२ तिमोथि 1:1 - चितवनिया थारु

¹ मुइ पावल, परमेस्‍वरक इछासे, येसु ख्रिस्‍टमा भेलि जिवनक प्रतिग्या यनुसार, येसु ख्रिस्‍टक एगुडा प्रेरित,

२ तिमोथि 1:1 Iomraidhean Croise

युहन्‍ना 10:28

मुइ हुनुकाके अनन्‍त जिवन देसहिँ। हुनुका कबहुँ नाहिँ नास हतइ हसे कुनहुँ फेनि मोर हथवासे हुनुकाके निछुरके नाहिँ लिगतइ।

युहन्‍ना 17:3

अनन्‍त जिवन इहे हखइ कि, यपनहुँ एक मतरे सत्‍य परमेस्‍वरके चिनेके हसे यपनहुँक पठोलि येसु ख्रिस्‍टके फेनि चिनेके हखइ।

युहन्‍ना 5:24

“मुइ तोहराके सदियो कहबहिँ, जुने मोर वचन सुनसइ हसे मोरके पठोलहरामा विस्‍वास करसइ, वकरेसाङे अनन्‍त जिवन बडइ। उअ न्‍यायमा नाहिँ परबिय, बाकि मृत्‍युसे पार करके उअ जिवनमा पेससकल बडिय।

युहन्‍ना 6:40

केहकेकि मोर पिताक इछा इअ हखइ कि, पुतरके हेरलहरा हसे वकरेके विस्‍वास करलहरा जम्‍मे जन अनन्‍त जिवन पउतइ हसे अन्‍तिम दिनवामा मुइ हुनुकाके जियोबहिँ।”

युहन्‍ना 6:54

जुने मोर देहिया खेसिय हसे रकतवा पियसिय वकरसाङे अनन्‍त जिवन बडइ तके अन्‍तिम दिनवामा मुइ वकरेके जियोबहिँ।

रोमि 1:1

मुइ पावल, येसु ख्रिस्‍टक दास इअ चिठिया लिखले हखहि। परमेस्‍वर मोरके प्रेरित हखेके बलोलसि हसे हुनेक सुसमाचार परचार करना कामक तहिँया यलग करलसि।

रोमि 5:21

पहिला पापक सक्‍तिसे जम्‍मे मन्‍सावाह पाप करलइ हसे मरलइ। याबे परमेस्‍वरक दायासे हमरा हुनेक यागा ठिक ठहरबहुँ हसे हमार प्रभु येसु ख्रिस्‍टसे अनन्‍त जिवन पउबहुँ।

रोमि 6:23

केहकेकि पापक बनिहारि त मृत्‍यु हखइ, बाकि परमेस्‍वरक दान त हमार प्रभु येसु ख्रिस्‍टमा अनन्‍त जिवन हखइ।

१ कोरिन्‍थि 1:1

परमेस्‍वरक इछासे येसु ख्रिस्‍टक प्रेरित हखेके बलावल मुइ पावल हसे हमार भाइ सोस्‍थेनसवरिसे,

२ कोरिन्‍थि 1:1

मुइ पावल, परमेस्‍वरक इछासे येसु ख्रिस्‍टक एक जन प्रेरित भाइ तिमोथिसाङे मिलके, कोरिन्‍थ सहरवामा भेलि परमेस्‍वरक मन्‍डलियाके तके अखइया छेतरमा भेलि जम्‍मे पवितर जनसभके इअ चिठिया लिखइ बडहुँ।

२ कोरिन्‍थि 1:20

केहकेकि परमेस्‍वरक जम्‍मे प्रतिग्यासभ येसु ख्रिस्‍टमा “हँ” हसइ। उहेसे येसु ख्रिस्‍टसे परमेस्‍वरक यादरक तहिँया हमरा “आमेन” कहसहुँ।

गलाति 3:26

याबे तोहरा जम्‍मे जन येसु ख्रिस्‍टमा विस्‍वास करलेसे परमेस्‍वरक सन्‍तान भेल बडह।

गलाति 3:28

उहेसे परमेस्‍वरक लजरियामा यहुदि हसे अयहुदिक, कमारा तके स्‍वतन्‍तर, मरदाना हसे जनियानि मन्‍सेक बिचा किहो फरक हइने बडइ, केहकेकि तोहरा जम्‍मे जन येसु ख्रिस्‍टसाङे एक भेल बडह।

