसुजि हुनुकाके कहलसि, “उहेसे स्‍वरगक राजक बिसयमा सिछा पावल जम्‍मे व्‍यवस्‍थाक-गुरु घरवाक एगुडा मालिक जसने हखइ, जुने यापन सनोखवासे लउठि हसे पुरनि चिजुवा बाहरा निकडोसिय।”

मतिक लिखल सुसमाचार 24:25

“हेरह, मुइ तोहराके इअ बतवा यगाहेसे कहदेले बडहिँ।

लुका 12:42

तब प्रभुजि हुनुकाके कहलसि, “विस्‍वासिलो हसे बुद्धियार यगुवा कुने हखिय, जकरेके मलिकवा यापन बहरियावानिके ठिक जुनवामा जेउना देवेके तहिँया जिम्‍मा देबिय।

१ कोरिन्‍थि 4:2

जिम्‍मा पावल मन्‍सेसभ विस्‍वासयोग्य हखे परसइ।

२ कोरिन्‍थि 2:14

बाकि परमेस्‍वरक धन्यवाद हखइ, हुने सबदिन हमराके ख्रिस्‍टमा जितक तहिँया डोरयोबसि हसे ख्रिस्‍टक बारेमा समादक सवाद हमारसे हरेक ठउरिमा फइलोबसि।

२ कोरिन्‍थि 3:5

इअ काम करेके बोल्‍ह हमारमा बडइ कहके दाबि करे नाहिँ सकबहुँ, बाकि इअ काम करेके बोल्‍ह त परमेस्‍वरसे यसइ।

कल्‍लसि 1:7

इहे बतवा तोहरा हमार प्रिय सहकरमि इपाफ्राससे सिखलह। उअ हमारसाङे काम करलाहर हमार प्रतिनिधिक रुपमा ख्रिस्‍टक सेवा करलाहर विस्‍वासयोग्‍य सेवक हखिय।

१ तिमोथि 1:12

मोर कमवामा मोरके बोल्‍ह देलाहर हमार प्रभु येसु ख्रिस्‍टके मुइ धन्‍यवाद देबहि, केहकेकि हुने मोरके विस्‍वास करके यापन सेवाक काममा लगोले बडसि।

१ तिमोथि 1:18

मोर बेटवा तिमोथि, तोर बारेमा पहिलेसे कहलि अगमवाडि यनुसार मुइ इअ निरदेसन देइ बडहिँ, ताकि तुइ इअ पालन करके यसल लडाइ लडे सकहि,

१ तिमोथि 4:14

जुन वरदान तुइ अगमवाडिसे एल्‍डरवाह तोर वपरा हथवा रखइकि पउले रहलह, वकरेके हेला झिन करसि।

१ तिमोथि 4:6

यगर तुइ दोसरि विस्‍वासि भयवानिके इअ बतवा सिखोबहि जउँ, तुइ विस्‍वासक वचनमा हुरकल हसे यसल सिछा पालन करके याइल येसु ख्रिस्‍टक एक जन यसल सेवक हखबहि।

१ तिमोथि 5:22

तुइ मन्‍डलियामा यगुवा नियुक्‍ति करेके तहिँया ककरो वपरा हदफदाके हथवा झिन रखसि हसे दोसरि जनक पापमा सहभागि झिन हखसि। तुइ यपनहिँके सुद्ध रखसि।

१ तिमोथि 6:12

विस्‍वासक यसल लडाइ लडसि। अनन्‍त जिवनके पकडले रहसि, केहकेकि इहे जिवनक तहिँया परमेस्‍वर तोरके बलोले हखसि हसे यकरे तहिँया तुइ बहुत जनक यागा यापन यसल साछि देले बडहि।

२ तिमोथि 3:10

बाकि तुइ मोर सिछा, मोर चालचलन, मोर जिवनक लछय, मोर विस्‍वास, मोर सहसान, मोर प्रेम हसे मोर स्‍थिरता देखले बडहिँ।

२ तिमोथि 3:14

बाकि तुइ यापन सिखलि हसे पुरा मनसे विस्‍वास करलि सिछामा डटके रहसि, केहकेकि इअ बतवा तुइ काकरसे सिखले बडहि कहके तोर थाह बडइ।

हिब्रु 2:17

उहेसे जम्‍मे बतवामा हुने यपने ददेर-भाइ हसे दिदेर-बहिनसभ नहिँया बने परलइ। यसने परमेस्‍वरक सेवामा हुने दयगर हसे विस्‍वासयोग्‍य प्रधान पुजेरि हखलसि तके मन्‍सावानिक पाप छमा देवेके तहिँया हुने यपनहिँ भोग हखलसि।