२ तिमोथि 1:3 - चितवनिया थारु

³ यापन पिता-पुरखावानि सेवा करल नहिँया जुन परमेस्‍वरक सेवा मुइ फेनि सुद्ध विवेकसे करते बडहिँ, उअ परमेस्‍वरके मुइ धन्यवाद देइ बडहिँ हसे दिन-रात परथानामा तोरके सम्‍झइ बडहिँ।

२ तिमोथि 1:3 Iomraidhean Croise

लुका 2:37

उअ विधुवा भेल चउरासि बरस पुगल रहलइ। उअ कबहुँ फेनि मन्‍दिरवा हइने छडिय, बाकि उपास हसे परथानाक साथ दिन-रात परमेस्‍वरक आराधना करइ रहिय।

प्रेरित 22:3

“मुइ किलिकिया छेतरक टार्सस सहरवामा जरमल एगुडा यहुदि मन्‍से हखहि, बाकि इअ यरुसलेम सहरवामा हुर्कल बडहिँ हसे धरम-गुरु गमलिएलसे हमार पुरखासे चलते याइल यहुदि व्‍यवस्‍थाक सिछा डउलसे सिखले बडहिँ। याजु यपनहुँसभ परमेस्‍वरमा जतुरा कट्टर बडहुँ, मुइ फेनि वसने कट्टर रहलहि।

प्रेरित 23:1

पावल महासभावरि टक लगाके हेरके यसके कहलिय, “हेरह भयवाह, मुइ याजुलइ परमेस्‍वरक यागा मोर विवेक सुद्ध राखके जिन्‍गि बितोले बडहिँ।”

प्रेरित 24:14

बाकि मुइ इअ बतवा यपनहुँक यागा स्‍विकार करइ बडहिँ कि, जुन येसुजिक पइडाके हिनिका झुठा कहसइ, उहे पइडाके पछियोतइ मुइ यापन पुरखावानिक मनते यइलि परमेस्‍वरक आराधना करसहिँ। मुइ यहुदि व्‍यवस्‍था हसे अगमवक्‍तावानिक कितबवामा लिखलि जम्‍मे बतवामा फेनि विस्‍वास करसहिँ।

प्रेरित 24:16

उहेसे मुइ परमेस्‍वर हसे मन्‍सावानिक यागा यापन विवेक सुद्ध राखेके कोसिस करसहिँ।

प्रेरित 26:4

“जम्‍मे यहुदियाह मोरके छोटहिसे चिनले बडइ। मुइ यापन देस हसे यरुसलेममा कस्‍नुक जिन्‍गि जियले बडहिँ कहके हुनुकर डउलसे थाह बडइ।

प्रेरित 27:23

मुइ परमेस्‍वरक मन्‍से हखहि हसे हुनेक सेवा करसहि। याजु राति हुनेक एक जन दुत मोर लघिना याके यसके कहलिय,

रोमि 9:1

मुइ ख्रिस्‍टक मन्‍से भेलेसे सदियो फदकइ बडहिँ, झुठा हइने फदकइ बडहिँ। पवितर-आत्‍माक अदलमा रहल मोर विवेक मुइ झुठा हइने फदकसहिँ कहके साछि देसिय।

२ कोरिन्‍थि 1:12

इअ बतवामा हमरा गरव करसहुँ हसे हमार मनवा फेनि साछि देसिय कि, इअ संसारमा बिसेस करके तोहारसाङे सम्‍बन्‍धमा हमरा इमान्‍दार, पवितर हसे परमेस्‍वरक मन परना जिवन बितोलहुँ। इअ हमरा संसारिक ग्‍यानसे हइने बाकि परमेस्‍वरक अनुग्रहसे पउले बडहुँ।

गलाति 1:14

मुइ तखनहिँ यहुदि धरम मनलहरानिमा यापन उमेरक मन्‍सावानिमधे यहुदि धरमक ग्‍यानमा मुइ कट्टर रहलहिँ। मुइ यापन पुरखावानिक रितिथितिमा खाँ उत्‍साहित रहलहिँ।

एफिसि 1:16

मुइ सबदिन तोहार तहिँया परमेस्‍वरके धन्‍यवाद चढोसहिँ हसे मुइ परथाना करइकि तोहराके सम्‍झइरहसहिँ।

१ थेसलोनिकि 3:10

तोहारसाङे फेरि यामने-सामने भेटके विस्‍वासमा तोहराके झन बरियार बनावे सकहुँ कहके हमरा दिन-रात इमान्‍दारसे परथाना करसहुँ।

१ तिमोथि 1:19

हसे यापन विस्‍वासमा यटल भके सुद्ध विवेक राखे सकहि। कतेक जन विवेक यनुसार हइने चललेसे हुनुका यापन विस्‍वास अस्‍विकार करले बडइ।

१ तिमोथि 1:5

बरु इअ आग्‍याक उदेस्‍य जम्‍मे विस्‍वासिवाह एक-दोसरि जनके माया करइ कहके हखइ, जुन माया सुद्ध हृदय, यसल विवेक हसे सदि विस्‍वाससे मतरे यसइ।

१ तिमोथि 5:5

जुन विधुवाक कुनहुँ फेनि हइने बडइ हसे यसकरे बडिय, उअ परमेस्‍वरमा यासा रखसिय। उअ दिन-रात परथाना करसिय हसे परमेस्‍वरसे मदत खोजसिय।

२ तिमोथि 1:5

मुइ तोर सदि विस्‍वासक सम्‍झना करसहि। जुन विस्‍वास, पहिला तोर बुदाओ लोइस हसे तोर दाओ युनिसमा रहलइ। याबे उअ विस्‍वास तोरमा फेनि बडइ कहके मोर विस्‍वास बडइ।

२ तिमोथि 3:15

तुइ छोटहिसे पवितर धरमसास्‍तरवामा लिखइलि वचन जनले बडहि। इहे तोरके येसु ख्रिस्‍टमा विस्‍वास करके मुक्‍ति पावेके बारेमा ग्‍यान देसइ।

हिब्रु 13:8

येसु ख्रिस्‍ट काल्‍हु, याजु हसे सबदिन एक समान बडसि।