२ तिमोथि 1:8 - चितवनिया थारु

⁸ उहेसे तुइ हमार प्रभुक बारेमा गवाहि देवेके झिन लजेसि। मुइ हुनेक तहिँया झ्‍यालखानामा परलहिँ कहके फेनि मोर बारेमा तुइ लाज झिन मानसि। बाकि परमेस्‍वरक सक्‍तिमा खुसिक समाद सुनावेके काममा मोरसाङे दुःख भोगेके तयार हखसि।

२ तिमोथि 1:8 Iomraidhean Croise

मरकुस 8:38

इअ धुचुड हसे पापि पुस्‍तामा जुने मोरसे हसे मोर वचनसे लजेतइ, मुइ मन्‍सेक पुतर यापन पिताक महिमामा पवितर स्‍वरगदुतवानिसाङे यवइकि वकरसे फेनि लजेबहिँ।”

लुका 9:26

यगर कुनहुँ मोरसे हसे मोर वचनसे लजेतइ जउँ, मुइ मन्‍सेक पुतर यापन महिमा, परमेस्‍वर पिता हसे पवितर स्‍वरगदुतवानिक महिमा लेके यवइकि वकरसे फेनि लजेबहिँ।

युहन्‍ना 15:27

तोहरा फेनि मोर बारेमा गवाहि देबह, केहकेकि तोहरा सुरुहिँसे मोरसाङे बडह।”

युहन्‍ना 19:35

जुन मन्‍सावा यपने यखियासे देखले बडिय, उअ यकर गवाहि देइ बडिय हसे वकर गवाहि सत्‍य बडइ। वकर थाह बडइ कि उअ सत्‍य बात फदकइ बडिय हसे तोहरा फेनि विस्‍वास करह कहके, उअ इअ लिखले बडिय।

प्रेरित 5:41

तब प्रेरितवाह, “परमेस्‍वर हमरानिके येसुजिक नाउँमा दुःख हसे यपमान सहेके तहिँया लाइक ठहरोलेसे” खुसि भके कचहेरियासे बाहरा निसकलइ।

रोमि 1:16

मुइ सुसमाचार सुनावेके हइने लजेसहिँ, केहकेकि विस्‍वास करलहरा जम्‍मे मन्‍सावानिक तहिँया इअ सुसमाचार मुक्‍ति देना परमेस्‍वरक सक्‍ति हखइ। विस्‍वास करेके मउका पहिला यहुदि मन्‍सावाह पउलइ, याबे अयहुदि मन्‍सावाह फेनि पउले बडइ।

रोमि 16:25

हमरा जम्‍मे जन परमेस्‍वरक प्रसंसा करु। मोर प्रचार करलि सुसमाचार हसे येसु ख्रिस्‍टक यसल समादसे परमेस्‍वर तोहार विस्‍वासके बरियार बनावे सकससि। इअ येसु ख्रिस्‍टक बारेक यसल समाद जुग-जुगसे गुप्‍तमा रहल ख्रिस्‍टक सुसमाचार याबे अयहुदि मन्‍सावानिक तहिँया परकट भेल बडइ।

रोमि 8:36

जसने धरमसास्‍तरवामा लिखाइल बडइ, “हमरा यपनहुँमा विस्‍वास करलेसे हमराके दिन-दिन मारे खोजसइ। हमरा काटे लिगइकि भेडा नहिँया बडहुँ।”

रोमि 9:33

जसने ख्रिस्‍टक बारेमा धरमसास्‍तरवामा लिखइलि नहिँया भेलइ, “हेरह, मुइ सियोनमा एगुडा पत्‍थरा रखबहिँ, उअ पत्‍थरवामा बहुत जन ढुस लगतइ, एगुडा सिल, जाकरमा हुनुका खससइ, बाकि हुनेमा विस्‍वास करलहरा मन्‍सावाह कुनहुँ फेनि लजियामा नाहिँ परतइ।”

१ कोरिन्‍थि 1:6

यसने ख्रिस्‍टक बारेमा हमार कहलि बतवा सत्‍य हखइ कहके वकरेसे परमेस्‍वर तोहारमा परमानित करलसि।

