نامَه تیتوسیرا 1:4 - کتاب مقدس به زبان تالشي - گویش مرکزی

⁴ تیتوسیرا، کن اَ ایمانی واتَنَه کن چَمَه گِردی نصیب بَیَه، چمن حَییقیَه خردَنَه: فیض و صلح و سلامتی خدای دَدَ طَرَفیکا و چَمَه نیجات اَدر عیسی مسیح طَرَفیکا تِرا ببو.

کتاب مقدس به زبان تالشی شمالی

⁴ تیتوسی را، که طِبق ایمانی که چَمَه گِردی نصیب بَه، چِمِن حقیقی یَه خِردَن: فیض و صُلح و سلامتی خِدای دَده طرفی کا و چَمَه نجات​دهندۀ مسیح عیسی طرفی کا بَه تِه را با.

نامَه تیتوسیرا 1:4 Iomraidhean Croise

انجیل لوقا 2:11

اِمی خونه کن اومروج داوودِ پادیشا شهریکا، نیجات اَدَری شِمَرا دِنیا آمَه یَه. اَ، وَعَدَ آدوعَه مسیح و خِداوَندَ.»

یوحنا 4:42

اَیِن اَ ژِنی واتِشون: «دِ تاکَه اِشتِه گَفون خونِه ایمان نِوَرَم، اِمی خونه کن اَمه اِشتَن چَی گَفون دَرستَمونهَ و بَموستیمون کن اِم مِرد واقییَن دِنیا نیجات دَرِ.»

رومی کلیسارا نامه 1:12

یعنی تا اَمه یَندِ ایمانیکا دلگَرم آبَم، هِم شِمَه و هِم اَز.

رومی کلیسارا نامه 1:7

گِردِ اَیِنیرا کن شهر رومیکاینَه و خدا خاجَتی اینَه و اَیِنِشون صَلا ژَیَه تا موقدَسونکا آبون: فیض و صلح سلامتی، چَمَه دَدَ، خدا وَریکا، و خداوند عیسی مسیح طَرَفیکا شِمَرا ببو.

دوومین نامه قرنتیانیرا 12:18

اَز تیتوسی کا خاشتو خازِم کَردَ شمه وَر با و چَمه برا نی بَینه عندِمه. مَگَم تیتوس شِمکا بَرَ کردِشه؟ مَگَم اَمه ایلَه روح دلَکا عمل نِکَرَم؟ مَگَم اَمه یندِنَه ایلَه راه نَشیمونَه؟

دوومین نامه قرنتیانیرا 2:13

ولی هَنی تَفشیش بیمه اِمی خونه کن اِشتَن برا تیتوسی پَیدام کَردَ نِبه. پس اَ جِگا آدَمونَّه خداحافیظی کردِمه و منطقه مَقدونیَه را شیم.

دوومین نامه قرنتیانیرا 4:13

کیتاو مزموریکا نوشته آبیه کن: «ایمان وَردِمَه، پس گَفِم ژَ.» هِم ایمان داشتِه روح نَه، اَمه نی ایمان بَداشتیمون و گَف بَژَمون.

دوومین نامه قرنتیانیرا 7:6

اَمّا خِدایی کن چَکِستَه دلون آلاونِه، تیتوسی آمه نَه اَمَش آلاونیشَه.

دوومین نامه قرنتیانیرا 8:16

ولی خدا شِکر بَکَم کن اَ غَیرَتی کن اَز شمَه سَر دارِم تیتوسی دِلیکا نی هِستَه.

دوومین نامه قرنتیانیرا 8:23

تیتوسی خونه نی پی بواجم کن بَشمِه اَ خیدمت کَردِکا چمن شریک و همکارَ؛ و اَز چَمَه برا اون خونه پی بواجم کن اَیِن کلیسا اون فرستادَاِن و مسیح شکوه و جَلا لینَه.

دوومین نامه قرنتیانیرا 8:6

هِمی خونه، تیتوسیکا اَپیمون بَه هَتَه کن چیمی بَه نَه اِشتَن اولین قدمِش پِگتَه به، ایسَه نی خَیرَ کاری شمَه دلَکا تَمون آکَرَ.

نامه غلاطیَه کلیسارا 2:3

ولی حتی تیتوس نی کن بَمنَه دَرِ بَه، با اِمکن یونانی بَه، اَشون مجبور نکردَ کن سِنَت ببو.

نامه غلاطیَه کلیسارا 3:26

اِمی خونه کن مسیحْ عیسی دِلَکا، شِمَه گِرد ایمانی خونِه، خدا زوعَه اِن هِستیرون.

نامه غلاطیَه کلیسارا 3:28

دِ نِه یَهودی مَعنی دارِ نِه یونانی، نِه وَزیَر نِه آزاد، نِه مِرد نِه ژِن، اِمی خونِه کن شِمَه گِرد مَسیح عیسی دِلَکا ایلَه اییرون.

