२ तिमोथि 1:9 - चितवनिया थारु

⁹ परमेस्‍वर हमराके उद्धार करके यापन मन्‍से हखेके तहिँया बलोलसि। इअ हमार करलि कमवासे हइने, बाकि हुनेक यपने उदेस्‍य हसे अनुग्रहसे बडइ। हुने इअ अनुग्रह संसार सुरु भेलिसे यगाहे येसु ख्रिस्‍टमा हमराके देले रहलसि हसे,

२ तिमोथि 1:9 Iomraidhean Croise

मतिक लिखल सुसमाचार 1:21

उअ एगुडा बेटा जरमोबिय हसे तुइ हुनेक नाउँ येसु धरसि, केहकेकि हुने यापन मन्‍सावानिकेहुनुकर पापसे बचोबसि।”

लुका 10:21

तखनहिँ येसुजि पवितर-आत्‍माक आनन्‍दसे भराके यसके कहलसि, “हे परमेस्‍वर पिता, स्‍वरग हसे धरतिक मालिक, मुइ यपनहुँके धन्‍यवाद देइ बडहिँ, केहकेकि यपनहुँ बुद्धियार हसे हुसियारिनसे लोकाके बाचाक नहिँया नम्र मन्‍सावानिके इअ जम्‍मे बात देखोलहुँ। हँ पिता, इअ यपनहुँक इछा रहलइ।

युहन्‍ना 17:24

“हे पिता, मुइ इछा करबहिँ कि, यपनहुँ जकरेके मोरके देले बडहुँ हुनुका मोरसाङे रहइ जहवाँ मुइ बडहिँ हसे मोर महिमा देखइ, जुन महिमा यपनहुँ मोरके संसारक सिरिस्‍टि हखलिक यगाहेसे मोरके प्रेम करलेसे देलहुँ।

युहन्‍ना 17:9

मुइ हुनुकर तहिँया परथाना करइ बडहिँ। मुइ संसारक तहिँया परथाना हइने करइ बडहिँ, बाकि हुनुकर तहिँया करइ बडहिँ, जकरेके यपनहुँ मोरके देले बडहुँ, केहकेकि हुनुका त यपनहुँक हखइ।

युहन्‍ना 6:37

जुन मन्‍सावानिके पिता मोरके देबसि हुनुका मोर लघिना यतइ हसे मोर लघिना यलहरवानिके मुइ कबहुँ नाहिँ फिरोबहिँ।

प्रेरित 15:18

जुने इअ चिजुवा करससि, हुने इअ बतवा बहुत यागासे प्रकास करले बडसि।’

प्रेरित 2:47

हुनुका सबदिन परमेस्‍वरक बखान करइ रहइ हसे जम्‍मे जन फेनि हुनुकाके डउल कहइ। यसने प्रभु सबदिन हुनुकर झुन्‍डवामा उद्धार पावल मन्‍सेसभके थपदेलसि।

रोमि 11:14

इअ यासा बडइ कि मोर यपने यहुदि जातिक मन्‍सावानिके डाहि बनावे सकुँ हसे हुनुकरमधे कतेक जन परमेस्‍वरवरि फिरावे सकुँ?

रोमि 11:29

केहकेकि परमेस्‍वर यापन देलि वरदान फिरता नाहिँ लेबसि हसे हुनेक छानलि मन्‍सावानिक बारेमा हुने मन नाहिँ बदलबसि।

रोमि 16:25

हमरा जम्‍मे जन परमेस्‍वरक प्रसंसा करु। मोर प्रचार करलि सुसमाचार हसे येसु ख्रिस्‍टक यसल समादसे परमेस्‍वर तोहार विस्‍वासके बरियार बनावे सकससि। इअ येसु ख्रिस्‍टक बारेक यसल समाद जुग-जुगसे गुप्‍तमा रहल ख्रिस्‍टक सुसमाचार याबे अयहुदि मन्‍सावानिक तहिँया परकट भेल बडइ।

रोमि 3:20

उहेसे व्‍यवस्‍था पालन करके परमेस्‍वरक लजरियामा कुनहुँ फेनि ठिक नाहिँ ठहरतइ, केहकेकि मन्‍सावा पापि बडइ कहके व्‍यवस्‍था देखोसिय।

रोमि 9:11

उअ दु जन बेटवा जरमलिसे यागा हुनुका कुनहुँ डउल हसे खराब काम करलिसे पहिला परमेस्‍वर एक जनके छानलसि। हुनेक छानना काम मन्‍सेक काम हेरके हइने, बाकि हुनेक इछा यनुसार हसइ।

रोमि 9:24

केहकेकि हुनेक बलोलि हमरहिँ हखहुँ। हुने हमरा यहुदियानिके मतरे हइने, अयहुदियानिके फेनि बलोलसि।