२ कोरिन्‍थि 6:7

सत्‍य समाद परचार करके परमेस्‍वरक सक्‍तिसे हमरा काम करसहुँ हसे आकरमन करे परना हथियार दहिनि हथवामा तके यापन रछा करना हथियार लबडि हथवामा बोकसहुँ। इअ हथियार धारमिकता हखइ।

एफिसि 3:1

उहेसे तोहरा अयहुदि मन्‍सावानिके येसु ख्रिस्‍टक सुसमाचार सुनावेके काम करइकि मुइ पावल, झ्‍यालखनवामा परल बडहिँ।

एफिसि 3:13

उहेसे मुइ तोहराके बिन्‍ति करबहिँ कि, तोहार तहिँया मोर भोगलि कस्‍ट देखके तोहरा निरास झिन हखिह। इअ तोहार तहिँया यादरक बात हखइ।

एफिसि 4:1

उहेसे मुइ पावल, प्रभुक सेवा करके झ्‍यालखनवामा परल एगुडा मन्‍से तोहराके परमेस्‍वरक मन परना जिवन बितोइह कहके मुइ बिन्‍ति करसहिँ, केहकेकि हुने तोहराके बलोले हखसि।

एफिसि 4:17

उहेसे मुइ प्रभुक देलि अधिकारसे तोहराके जोड देके बिन्‍ति करबहिँ कि, तोहार चालचलन परमेस्‍वरके विस्‍वास हइने करल मन्‍से नहिँया झिन हखइ, केहकेकि हुनुकर सोचे बेकार बडइ।

फिलिप्‍पि 1:7

मुइ झ्‍यालखनवामा हसे बाहरा रहइकि तोहरा जम्‍मे जन मोरसाङे सुसमाचार फइलावेके काममा सहभागि भेल बडह। इअ काम परमेस्‍वर दाया करके देले हखसि। उहेसे मुइ तोहरा जम्‍मे जनके यापन हृदयमा रखले बडहिँ। इअ करेके तहिँया मोर ठिक लगलइ।

फिलिप्‍पि 3:10

मुइ ख्रिस्‍टके हसे हुनेक पुनरुत्‍थानक सक्‍तिके डउलसे जाने सकुँ हसे हुनेक मृत्‍युमा हुने नहिँया भके हुनेक दुःखवामा सहभागि हखे सकुँ।

फिलिप्‍पि 4:13

ख्रिस्‍टक देलि सक्‍तिमा मुइ इअ जम्‍मे चिजु करे सकबहि।

कल्‍लसि 1:11

परमेस्‍वरक गउरवमय सक्‍तिसे तोहरा बरियार हखते जाह कहके हमार परथाना बडइ, तब मतरे तोहरा स्‍थिर भके जम्‍मे चिजु आनन्‍दसे सहे सकबह।

कल्‍लसि 1:24

यखनि मुइ तोहार तहिँया कस्‍ट भोगइकि खुसि बडहिँ, केहकेकि ख्रिस्‍ट मन्‍डलिक तहिँया भोगलि कस्‍टसभके मुइ मोर देहियामा भोगके पुरा करबहिँ।

१ थेसलोनिकि 3:4

केहकेकि हमरा दुःख भोगे परतइ कहके तोहारसाङे रहइकि हमरा यगाहेसे तोहराके कहले रहलहुँ। इअ हमार कहलि नहिँया भेलइ हसे इअ तोहार थाह बडइ।

१ तिमोथि 2:6

जुने जम्‍मे मन्‍सावानिक छुटकाराक तहिँया यपनहिँके मोलक रुपमा तिरलसि। इअ बतवाक साछि परमेस्‍वर ठिक जुनवामा देलसि।

२ तिमोथि 1:10

याबे इअ हमार मुक्‍तिदाता येसु ख्रिस्‍ट यइलेपर परकट भेल हखइ। हुने मृत्‍युके नास करके जिवन हसे अविनासके खुसिक समादक माध्‍यमसे परकट करले बडसि।

२ तिमोथि 1:12

उहेसे मुइ इअ दुःख भोगइ बडहिँ। बाकि मुइ यकर तहिँया नाहिँ लजेबहिँ, केहकेकि मुइ काकर वपरा विस्‍वास करले बडहिँ कहके मोर थाह बडइ। परमेस्‍वर जथि मोरके सपले बडसि, उअ यापन यइलि दिनवालइ सुरछित धरबसि कहके मुइ निस्‍चित बडहिँ।

