نامَه تیتوسیرا 3:3 - کتاب مقدس به زبان تالشي - گویش مرکزی

³ اِمی خونه کن اَمه نی، ایی زمان نافَم و نافِرمون و گومراه بیمون، همه مودیل هواهَوس و خَشیون وَزییَربیمون؛ و کینَه کا و زِرَ بردِ کا زندَگی اَکَریمون. مردوم اَمکا بیزار بینَه و اَمه نی یَندِ کا.

کتاب مقدس به زبان تالشی شمالی

³ چوم که اَمَه نی ایی زَمانی نادون بیمونه، نافرمون و گمراه بیمونه، همه جورَه هَواهَوسون و خوشیون نوکر بیمونه؛ و کینه و حسودی نَه زِندگی بَکَردیمون. مردم اَمَه کا بیزار بینَه و اَمَه نی یَندی کا.

نامَه تیتوسیرا 3:3 Iomraidhean Croise

مَتّی 21:29

یالَه زوعَه جواب داشه: “اَز نمَش.“ ولی چَی بَه دوملَه پَشمون آبَه و شَه.

انجیل لوقا 21:8

عیسی واتش: «حواسِرون ببو تا گمراه آمَبهَ؛ اِمی خونه کن خَیلیِن چمن نومینَه بومَنَه و باتینَه: ”اَز هَه ایمَه“ و ”اَ تَعیین بَه وَقت آرَستَیه“. چَوون دوملَه مَشَه.

یوحنا 8:34

عیسی اَیِنِش جواب داشَه: «حَییقتا بَشمَه باتیمَه، کَسی کن گِناخ بَکَی، گِناخی وَزیَرَ.

رومی کلیسارا نامه 11:30

دِرِست هَتَه کن شِمَه، ایی زمانی خدا را نافِرمون بیرون، ولی ایسَه یهودیون نافِرمونی خونِه، خدا رحمت شمَه نَصیب آبَه،

رومی کلیسارا نامه 6:12

پس مَرزَ گناخ شِمَه فانیَه جَندَکونکا فِرمون بدَرِ، تا چَی خواستَه اونکا ایطاعَت بکَرَ.

رومی کلیسارا نامه 6:17

ولی شکرخدا، هَر چَنَه چیمی بَه نَه، گِناخی وَزییَر بیرون، ولی ایسَه صِدقِه دِلینَه اَ آموجی کا فِرمون بَبَرون کن خدا، شِمَش آدوعَیَه.

رومی کلیسارا نامه 6:22

ولی ایسَه کن گِناخیکا رخِستیرون و خدا وَزییَرآبیرون، چَی بَرَ شِمَرا تقدیس بِه اَ، کن آخیر بَسَر زَیرونَه زندَگیرا تَمون آرَب.

رومی کلیسارا نامه 6:6

اِمی خونه کن بَموستیمونَه اَ قَدیمَه اینسان کن اَمه بیمون، بَینَه مصلوب آبیمون تا جَندکی گناخ نیفیت آبو و دِ گناخی وَزییَر مَبَم.

دوومین نامه قرنتیانیرا 12:20

چون اِمیکا بَتَرسِستیم کن شمه وَر بام و بَشِمَه اَته کن اینتظار بَداشتیم نِوینِم، و شمه نی اَته کن اینتظارِرون هِستَه بَمن مَوینَه. شاید شمه دِلَکا جنگِستِه، زِرَ بردِ، غَضَّب، عَدابَت، ایفترا، غَیبَت، یالَه نار بِه، و هرکی هرکی دَرِ ببو.

نامه غلاطیَه کلیسارا 6:3

اِمی خونه کن اَگَم کَسی بَشتن یالَه شَخصی بِزنِه، ایسَه اِم کن واقیعَا کَسی مَبو، بَشتَن گول بَژَی.

نامَه کُولُسی کلیسا را 1:21

شمه نی ایی زمانی خدا نَه خَلک و اِشتَن فکریکا چَی غنیم بیرون، و اِم شمه آوشرَ کارونکا دیار آرَبیَه.

نامَه کُولُسی کلیسا را 3:7

شمه نی اِشتَن گِذَشتَکا اِنتَرَ راهونرا اَشیرونَه، اَ موقه کن چَوون دلَکا زندَگی اَکَریرون.

دِوُّمین نامَه تیموتائوسیرا 3:13

ولی آوشَرَ آدَمِن و حیلَه بازِن بَدیکا بدتَر آنَّب؛ گول بَردین و گول بَژَنه.

دِوُّمین نامَه تیموتائوسیرا 3:6

اِمِن کَسِنی هِستینه کن مردومی کَکا نفوذ بَکن، نافَمَه ژِنون اِشتَن اسیر آنَّکرد، ژِننی کن گناخون باری بنیکا کَنگور آبَه اینَه و موختلیفَه هَوسِن اَوون هر وَریرا دَرَراکنِست،

نامَه تیتوسیرا 1:16

اَیِن ایدعا بَکن خدا آنَّموست، ولی اِشتَن کارونَّه بَی حاشا بَکن. اَیِن نیفرت انگیزینَه و نافِرمون، و هر چاکَه کاریرا نامربوطین.

نامَه تیتوسیرا 2:12

و اَمه آموج دَرِ کن بی دینی و دِنیا هوا هَوَسون آهَرزَم، اِشتَن نفسی نَاری بیگِرَم و صالِح بِه و دیندارینَه اِم زَمونَکا زندَگی بکَرم،

یعقوبی نامَه 1:26

اَگَم کَسی گَمون بَکی دیندارَ، ولی اِشتَن زونی نِیَشا غَم هَردِ، کا بَشتن گول ژِ، چَی دینداری دَدارَ.

پطروسی اوّلین نامَه 1:14

هِنتَه فِرمونه خِردَنون شیوار ببه، و دِ، نادون بِه موقه هوا وهَوسون شیوار مَبَه.

یوحنا موکاشیفَه 12:9

یالَه اَژدِخا بِنیرا ویگنِسته، یعنی هَه قدیمیه نَلَتی کن بَی ابلیس یا شَیطون خِلِه اَکَرینَه و دِنیا دِلَه گِردِ آدَمون گومراه آکَردِشَه. اَشون زَمینی سَر ویداشتِشون و چَی فرشتَه اِنِشون نی بَینَه بِنیرا ویرَفَندشون.

یوحنا موکاشیفَه 13:14

اَ نشونَه اِن و موعجیزَ اِنی کن اَ اَوّلنَه اَشیا نومینَه ایجازَ داری اَیر آکَردِ خونه، زَمینی آدَمون گول ژِشَه و اَیِنِش واته تا اَ اَشیا کا موجسمَه سِی آکَرِن کن شمشیرینه یَرَ آبَه بَه، ولی اِم حالینه زِندَ مَندَ بَه.

یوحنا موکاشیفَه 18:2

اَ تَتَه لَسَّنه جِکَّلَه آداشَه کن: «ویریستَه، یالَه بابل ویریستَه! اَ، پَریانون کَه جِگا آبَه یه، و هر نا پاکَه روحون مندَ جِگا اَ، و هر نا پاکَه پرَندَایی خومَه و هر نا پاکَه اَشیایی لونه یَه کن نا پاک و نیفرَت اَنگیز.