१ कोरिन्‍थि 1:18

क्रुसमा ख्रिस्‍टके भोग चढोलि समाद नास हखलहरानिक तहिँया मुरुख बात हखइ, बाकि हमरा उद्धार पउलहरानिक तहिँया इअ परमेस्‍वरक सक्‍ति हखइ।

एफिसि 1:11

परमेस्‍वर हमराके ख्रिस्‍टसाङे एक बनाके हमराके यापन तहिँया छानलसि। परमेस्‍वर यसनुक करलसि, केहकेकि इअ हुनेक योजना रहलइ हसे इअ करेके तहिँया पहिलहिँ निरनय करले रहलसि,

एफिसि 1:9

ख्रिस्‍टमा पुरा करे चाहलि यापन गुप्‍त योजना फेनि यापन खुसिसे हमराके देखोलसि।

एफिसि 2:5

उहेसे हमरा पापमा आत्‍मिकि रुपसे मरले, ताफेनि हुने हमराके ख्रिस्‍टसाङे जिउतोलसि। परमेस्‍वर तोहराके दाया करलेसे मुक्‍ति पउले बडह।

एफिसि 3:11

परमेस्‍वर इअ जम्‍मे यापन कबहुँ हइने यन्‍त हखना योजना यनुसार करले हखसि हसे इअ योजना हुने हमार प्रभु येसु ख्रिस्‍टमा पुरा करलसि।

फिलिप्‍पि 3:14

मुइ लछयवरि मेहनत करके दगुरइ बडहिँ, केहकेकि येसु ख्रिस्‍ट मोर तहिँया उअ पुरस्‍कार पावेके जथि करले बडसि, उअ परमेस्‍वरक स्‍वरगिय बोलावटमा हखइ।

१ थेसलोनिकि 4:7

केहकेकि परमेस्‍वर हमराके असुद्ध हखेके हइने, बाकि पवितर जिवन बितावेके तहिँया बलोले हखसि।

१ तिमोथि 1:1

मुइ पावल, येसु ख्रिस्‍टक एक जन प्रेरित हमराके मुक्‍ति देलाहर परमेस्‍वर हसे यसरा देलाहर येसु ख्रिस्‍टक आग्‍या यनुसार,

२ तिमोथि 1:1

मुइ पावल, परमेस्‍वरक इछासे, येसु ख्रिस्‍टमा भेलि जिवनक प्रतिग्या यनुसार, येसु ख्रिस्‍टक एगुडा प्रेरित,

तितस 1:2

जुन विस्‍वास हसे ग्‍यान अनन्‍त जिवनक यासाक यधार बडइ, उअ अनन्‍त जिवन कबहुँ फेनि झुठा हइने फदकलहर परमेस्‍वर, बहुत यागासे प्रतिग्या करले रहलसि,

हिब्रु 3:1

उहेसे, स्‍वरगिय बोलावटमा परमेस्‍वरक छानल पवितर मन्‍सेसभ, तोहरा परमेस्‍वरक समाद कहलाहर तके प्रधान पुजेरि कहके हमरा स्‍विकार करलि येसुजिमा मन लगोइह।

१ पतरुस 1:20

परमेस्‍वर संसार सिरिस्‍टि करलिसे यागा हुनेके छानले रहलसि, बाकि तोहार तहिँया इअ याखिर समयमा हुनेके परकट करलसि।

१ पतरुस 2:9

बाकि तोहरा त परमेस्‍वरक चुनल जनसभ, राजकिय पुजेरि, पवितर जाति हसे परमेस्‍वरक यपने परजासभ हखह। हुने तोहराके यन्‍हारिसे बलाके यचम्‍मक इजोरमा यनलसि, ताकि तोहरा हुनेक यचम्‍मक कामक घोसना करे सकह।

प्रकास 13:8

संसारक सरिस्‍टिसे पहिलहिँ मारलि पठवाक जिन्‍गिक कितबावामा नाउँ हइने लिखइलि धरतियामा रहलहरा जम्‍मे जन उअ पसुवाके पुजा करतइ।

प्रकास 17:8

उअ पसुवा पहिला जिउते रहलिय, बाकि उअ यखनि जिउते हइने बडिय। उअ अतल-कुन्‍डसे निकडबिय हसे नस्‍ट हखबिय। धरतियाक सिरिस्‍टिसे पहिला जिवनक कितबवामा नाउँ हइने लिखइलि संसारक मन्‍सावाह उअ पसुवाके देखके यचम्‍म मनतइ, केहकेकि उअ एक समयमा जिउते रहलिय, यखनि मरल बडिय। बाकि उअ फेरि देखा परबिय।