२ तिमोथि 1:2 - चितवनिया थारु

² मोर सोगावल बेटा तिमोथिके इअ चिठिया लिखइ बडहिँ। परमेस्‍वर पिता हसे हमार प्रभु येसु ख्रिस्‍टसे तोरके अनुग्रह, दाया हसे सान्‍ति मिलइ।

२ तिमोथि 1:2 Iomraidhean Croise

प्रेरित 16:1

वकरपाछा पावल डर्बि हसे लुस्‍तरा सहरवामा फेनि गेलिय। वहवाँ तिमोथि नाउँक एक जन चेला रहलिय। वकर दाओ यहुदि विस्‍वासि रहलिय, बाकि वकर बाबा ग्रिक जातिक रहलिय।

रोमि 1:7

रोम सहरवामा भेलि तोहरा जम्‍मे जनके मुइ इअ चिठिया लिखइ बडहिँ। परमेस्‍वर तोहरा जम्‍मे जनके प्रेम करइ बडसि हसे हुनेक पवितर जन हखेके तहिँया बलावल बडह। हमार पिता परमेस्‍वर हसे प्रभु येसु ख्रिस्‍ट तोहराके दाया देखोइय तके सान्‍ति दिय।

रोमि 12:19

प्रियसभ, यपनहिँ कबहुँ फेनि ककरोसे बदला झिन लिह, बाकि हुनुकाके दन्‍ड देवेके काम परमेस्‍वरके छाडदिह, केहकेकि धरमसास्‍तरवामा परमप्रभुक कहल बात लिखाइल बडइ, “बदला लेवेके काम मोर हखइ, मुइ बदला लेबहि।”

१ कोरिन्‍थि 4:17

उहेसे मुइ तोहार लघिना तिमोथिके पठोले बडहिँ। उअ प्रभुमा मोर सोगावल हसे विस्‍वासयोग्य बेटा हखिय। मुइ जम्‍मे ठउरियामा हसे हरेक मन्‍डलिमा सिखोलि नहिँया ख्रिस्‍टमा मोर जिन्‍गि कस्‍नुक रहलइ कहके उअ तोहराके कहबिय।

फिलिप्‍पि 4:1

उहेसे मोर प्रियसभ, मुइ तोहराके प्रेम करसहिँ हसे तोहराके भेटेके इछा करसहिँ। तोहराहिँ मोरके आनन्‍द देले बडह हसे तोहराहिँ मोर कामक इनाम हखह। मोर प्रियसभ, तोहरा प्रभुमा डटके रहिह।

१ तिमोथि 1:2

विस्‍वासमा मोर सदि बेटा तिमोथिके इअ चिठिया लिखइ बडहिँ। हमार पिता परमेस्‍वर हसे प्रभु येसु ख्रिस्‍टसे तोरके अनुग्रह, दाया हसे सान्‍ति मिलइ।

२ तिमोथि 2:1

मोर सोगावल बेटा तिमोथि, येसु ख्रिस्‍टमा भेलि अनुग्रहसे तुइ बरियार हखसि,

तितस 1:4

मोरसाङे एगुटे विस्‍वास भेल मोर सदि बेटा तितस, मुइ तोरके इअ चिठिया लिखइ बडहिँ। परमेस्‍वर पिता हसे हमार मुक्‍तिदाता येसु ख्रिस्‍ट तोरके अनुग्रह हसे सान्‍ति दिय।

३ युहन्‍ना 1:4

मोर छोकनियाह सत्‍य बात यनुसार जिवन बितोइ बडइ कहके सुने पउलेसे याको जबड आनन्‍दक बात मोर तहिँया दोसर कथि हतइ त?