نامَه تیتوسیرا 1:2 - کتاب مقدس به زبان تالشي - گویش مرکزی

² اِم حَییقت زَیرونه زندَگی اومیدینه یَه کن خدایی کن هرگز دِرو نیَدا، اَولیکا اَش اَمه وَعدَ دوعَیه

کتاب مقدس به زبان تالشی شمالی

² اِم حقیقت اَبَدی یَه زِندگی اُمیدی نَه یَه که خِدایی که دوروع نِواجِه، صِفتَه نَه چَیی وَعده اَمَه دوشَه

نامَه تیتوسیرا 1:2 Iomraidhean Croise

مَتّی 25:34

چی بَه دوملَه پادیشا اَیِنی کن چَی راستَ وَریکا هستنینه باتیِه: اَی کَسِنی کن چمن دَدَ شِمَش بَرَکت آدوعَشَه، بِرَ و پادیشاهی‌ایی بَه میراث بِبَرَ کن دِنیا شِرو بِه کا، شمَرا آماده آبَه بَه.

مَتّی 25:46

پس اَیِن زیرونَه عذابیکا دَله دَنَّش، ولی صالحه آدَمِن زَیرونَه زندَگی دَله دَنَش.»

مَرقُس 10:17

وَقتی عیسی کایبَه رادَگِنِستِه، مردی ویریتِه ویریتِه آمَه و چَی نَکا زِنگ ژِشَه اَیکا دَپَرسِستَه: «چاکَ اِستا، پی چبکَرم تا زَیرونَه زندَگی اِرث بِبَرم؟»

مَرقُس 10:30

و اِم دنیاکا صَد بَرابر ویشتَر کَه اِن و برا اِن و خالا اِن و نَنَه اِن و خِردَنِن و اَملاک و اَینَّه، اَیذَت و آزارِن بِدَست مَوَرِ و اَ دنیاکا نی زَیرونَه زندَگی چَی نَصیب مَبو.

یوحنا 10:28

اَزاَوون زَیرونَه زندَگی دَرِم و اَیِن هیچ موقه نیفلَه آنینَّب. هیچ کس نییَشا اَوون چمن بالیکا آبَرِ.

یوحنا 17:2

اِمی خاطر کن تِه گِرِدِ اینسانون سِردِرِ اِشتِه زوعَه زاکین دوعَرَ تا گردِ اَیِنی کن تِه بَی آدوعَرَ، زَیرونَه زندَگی بدَرِ.

یوحنا 17:24

اَی دَدَ، بَپیمه اَیِنی کن تِه بَمن بَخشستَرَ بَمنَه ببون، هَه جگاایکا کن اَز هِستیم، تا چمن جلالی دَیَسن جلالی کن تِه بَمن دوعَرَ، اِمی خونِه کن تِه دِنیا شروو بِه بَه نَ، بَمن رَی داریشَه.

یوحنا 5:39

شمَه موقدّسَ نِوِشتَه اون آوسکَنَه، اِمی خاطر کن فکر بَکَرون چَوون واسیطَنَه زَیرونَه زندَگی دارَ، اِمِن هَه نِوشتَه اِنینَه کن مِرا شاهیدی دَرِن.

یوحنا 6:54

هر کم چمن جَندَکی بَرِ و چمن خونی بِنجِه زَیرونَه زندَگی دارِ و اَز دیوون کَردِ روجیکا اَی زندَ آمَکَرد.

یوحنا 6:68

شَمعون پِطروس جواب داشَه: «آقا چیکی وَر بشَم؟ زَیرونَه زندَگی گَفن، اِشتِه وَریکارَ.

رَسولون اَعمال 15:18

اِم چیی اِنِش گِذَشَتَکا دیار آکَردَشه.“

رومی کلیسارا نامه 1:2

هَه انجیل کن خدا نارتَر، اِشتَن پَیغَمبَرون واسیطَنَه، چَی وَعدَ، مُوقدَسَه نوِشتَه اون دلَکا آدوعَش بَه،

رومی کلیسارا نامه 16:25

ایسَه اَ کن بَشایَه چمن اِنجیل و عیسای مسیح موعِیظَه واتَنَه، بَشِمَه آمبَست آکَرِ، یعنی هنتَه ایلَه نونَکه رازی کن دیار آبَه، کن خَیلی وقت بَه نون بَه.

رومی کلیسارا نامه 2:7

خدا، زَیرونَه زندَگی اَیِنی آرَدا کن، چاکَه کارون اَنجوم دوعه کا صَبرینَه، شکوه و جلال و حورمت و زَیرونَه زندَگی دوملَه این؛

رومی کلیسارا نامه 5:2

اَمه چَی واسیطنَه، و ایمان داشته نَه، اَ فیضی بَه دَست وَردَمونَه، کن ایسَه چَی دِلَکا آمبَستیمون، و خدا شکوه و جَلالی اُمیدی دلَکا خَشی بَکَمون.

رومی کلیسارا نامه 5:21

تا هَته کن گناخ، مَرگی دِلَکاش حکومت کردَ، فیض نی صالِح بِه واسیطنَه حِکومت بکَرِ کن چَمَه خداوند عیسای مَسیح واسیطنَه، زَیرونَه زِندَگیرا، آرَسِه.

رومی کلیسارا نامه 5:4

و صبر، شَخصیَتی سِی آرَکَرد، و شخصیت اُمید داشتِه سِی آرَکَرد؛

رومی کلیسارا نامه 6:23

اِمی خونه کن گناخی مِژد مَرگَه، ولی خدا خَلا، زَیرونَه زندَگی، چَمَه خداوند مَسیح عیسا دلَکارَ.

