نامَه تیتوسیرا 2:13 - کتاب مقدس به زبان تالشي - گویش مرکزی

¹³ و چَمَه اَ مِبارَکه اومیدی مونتظیر بومونَم، یعنی چَمَه عَظیمه خدا و چَمَه نیجات اَدَر عیسای مسیح شکوه و جلالی اَیر آبِه،

کتاب مقدس به زبان تالشی شمالی

¹³ و چَمَه اَ مِوارکَه اُمیدی مُنتظِر بومونَم، یعنی چَمَه خِدای عظیم و چَمَه نجات دَهنده عیسایِ مسیح جلالی آشکار آبییِه،

نامَه تیتوسیرا 2:13 Iomraidhean Croise

مَتّی 16:27

«اِمی خونه کن اِینسانی زوعَه اِشتَن آستامونیَه دَدَ جَلالیکا واِشتن فرشتَه اونَّه بومَیَه و اَ زَمانیکا هَر کَسی چَی کَردَ کارون شیوار عَوض دَرِ.

مَتّی 25:31

«هَنگومی کن اینسانی زوعَه اِشتَن شکوه و جلالی نه وگردِ فرشتَه اونَّه با، اِشتَن پرشکوهَه پادیشاهی تختی سَردِرِ بَنشتیَه.

مَتّی 26:64

عیسی جواب داشه: «ته ایسَه اِشتَن واتِرَ! ولی بَشِمَه باتیمَه کن چیمی بَه دوملَه، اینسانی زوعَه بَویندیرون کن خدای قادِری راستَه بالی وَریکا نِشتَه و آستامونی خِرون سَردِرِ آ.»

مَرقُس 14:62

عیسی بَی واتِش: «هِستیمَه، و اینسانی زوعَه بَویندیرون کن خدای قادِری راستَه بالی وَریکا نِشتَه، و آستامونی خِروونَّه بومَیَه.»

مَرقُس 8:38

اِمی خونه کن هر کم اِم زیناکار و گِناخکارَ اودومی دِلَکا، بَمنکا و چمن گَفونکا عار بِدارِ، اینسانی زوعَه نی اَموقه کن اِشتَن آستامونیه دَدَ شکوه جَلالیکا، موقدسَه فرشتَه اونَّه با، اَیکا عار بَداشتیَه.»

رَسولون اَعمال 24:15

اَز نی چَوون شیوار، خدا را اُمید دارِم و ایتقاد دارِم چاکِن و بَدونرا قَیامَتَه روجی هِستَه، دِرِست اِم آدَمون شیوار کن بَی قِبول بَداشتین.

رومی کلیسارا نامه 15:13

ببو، خِدایی کن اومید دَرِ، بَشِمَه خَشیکا و صلح و سلامتی ایی کن ایمانی دِلَکا اَ، پتلَمه بکَرِ، اَنَه کن خدا موقدسَه روح خِنَرینَه، اُمیدیکا کوکورو پَتلَمَه بِبَه.

رومی کلیسارا نامه 5:5

و اِم اُمید داشتِه چَمَه شرمندگی باعیث نیَبِن، چون خدا موحبَت، خدا موقدسَه روح نَه کن اَمَشون دوعَه یه، چَمَه دِلونکاشون ویکَردیَه.

رومی کلیسارا نامه 8:18

چمن نَظَرینَه، اِم زَمانَه عذابن، اَ شکوه جَلالی موقایسَه نَه کن اَمَکا دیارآرَبِن، هیچَه.

اوّلین نامَه قورَنتیانیرا 1:7

هَته کن شمَه چَمه خداوند عیسی مسیح ویگَردستِه مونتَظِریرون، هیچ خَلا ایکا بی نَصیب نیرون.

دوومین نامه قرنتیانیرا 4:4

اِم زَمونه خدا بی ایمانون فکری کورآکَردَشه تا مسیح اِنجیلی شکوه و جلالی نوری کن خدا صَفَتَه، نِوینِن.

دوومین نامه قرنتیانیرا 4:6

چون هَه خِدای کن واتِشَه: «نور ظلَماتی دِلَکا شپَق بژَنِه،» اِشتَن نوری چَمَه دِلونکا دَتاوِنیشَه تا خدا شکوه و جلالی آزنِستِه مَسیح صَفتیکا، اَمه نورانی بکرِ.

نامَه کُولُسی کلیسا را 1:23

اَگَم واقییَن شمه اِشتَن ایمانیکا آمبَست بومونَه و اِنجیلی اَ اومیدیکا تِم مَرَ، هَه اِنجیلی کن آستامونی بَنیکا گردِ مخلوقونرا اییلام بَیَه، و اَز، پولوس، چَی پاسَری آبَه ایمَه.

نامَه کُولُسی کلیسا را 1:27

خدا اِنتَرَ اَپیش بَه اَیِن بَزنن کن غَیر یهودیون دلَکا، اِم راز چِه یالَه شکوه و جلالی بَداشتیَه، اَ راز اِمَه کن مسیح شمَه دلَکا شکوه و جلالی اومیدَ.

نامَه کُولُسی کلیسا را 1:5

اِمِن اَ اومیدی کا سرچشمَه بَگَتی کن آستامونیکا شِمَراشون غَم هَردیَه. اَ اومید کن چیمی بَه نَه چَی خونه حَییقیَه کلامیکا یعنی اِنجیل، درَستَرون،

نامَه کُولُسی کلیسا را 3:4

وقتی مسیح کن شمَه زندَگییَه، اَیر آبو، چَی به دوملَه شمَه نی بَینَه شکوه جَلالینَه اَیر آنَّب.