एफिसि 3:6

उअ लोकाइल योजना चाहिँ इअ हखइ कि, अयहुदि मन्‍सावाह फेनि सुसमाचारमा विस्‍वास करके यहुदि मन्‍सावानिक नहिँया परमेस्‍वरक आसिस पउतइ। हुनुका फेनि एगुडे देहिक यङसभ हखइ हसे ख्रिस्‍ट येसुमा परमेस्‍वरक करलि प्रतिग्याक भागिदार भेल बडइ।

१ तिमोथि 6:19

इअ करके हुनुका यापन तहिँया एगुडा पाका जगक सदि धन भविस्‍यक तहिँया जामा करसइ, ताकि हुनुका सदि जिवनके पकडले रहे सकतइ।

२ तिमोथि 1:10

याबे इअ हमार मुक्‍तिदाता येसु ख्रिस्‍ट यइलेपर परकट भेल हखइ। हुने मृत्‍युके नास करके जिवन हसे अविनासके खुसिक समादक माध्‍यमसे परकट करले बडसि।

२ तिमोथि 1:13

तुइ येसु ख्रिस्‍टमा भेलि विस्‍वास हसे प्रेममा डटके रहके मोर सिखोलि सदि सिछाक उदाहरन बनसि।

२ तिमोथि 1:9

परमेस्‍वर हमराके उद्धार करके यापन मन्‍से हखेके तहिँया बलोलसि। इअ हमार करलि कमवासे हइने, बाकि हुनेक यपने उदेस्‍य हसे अनुग्रहसे बडइ। हुने इअ अनुग्रह संसार सुरु भेलिसे यगाहे येसु ख्रिस्‍टमा हमराके देले रहलसि हसे,

२ तिमोथि 2:1

मोर सोगावल बेटा तिमोथि, येसु ख्रिस्‍टमा भेलि अनुग्रहसे तुइ बरियार हखसि,

२ तिमोथि 2:10

उहेसे परमेस्‍वरक चुनलि मन्‍सावानिक तहिँया मुइ जम्‍मे बतवा सहसहि, ताकि हुनुका फेनि येसु ख्रिस्‍टमा मुक्‍ति हसे अनन्‍त महिमामा सहभागि हखे सकइ।

२ तिमोथि 2:3

येसु ख्रिस्‍टक यसल सिपाहि नहिँया तुइ हमारसाङे दुःख भोगसि।

२ तिमोथि 3:15

तुइ छोटहिसे पवितर धरमसास्‍तरवामा लिखइलि वचन जनले बडहि। इहे तोरके येसु ख्रिस्‍टमा विस्‍वास करके मुक्‍ति पावेके बारेमा ग्‍यान देसइ।

तितस 1:2

जुन विस्‍वास हसे ग्‍यान अनन्‍त जिवनक यासाक यधार बडइ, उअ अनन्‍त जिवन कबहुँ फेनि झुठा हइने फदकलहर परमेस्‍वर, बहुत यागासे प्रतिग्या करले रहलसि,

तितस 1:4

मोरसाङे एगुटे विस्‍वास भेल मोर सदि बेटा तितस, मुइ तोरके इअ चिठिया लिखइ बडहिँ। परमेस्‍वर पिता हसे हमार मुक्‍तिदाता येसु ख्रिस्‍ट तोरके अनुग्रह हसे सान्‍ति दिय।

हिब्रु 9:15

उहेसे परमेस्‍वरक प्रतिग्या करलि सबदिन रहना आसिस हुनेक बलोलि मन्‍सावाह पवइ कहके, ख्रिस्‍ट त परमेस्‍वर हसे मन्‍सावानिक बिचा मध्‍यस्‍थ बनके एगुडा लउठा करार स्‍थापना करलसि। पहिलाक पुरान करारक अदलमा मन्‍सावानिक करलि पापसभसे हुनुका मुक्‍ति पवइ कहके ख्रिस्‍ट उहे मुक्‍तिक मोल तिरेके तहिँया यापन प्रान देलसि।

१ युहन्‍ना 2:25

हुने हमराके एगुडा चिजु देबहिँ कहके प्रतिग्या करले बडसि, उअ अनन्‍त जिवन हखइ।