نامَه تیتوسیرا 3:5 - کتاب مقدس به زبان تالشي - گویش مرکزی

⁵ اَ اَمَش نیجات دوعَه. اِم نیجات چَمَه چاکَه کارونی خونِه کن صالِح بِه دلَکا اَنجوم دوعَمون بَه خاطِر نِبَه، بَسکَم چَی اِشتَن رحمَتی خونِه و اَ شوشتِه ایی راه کا بَه کن چَی واسیطنَه خدا موقدسَه روح، اَمَش تازَ تولد و تازَ زندَگی دوعَشَه؛

کتاب مقدس به زبان تالشی شمالی

⁵ اَ اَمَه نجات دوشَه. اِم نجات نِه چَمَه چاکَه کارونی واسی که صالِحی کا کَردَمون بَه، بَلکَم اِشتَن رَحمتی واسی، و اَ شوشتِه ای راه کا بَه که چَیی واسطه نَه روح القدوس اَمَه تولد تازه و تازه زندگی آدوعَشَه،

نامَه تیتوسیرا 3:5 Iomraidhean Croise

مَتّی 3:11

«اَز بَشمَه توبَه کَردِرا، آوینَه تعمید دَرِم؛ اَمّا اَ کن چمن دوملَه بومَیَه بَمنکا قودور تَرَ، اَز چَی پاغَبون پِگَته لَیاقتی نِدارِم، اَ بَشمَه خدا موقَدَسه روح و آرا نَه تعمید آرَدا.

انجیل لوقا 1:50

چَی رَحَمت اودوم اودومی بَه دوملَه، اَیِنیرا یَه کن بَیکا بَتَرسِستین وبَی حورمت بَکَن.

انجیل لوقا 1:54

اَ اِشتَن رَحمَتی یاد آرَفَندِشهَ و اِشتَن پاسَری، قام یَهودی بالی گَتَشَه،

انجیل لوقا 1:72

تا اَ رَحمَتی کن چَمَه بابا اون وَعدَ آدوعَش بَه آمونه و اِشتَن موقَدَسَه عَهدی یاد آرَفَنِه؛

انجیل لوقا 1:78

اِمی خونه کن چَمَه خِدارا پورَّحمَته دِلی هِستَه، و اِمی خاطرَ کن، صِبَه آختاو آستامونی کَفاتَرین جِگاکا چَمَه سَر پِرَرا،

رومی کلیسارا نامه 11:14

اِم اُمیدینَه کن، اِشتَن هَم نیژادون غَیرَتی سَر بوعَم و بَعضی اَوونکا نیجات بدَرِم.

رومی کلیسارا نامه 11:6

اَمّا اَگَم فِیضی راه نَه ببو، دِ اَعمالی خاطِر نیَه؛ وگَرنَه فیض دِ فیض نیَه. ولی اَگَم اَعمالیکا ببو، دِ فیضی خونه نیَه؛ وگَرنَه عمل دِ عمل نیَه.

رومی کلیسارا نامه 12:2

و دِ هنتَه اِم دِنیا شیوار مَبَه، بَسکَم اِشتَن فکری تازَ آبِه نَه عَوَض آبَه. اَموقه خدا ایرادَ فَهمِستِه بَشارون؛ خدا دِل پیستَه و کامیلَه ایرادَ.

رومی کلیسارا نامه 3:20

اِمی خونه کن هیچ اینسانی نیَه کن شَریعَتی اَعمالی اَنجوم دوعِه خونه، خدا چَمیکا صالح بَحیساب با، اِمی خونه کن شَریعَت، گَناخی اَوون آمونِه.

رومی کلیسارا نامه 3:28

اِمی خونه کن اَمه ایتقاد دارَم کن اینسان بی اِمکن شَریعَتی اَعمالی اَنجوم بدَرِ، ایمان داشتِه نَه صالح بَحیساب آ.

رومی کلیسارا نامه 4:5

ولی اَ کن کاری نیَکَرد، بَلکَم خِدایی سَر توکل بَداشتی کن بی خدا اون نی صالح بَحیساب بوعَردی، چَی ایمان چَیرا صالح بِه، بَحیساب آ.

رومی کلیسارا نامه 9:11

هر چَنَه، چَوون دِنیا آمِه بَه نَ و یا اِمکن چاک یا بَدَ کاری بِکَرِن، اِمی خاطِر کن خدا هدف اِشتَن اینتخابیکا آمبَست بومونِه، نِه کار اَنجوم دوعِه نَه، بَسکم چَی واسیطنَه کن صَلا بَژَیَه-

رومی کلیسارا نامه 9:16

پس اینسانی خواسته یا تقلا کردِ رَبتیش نیَه؛ بَلکَم بَه خِدایی مَربوطَه کن رحم بَکَی.