२ तिमोथि 1:16

ओनेसिफरसक परिवारके प्रभु दाया करसि, केहकेकि उअ मोरके बहुत पारि भेटके उत्‍साह देलिय हसे मुइ झ्‍यालखनवामा भेलि बिसयमा फेनि उअ लाज हइने मनलिय।

२ तिमोथि 2:3

येसु ख्रिस्‍टक यसल सिपाहि नहिँया तुइ हमारसाङे दुःख भोगसि।

२ तिमोथि 2:8

मरलिसे जिउते भेलि राजा दाउद वंसक सन्‍तान येसु ख्रिस्‍टके सम्‍मझसि, केहकेकि मोर परचार करलि खुसिक समाद इहे हखइ हसे,

२ तिमोथि 2:9

जुन खुसिक समाद परचार करलेसे मुइ दुःख भोगके अपराधि नहिँया सिकरियामा बन्‍हाइल बडहिँ। बाकि मन्‍सावाह परमेस्‍वरक वचन बान्‍हे नाहिँ सकतइ।

२ तिमोथि 4:17

बाकि प्रभुजि मोर पछयमा भके मुइ जम्‍मे अयहुदियानिके खुसिक समाद पुरा रुपसे सुनावे सकहि कहके मोरके सक्‍ति देलसि। प्रभुजि त मोरके सिंहक मुहवासे फेनि बचोलसि।

२ तिमोथि 4:5

बाकि तुइ जम्‍मे अवस्‍थामा चेतले रहसि। दुःख सहसि हसे सुसमाचार परचार करते यापन सेवाक काम पुरा करसि।

१ पतरुस 1:5

तोहरा विस्‍वास करलेसे परमेस्‍वर यापन सक्‍तिसे तोहराके मुक्‍तिक तहिँया सुरछित रखले बडसि। उअ मुक्‍ति तोहार तहिँया तयार कराइल बडइ हसे याखिर समयमा परकट हतइ।

१ युहन्‍ना 4:14

हमरा इअ देखले बडहुँ हसे साछि देबहुँ कि, पिता यापन पुतरके संसारक मुक्‍तिदाता हखेके तहिँया पठोले बडसि।

यहुदा 1:24

परमेस्‍वरक प्रसंसा हखइ, जुने तोहराके ढुस लागेकेसे बचावे सकबसि हसे तोहराके आनन्‍दसे हुनेक महिमाक यागा निसकलङक पुगावे सकबसि।

प्रकास 1:2

मुइ युहन्‍ना परमेस्‍वरक वचन हसे येसु ख्रिस्‍टक बारेमा समाद तके उअ सङहि मोर देखलि हसे सुनलि जम्‍मे बतवाक गवाहि देइ बडहिँ।

प्रकास 1:9

मुइ युहन्‍ना, ख्रिस्‍टमा तोहार ददेर हखहि। येसुमा विस्‍वास करलेसे मुइ तोहारसाङे सहसान भके दुःख सहले बडहिँ, जुन दुःख हुनेक राजमा हखलहराहमा फेनि यतइ। मुइ परमेस्‍वरक वचन हसे येसुक बारेमा गवाहि देलेसे मन्‍सावाह मोरके पत्‍मोस कहल ठिसवामा रखले रहलइ।

प्रकास 12:11

हमार विस्‍वासिसभ पठवाक रकत हसे गवाहिक करनसे सइतनवाके जितले बडइ हसे हुनुका यापन जिवन देवेके फेनि तयार रहलइ।

प्रकास 19:10

तब स्‍वरगदुतवाके यादर करेके तहिँया मुइ वकर पाउमा दन्‍डवत करेके घोप्‍टे परलहिँ, बाकि उअ यसके कहलिय, “तुइ यसके झिन करहि। मुइ त तोर हसे विस्‍वासिसभसाङे तके येसुजिक हखहुँ कहके गवाहि देलाहर परमेस्‍वरक सेवक मतरे हखहि। तुइ परमेस्‍वरके मतरे आराधना करे परतइ, केहकेकि हुनेक आत्‍मा मतरे येसुजिक बारेमा दोसरे जनके कहेके सक्‍ति मन्‍सावानिके देससि।”