نامَه کُولُسی کلیسا را 1:27

خدا اِنتَرَ اَپیش بَه اَیِن بَزنن کن غَیر یهودیون دلَکا، اِم راز چِه یالَه شکوه و جلالی بَداشتیَه، اَ راز اِمَه کن مسیح شمَه دلَکا شکوه و جلالی اومیدَ.

اوّلین نامَه تَسالونیکی کلیسا را 2:15

اَیِنیکا کن خداوند عیسی و پَیغَمبرِنشون کِشته و اَمَشون نی بِرنیرا رَندَ. اَیِن خدا راضی آنینَّکرد و گِردِ آدَمونَّه عَدابَت بکَن،

اوّلین نامَه تَسالونیکی کلیسا را 5:8

ولی اَمه اِمی خونه کن روجی شِنیمون، پی هوش ببَم، و ایمان و موحبتی زرِه دکَرَم، و نیجات گَتِه اومیدی هنته کِلاخودی شیوار کلَکا آنَرَم.

اوّلین نامَه تیموتائوسیرا 6:12

ایمانی، چاکَه جنگیکا بجَنگ. اَ زَیرونه زندَگی کن چَیرا بَتِشون خِلِه کردیَه آچیک، و اَی وِرَ شاهیدون حِضوریکا، ایترافِرر کردَ.

اوّلین نامَه تیموتائوسیرا 6:19

اِنترَکه، اِشتَنرا ایلَه گنجی گِرد آنَّکرد کن چَوون آیندَرا آمبستَه هیم بَبیَه، تا بشان اَ چیی ایی کن حَییقیَه زندَگیَه، بَدَست بوعَن.

دِوُّمین نامَه تیموتائوسیرا 1:1

پولوسی طَرَفیکا، کن خدا خواستَنه و اَ زندَگی وَعَدَ واتَنه کن مسیح عیسی کارَ، مسیح عیسی رسولَه،

دِوُّمین نامَه تیموتائوسیرا 1:9

خدای کن اَمَش نیجات دوعَیه و موقدسَه زِندَگیرا خِله کردَشه. اِم چَمَه کارون خونه نییَه، بَسکم چَی اِشتَن فیضی و هَدَفی خونه اَ، کن مسیح عیسی دلَکا، دِنیا اَوَّلنَکا، اَمَش آدوعَیَه،

دِوُّمین نامَه تیموتائوسیرا 2:10

اینتیخاب بَه آدَمون خونه گردِ چییون تاو بوعَمه، تا اَیِن نی اَ نیجاتی کن مسیح عیسیکارَ، اَبَدیَه شکوه و جلالینَه بَدَست بوعَن.

دِوُّمین نامَه تیموتائوسیرا 2:13

اَگَم بی وفا آبَم، اَ وفادار بَمندیَه، اِمی خونه کن نییَشا بَشتن حاشا کردِ.

دِوُّمین نامَه تیموتائوسیرا 2:15

چَتین تقلا بَکه کن خدا حِضوریکا مقبول بَبی، هنتَه پاسَریی ایی شیوار کن خَجالت نییَکَشت و حَییقَتی کَلامی دِرِست بَکار بَگَتی.

نامَه تیتوسیرا 2:13

و چَمَه اَ مِبارَکه اومیدی مونتظیر بومونَم، یعنی چَمَه عَظیمه خدا و چَمَه نیجات اَدَر عیسای مسیح شکوه و جلالی اَیر آبِه،

نامَه تیتوسیرا 2:7

تِه اِشتَن گردِ چییونکا چاکَه کارون خونه سرمشق بب. اِشتَن آموجیکا صاف صادیق و با وَقار بب،

نامَه تیتوسیرا 3:7

تا چَی فِیضینه صالح بَحیساب بِرَم، و طبق اَ اومیدی کن زیرونَه زندَگیرا بَداشتیمون، واریثِن آبَم.

یوحنا اوّلین نامَه 2:25

و اِمَه اَ چیی ایی کن اَ، اَمَش وَعدَ آدوعَیَه، یعنی زَیرونَه زندَگی.

یوحنا اوّلین نامَه 5:20

و اِمی نی بَموستیمون کن خدا زوعَه آمَه و اَمَش فهم بَخشِستَه تا اَ کن حَییقتَه آزنَم، و اَمه چَی دِلَکا هِستیمون کن حَییقته، یعنی چَی زوعَه عیسی مَسیح کا. هَیَه حَییقیه خدا و زَیرونَه زندَگی.

یهودا نامه 1:21

و هَه حالیکا کن چَمه خداوند عیسی مسیح رحمتی مونتَظیریرون تا بشِمه زَیرونه زندگیرا هیدایت بکرَ، بَشتن خدا موحبتیکا غَم برَ.

یوحنا موکاشیفَه 13:8

زَمینی سَر اَمونِن گِرد، اَ اَشیا پرستش اَکَرینَه، یعنی گِردِ اَیِنی کن چَوون نوم زندَگی دفتَریکا، کن اَ وَرَ کن دِنیا خلق بِه اَوَلیکا قربونیی آبَه بَه شِنَه، آمَه نییَه.

یوحنا موکاشیفَه 17:8

اَ اَشیا ویندِر کن مَند بَه، ایسَه دِ نییَه، خَیلی زوو هاویه چالیکا بِرِن آ و نیفلَه آبِرا بَشی. زَمینی سَردِرِ اَمونونکا، اَیِنی کن دِنیا خلق بِه بَه دوملَه چَوون نومی زندَگی دفتَریکاشون نوشتَه نییَه، اَ اَشیا ویندِکا حَیرون آنَّب، اِمی خونه کن اَ مَند بَه، ایسَه دِ نییَه، و بومَیَه.