نامَه اَفسوسی کلیسارا 1:2

چَمَه دَدَ، خدا طرَفیکا و خداوند عیسی مسیح طرَفیکا، فیض و صلح سلامتی شمَرا ببو.

نامَه کُولُسی کلیسا را 1:2

بَه موقدسَه آدَمِن و برا اِنی کن مسیح دلَکا وفادارین و شهر کولُسیکا مندینَه: فیض و صلح سلامتی چَمَه دَدَ، خدا طَرفیکا شمَه سَردِرِ ببو.

اوّلین نامَه تیموتائوسیرا 1:12

چَمَه خداوند مسیح عیسی شکر بَکم کن بَمن زبق داشَه و اِمی خونه کن بَمِنِش اَمین اَزنیَه و بَمن اینتِخاب کردشَه کن بَی خیدمت بکَم.

دِوُّمین نامَه تیموتائوسیرا 1:1

پولوسی طَرَفیکا، کن خدا خواستَنه و اَ زندَگی وَعَدَ واتَنه کن مسیح عیسی کارَ، مسیح عیسی رسولَه،

دِوُّمین نامَه تیموتائوسیرا 1:2

چمن خاجَتیَه بَلَه، تیموتائوسیرا: خدای دَدَ و چَمه خداوند مسیح عیسی طَرفیکا فیض و رحمت و صلح و سَلامتی تِرا ببو.

دِوُّمین نامَه تیموتائوسیرا 4:10

اِمی خونه کن دیماس اِم دِنیا رَی داشتِه خونه بَمن آهَشتشَه و شهر تسالونیکیرا شه. کریسکیس غَلاطیَه منطقَه را و تیتوس نی دَلماتیَه منطقه را شَه اینَه.

نامَه تیتوسیرا 1:3

و اَ وَعدَش موناسیبَه وَقتیکا دیار آکَردِش، اَ کلامی اییلام کردِ چَمَه نیجات اَدَر خدا حِکمینَه، چمِن دَست دوعَشه،

نامَه تیتوسیرا 2:13

و چَمَه اَ مِبارَکه اومیدی مونتظیر بومونَم، یعنی چَمَه عَظیمه خدا و چَمَه نیجات اَدَر عیسای مسیح شکوه و جلالی اَیر آبِه،

پطروسی دومین نامه 1:1

شمعون پطروسی طَرفیکا کن عیسی مسیح وَزییَر و رسوله، اَیِنیرا کن خدا عیدالَتی واسیطنَه و چَمه نیجات اَدَر عیسی مسیح خونِه، ایمانی، چَمَه ایمانی شیوار چَوون نصیب بَیَه:

پطروسی دومین نامه 1:11

و اِنترَکه بَشِمَه کامیلا ایجازَ دَرِن، خداوند و چَمه نیجات اَدَر عیسی مسیح زَیرونه پادیشا ایکا دِلَه دَشَه.

پطروسی دومین نامه 2:20

چون اَگَم اَینی کن، خداوند و چَمَه نیجات اَدَر عیسی مسیح آزنِستِه بَه دوملَه، دِنیا فیسادیکا رَخینَه، اَگَم هَنی اَیکا ویلاخِن و شکست برِن، چَوون آخیر چَوون اَوَّلنَکا بدتَر بَبی.

پطروسی دومین نامه 3:18

بَلکَم خداوندی و چَمه نیجات اَدَر عیسی مسیح فیض و آموستِه کا رشد بکرَ، کن چَیرا ایسَه کا تا اَبد شکوه و جلال ببو! آمین.

پطروسی دومین نامه 3:2

تا اَ کلامی کن موقدَسه پَیغمبَرن چیمی بَه نَه واتَشون بَه، و چَمه خداوند و چَمه نیجات اَدری حِکم کن رسولون واسیطنه شِمَشون دوعَیَه، یاد آرَفنَه.

یوحنا اوّلین نامَه 5:14

اِم هه اطمینانیَه کن چَی حِضوریکا دارَم کن هَر موقِه چیی ایی چَی ایرادَ واتنَه درخواست بِکَرَم، اَ چَمَه سَسی دَرَرَست.

یهودا نامه 1:3

اَی خاجَتی اِن، اَگَم چِه بَرکَه ایشتیاق داریمَه تا اَ نیجاتیکا کن گرد اَیکا رَسَت دارَم شِمَرا بنوِسم، ولی لازمم ویندَ اِم چن گِلَه خط نوشتِنَه، شمَکا بپیام، اَ ایمانی کا کن ایکَرَ اوزونیرا موقدسَه آدَمون دست دوعَشونه تقلا بکرَ.