رومی کلیسارا نامه 9:30

پس چه بِواجَم؟ غَیرِ یَهودیونی کن صالح بِه دوملَه نِبینَه، اَی بِه دَست وَردِشون، یعنی اَ صالح بِه ایی کن ایمانداشته کا بَدَست آ؛

اوّلین نامَه قورَنتیانیرا 6:11

بعضی شِمَه اونکا گِذَشتَکا اِنتَرَ بینَه، ولی خداوند عیسی مسیح نومینَه و چَمَه خدا روح واسیطَنه شِمَشون شوشتَه، تقدیس آبیرون و صالح بَحیساب آمیرون.

نامه غلاطیَه کلیسارا 2:16

اَمه بَموستیمون کن اینسان شَریعَتی اَعمالینَه صالِح بَحیساب نا، بَسکَم عیسی مَسیح ایمانینَه صالح بَحیساب آ. پس اَمه اِشتَن نی مَسیح عیسی سَر ایمان وَردِمون تا مَسیح سَر ایمان داشتِه نَه صالح بَحیساب بِرَم، نِه شَریعَتی اَعمالینَه، اِمی خونِه کن هیچ اینسانی شَریعتی اَعمالینَه صالح بَحیساب نا.

نامَه اَفسوسی کلیسارا 2:4

ولی خدایی کن چَی رحمت بَرک وِرَ، اِشتَن یالَه موحبتی خونه اَمه رَی داریَه،

نامَه اَفسوسی کلیسارا 4:23

شمه فکر روح دلَکا تازَ آبو،

نامَه اَفسوسی کلیسارا 5:26

تا بَی خدا کلامی آوینَه پاجا آکَرِ و اِنترَکه کلیسا تقدیس بکرِ،

نامَه کُولُسی کلیسا را 3:10

و تازَ اینسانی شِندِری دَکَردَرون، کن حَقیقیَه مَریفَتیکا هر لحظَه تازَ بَبی تا هنته اِشتَن خالقی شیوار آبو.

دِوُّمین نامَه تیموتائوسیرا 1:9

خدای کن اَمَش نیجات دوعَیه و موقدسَه زِندَگیرا خِله کردَشه. اِم چَمَه کارون خونه نییَه، بَسکم چَی اِشتَن فیضی و هَدَفی خونه اَ، کن مسیح عیسی دلَکا، دِنیا اَوَّلنَکا، اَمَش آدوعَیَه،

نامَه تیتوسیرا 3:4

ولی وقتی چَمَه نیجات اَدَرَ خدا مِربانی، و چَی موحبت اینسانونرا دیار آبَه،

نامَه، عِبرانیه نَتاجَه مسیحیونرا 10:22

بِرَ صدق دِلینه و کامیلَه ایمانینَه خِداکا نِزِک آبَم، و چَمه دلون بدَ ووژدانیکا پاجا آکَرَم و چَمَه جندَکی پاجا اَ آوینَه بوشورَم.

نامَه، عِبرانیه نَتاجَه مسیحیونرا 4:16

پس ایطمینانیَه فیضی تختیکا نِزِک آبَم، تا چمَرا رَحم ببو و فیضی بَدَست بوعَرم کن احتیاجی موقه چَمَرا آرَسِه.

نامَه، عِبرانیه نَتاجَه مسیحیونرا 6:6

و چَی به دوملَه اِشتَن ایمانیکا ویگنستین، هَنی نییَبن اَوون ازنوتوبه کردِ را وردِ، چیرا کن اَیِن هنی اِشتَن زِرَبَرا، خدا زوعَه مصلوب بَکَن و گردی وَریکا بَی بی حورمت بَکنه.

پطروسی اوّلین نامَه 1:3

خدا و چَمه خداوند عیسی مسیح دَدَ موتبارک ببو کن اِشتَن یالَه رَحمتینَه، عیسی مسیح زندَ آبِه واسیطَنَه، مردَاون دلَکا، اَمَش تازَ دِنیا دَگِنستِه ایی بخشِسته، زندَ اومید داشتِه خونه

پطروسی اوّلین نامَه 2:10

چیمی بَه نَه شمه مردوم نِبیرون، ولی ایسَه خدا مَردومیرون؛ ایی زمان خدا رَحمتیکا محروم بیرون، ولی ایسَه دِ خدا رَحمَتِرون ویگَتیَه.

پطروسی اوّلین نامَه 3:21

و اَ آو، اَ غسل تعمیدی نمونَه یَه کن ایسَه بشِمَه نیجات دَرِ. ایله تعمیدی کن تنی کثیف گیری خونه نییَه، بسکم پاجا اَ ووژدانی طَمارزو اَ، کن بَپیشَه خدا بوینِه. اِم تعمید عیسی مسیح زندَ آبه واسیطَنه بشِمه نیجات دَرِ،