१ तिमोथि 2:3 - चितवनिया थारु

³ इअ हमार मुक्‍तिदाता परमेस्‍वरक लजरियामा यसल हसे गरहनयोग्‍य हसइ।

१ तिमोथि 2:3 Iomraidhean Croise

लुका 1:47

हसे मोर आत्‍मा मोर मुक्‍तिदाता परमेस्‍वरमा गग्‍गसइ बडिय।

रोमि 14:18

जुने यसने खलिकसे ख्रिस्‍टक सेवा करसिय, उअ परमेस्‍वरके खुसि बनोसिय हसे मन्‍सावानिसे यादर पउबिय।

फिलिप्‍पि 1:11

येसु ख्रिस्‍ट तोहराके सक्‍ति देलेसे सबदिन यसल चरितर देखावे सकह, केहकेकि ख्रिस्‍टमा तोहरा एक भेल बडह। यसनेकरके मन्‍सावाह तोहार जिवनमा यसल काम देखतइ हसे हुनुका परमेस्‍वरक यादर तके प्रसंसा करतइ।

फिलिप्‍पि 4:18

मुइ पावे परनासे फेनि बढि पउले बडहिँ। इपाफ्रोडिटसक हथवासे तोहार पठादेलि भेटिसभ पउलेसे मोर चाहि लगना जम्‍मे चिजु मुइ पउले बडहि। इअ मोर तहिँया बहुत हखइ। उअ परमेस्‍वरक मन परना सवाद बसान भेटि हखइ। हुने इअ गरहन करससि हसे हुने बहुत खुसि हखससि।

कल्‍लसि 1:10

ताकि तोहरा प्रभुक मन परना जिवन बितोते हुनेके खुसि बनावे सकबह हसे यसने तोहरा जम्‍मे यसल काममा फरफरोते परमेस्‍वरक ग्‍यानमा बढते जेबह।

१ थेसलोनिकि 4:1

आखिरमा, प्रियसभ, जसने तोहरा परमेस्‍वरक मन परना जिवन कस्‍के जिएके कहके हमारसे सिखले बडह हसे तोहरा वसने जियइ फेनि बडह, याबे तोहार जिवन झन-झन यसल हखते जाइ कहके प्रभु येसुजिमा हमरा तोहराके कहइ बडहुँ।

१ तिमोथि 1:1

मुइ पावल, येसु ख्रिस्‍टक एक जन प्रेरित हमराके मुक्‍ति देलाहर परमेस्‍वर हसे यसरा देलाहर येसु ख्रिस्‍टक आग्‍या यनुसार,

१ तिमोथि 4:10

उहेसे हमरा खाँ मेहनत करसहुँ हसे लगातार परयास करइ बडहुँ। केहकेकि हमार यासा जिउते परमेस्‍वरमा बडइ। हुने जम्‍मे मन्‍सावानिक हसे खास करके हुनेमा विस्‍वास करलहरानिक मुक्‍तिदाता हखसि।

१ तिमोथि 5:4

बाकि जुन विधुवासभक बेटा-बेटिह कि नाति-नातिनिसभ बडइ, हुनुका सबसे पहिला यापन परिवारमा जिम्‍मेवारि पुरा करेके सिखे परतइ, ताकि हुनुका यापन दाओ-बाबाक उपकार करलिक रिन तिरे सकइ। केहकेकि परमेस्‍वरक यागा इअ गरहनयोग्‍य बडइ।

२ तिमोथि 1:9

परमेस्‍वर हमराके उद्धार करके यापन मन्‍से हखेके तहिँया बलोलसि। इअ हमार करलि कमवासे हइने, बाकि हुनेक यपने उदेस्‍य हसे अनुग्रहसे बडइ। हुने इअ अनुग्रह संसार सुरु भेलिसे यगाहे येसु ख्रिस्‍टमा हमराके देले रहलसि हसे,

हिब्रु 13:16

एक-दोसरि जनके भलाइ करेके हसे यापनसाङे भेलि चिजुवा बाटचिट करेके झिन बिसरोइह, केहकेकि यसने कामसभ परमेस्‍वरक तहिँया भोग जसने हखइ हसे परमेस्‍वरक मन परसइ।

१ पतरुस 2:20

यगर कुनहुँ खराब काम करके पिटाइ खाके सहबह जउँ, यकरमा कथि प्रसंसाक बात भेलइ त? बाकि यसल काम करके फेनि दुःख भोगबह जउँ, परमेस्‍वर वकर तहिँया खुसि हखबसि।

१ पतरुस 2:5

तोहरा फेनि जिउते पत्‍थरा हखह। परमेस्‍वर तोहराके परयोग करके यापन आत्‍मिकि मन्‍दिर बनोइ बडसि, ताकि तोहरा पवितर पुजेरि भके येसु ख्रिस्‍टसे परमेस्‍वरक मन परना आत्‍मिकि भोग चढोह।