دوّمین نامَه تَسالونیکی کلیسا را 2:16

ایسَه چَمَه خداوند عیسی مسیح اِشتَن و چَمَه دَدَ خدا، کن اَمه رَی دارییَه و فیضی واسیطنَه اَمَش زَیرونَه آلاویستِه و و چاکَه اومید آداشَه،

دوّمین نامَه تَسالونیکی کلیسا را 2:8

اَموقه اَ بی دینَه مِرد اَیر آرَب، کن خداوند عیسی اِشتَن نَفَسی دَمینَه بَی نیفله آرَکَرد و اِشتَن پور شوکوهه آمِه نَه بَی نیفیت آرَکَرد.

اوّلین نامَه تیموتائوسیرا 1:1

پولوسی طَرَفیکا کن چَمَه نیجات اَدَر و خدا حِکمینَه و چَمَه اومید مسیح عیسی، مسیح عیسی رَسولَه؛

دِوُّمین نامَه تیموتائوسیرا 1:2

چمن خاجَتیَه بَلَه، تیموتائوسیرا: خدای دَدَ و چَمه خداوند مسیح عیسی طَرفیکا فیض و رحمت و صلح و سَلامتی تِرا ببو.

دِوُّمین نامَه تیموتائوسیرا 4:1

اَز، خدا و مسیح عیسی نَه کا کن زندَاون و مردَاون سَردِرِ دیوون بکیَه، و چَی آمِه و چَی پادیشاهی خونه، بَتِه سیفارش بَکم کن،

دِوُّمین نامَه تیموتائوسیرا 4:8

ایسَه بَه دوملَه اَ صالِح بِه تاج مِرا آمادَیَه، تاجی کن خداوند، اَ عادیلَه داور، اَ روجیکا بَمن عطا بکَیه، نِه تاکَه بَمن، بَسکم بَه گِردِ اَیِنی کن چَی اَیر اَبِرا ایشتیاق دارینَه.

نامَه تیتوسیرا 1:2

اِم حَییقت زَیرونه زندَگی اومیدینه یَه کن خدایی کن هرگز دِرو نیَدا، اَولیکا اَش اَمه وَعدَ دوعَیه

نامَه تیتوسیرا 1:4

تیتوسیرا، کن اَ ایمانی واتَنَه کن چَمَه گِردی نصیب بَیَه، چمن حَییقیَه خردَنَه: فیض و صلح و سلامتی خدای دَدَ طَرَفیکا و چَمَه نیجات اَدر عیسی مسیح طَرَفیکا تِرا ببو.

نامَه تیتوسیرا 3:4

ولی وقتی چَمَه نیجات اَدَرَ خدا مِربانی، و چَی موحبت اینسانونرا دیار آبَه،

نامَه، عِبرانیه نَتاجَه مسیحیونرا 9:28

پس مسیح نی کن ایکرَ قربونی بَه تا خَیلیون گناخی نیفیت بکرِ، دوومین کرَرا آ، ولی نِه اِمی خونه کن گناخون نیفیت آکرِ، بَلکَم تا اَیِنی کن ایشتیاقینَه چَی چَم بَرا این، نیجات دوعِه را.

پطروسی اوّلین نامَه 1:3

خدا و چَمه خداوند عیسی مسیح دَدَ موتبارک ببو کن اِشتَن یالَه رَحمتینَه، عیسی مسیح زندَ آبِه واسیطَنَه، مردَاون دلَکا، اَمَش تازَ دِنیا دَگِنستِه ایی بخشِسته، زندَ اومید داشتِه خونه

پطروسی اوّلین نامَه 1:7

تا شمَه ایمانی ایصالَت وَرداوَردیکا ثابیت ببو و عیسی مَسیح ظهور کَردِ روجیرا، ستایش و شکوه جلال و ایحترامی باعیث ببو، هَه ایمان کن طِلِه کا برک با ارزشتَرَ، هر چَنه کن نیفیت آرَبن، ولی آرا نَه وَرداوَرد بَبی.

پطروسی دومین نامه 1:1

شمعون پطروسی طَرفیکا کن عیسی مسیح وَزییَر و رسوله، اَیِنیرا کن خدا عیدالَتی واسیطنَه و چَمه نیجات اَدَر عیسی مسیح خونِه، ایمانی، چَمَه ایمانی شیوار چَوون نصیب بَیَه:

پطروسی دومین نامه 3:18

بَلکَم خداوندی و چَمه نیجات اَدَر عیسی مسیح فیض و آموستِه کا رشد بکرَ، کن چَیرا ایسَه کا تا اَبد شکوه و جلال ببو! آمین.

یوحنا اوّلین نامَه 4:14

و اَمه ویندَمونَه و شاهیدی دَرَم کن دَدَ، اِشتَن زوعَه عَندَشَه تا دِنیا نیجات اَدَر ببو.

یهودا نامه 1:21

و هَه حالیکا کن چَمه خداوند عیسی مسیح رحمتی مونتَظیریرون تا بشِمه زَیرونه زندگیرا هیدایت بکرَ، بَشتن خدا موحبتیکا غَم برَ.

یوحنا موکاشیفَه 1:7

بوینَه، اَ، خِرونَّه آ، هر چَمی بَی بَویندییَه، حتی اَیِنی چَم کن اَشون نیزَنَه ژَ؛ و زَمینی سَردِرِ گِردِ طایفَه اِن چَی خونِه عازیَه بَگَتین. واقییَن کن اِنتَرَ بَبییَه. آمین.