رومی کلیسارا نامه 9:5 - کتاب مقدس به زبان تالشي - گویش مرکزی

⁵ و بابااِن نی چَوون شِنَه، و مَسیح نی جندَکی لَحاظ چَوون اودومیکارَ، خِدایی کن گِردیکا کفاترَ، اَ زَیرون موتبارَک ببو. آمین.

کتاب مقدس به زبان تالشی شمالی

⁵ و جَدِن نی چَوون شِنی اینه، و مسیح نی از لحاظ جِسم چَوون نَسلی کایَه، خِدایی که گِردی کا کفاتَرَه، اَیی تا اَبَد شُکر بِبو. آمین.

رومی کلیسارا نامه 9:5 Iomraidhean Croise

مَتّی 28:20

و اَوون آموج بِدَر کن، گِردِ چییونی کن بَشمَه فرمون آدوعَمَه اَنجوم بِدَرِن. دَیسه اَز، اوزون تا اِم دِنیا آخیر شمَنه دَرِایمَه!»

مَتّی 6:13

و اَمه وَرداوَردیکا مَوَ، بَلکَم اَ آوشَریکا اَمه اَراخمون. [اِمی خونه کن، پادیشاهی، قودرَت و شکوه وجلال، تا ابد اِشتِنَه. آمین.]

انجیل لوقا 20:44

اَگَم، داوود پادیشا اَی”خداوند“ خِلِه بَکَی، پس چِنتَر بَبیَه کن وَعدَ آدوعَه مسیح داوودِ پادیشا زوعَه ببو؟»

یوحنا 10:30

اَز و دَدَ ایلَه هِستیمون.»

رَسولون اَعمال 20:28

شِمَه حواس بَشتَنکا ببو. و رَمَه اِنی کن خدا موقدسَه روح، بَشِمَه اینتخابِش کردیَه تا چَوون سَریکا بِبَه، حواسِرون اَوونکا ببو. خدا کلیسارا کن اَش اِشتَن خونینَه خِرییَه شَه، شونَه گیری بکرَ.

رَسولون اَعمال 3:13

ابراهیمی خدا و ایسحاقی خدا و یعقوبی خدا، چَمَه بابا اون خدا، اِشتَن پاسَری، عیساش شکوه جَلال آداشَه، هَه کن شِمَه اَی تَسلیم آکَردِرون و پیلاتُس فرمانداری نَکا بَی حاشا ژِرون، هَر چَنَه پیلاتُسی تصمیم اِم بَه کن بَی براخِمونِه.

رومی کلیسارا نامه 1:25

اِمی خونه کن اَیِن اَ حَقیقَتی کن خدا خونِه اَ، دِرو نَه عَوَضِشون آکَردَ و مَخلوقی خالیقی جِگا پَرستِش و خیدمَت کَردِشون، خالِقی کن تا اَبَد پی بَی پرستِش کردِ. آمین.

رومی کلیسارا نامه 1:3

کن چَی زوعَه خونِه اَ، کن جندَکی لَحاظ، داوود پادیشا نَتاجیکا دِنیا دگِنِسته،

رومی کلیسارا نامه 10:12

اِمی خونِه کن یَهود و یونانی دِلَکا فرقی نیَه، چیرا کن هَه خداوند، گِردی خِداوندَ و گِردِ اَیِنی کن بَی خِلِه بَکَنَه، فِرَوونَه بَرَکت آرَدا.

رومی کلیسارا نامه 11:28

اِنجیلی خونه یهودییِن شِمَه غَنیمین؛ ولی خدا اینتخابی خونه، بابااون خاطر، خدا را خاجَتی اینَه.

اوّلین نامَه قورَنتیانیرا 14:16

غَیراَز اِم، اَگَم تِه روح دِلکا کایشَه شِکر واتِه، چِنتَرَ کَسی کن اِشتِه گَفیکا سَر آنییَگِنِست، اِشتِه شکر واتِرا آمین بواجه؟ اِمی خونه کن نییَزنی تِه، چِه کاش واتِه!

دوومین نامه قرنتیانیرا 11:31

خِداوندْ عیسی دَدَ، خدا، کن اَئی تا اَبَد شکر ببو، بَزنیَه کن دِرو نِمَدا.

اوّلین نامَه تیموتائوسیرا 3:16

واقییَن کن دینداری راز بَرک یالَه: اَ جندَکی دَلکا اَیر آبَه، خدا روح واسیطَنه تصدیق به، فرشتَه اِن اَشون ویندَ، قامونرا اییلام بَه، دِنیا دلَکا بَشون ایمان وردَ، و شکوه و جلاینَه، کَفاراشون بردَ.

اوّلین نامَه تیموتائوسیرا 6:15

کن خدا اِمی موناسیبَه وقتیکا اَنجوم آرَدا، اَ کن موتبارکَه و تاکَه حاکیم و شاهون شاه و خداوندون، خداوندَ.

دِوُّمین نامَه تیموتائوسیرا 2:8

عیسی مسیح یاد آرَفَن کن داوود پادیشا اودومیکا بَه و مردَاونکا زندَ آبَه؛ اِنجیلی کن اییلام بَکَمه، اِمه،

نامَه، عِبرانیه نَتاجَه مسیحیونرا 7:24

ولی عیسی تا ابَد کاهینه، اِمی خونه کن تا ابد زندَیه،

یوحنا اوّلین نامَه 5:20

و اِمی نی بَموستیمون کن خدا زوعَه آمَه و اَمَش فهم بَخشِستَه تا اَ کن حَییقتَه آزنَم، و اَمه چَی دِلَکا هِستیمون کن حَییقته، یعنی چَی زوعَه عیسی مَسیح کا. هَیَه حَییقیه خدا و زَیرونَه زندَگی.

یوحنا موکاشیفَه 1:18

اَز، کن زندَایمَه. مَردَ بیم، ولی ایسَه دیَس زیرون زندَایمه و مَردِ و مردَ اون دِنیا اَچَرِن بَمِنکارَ.

یوحنا موکاشیفَه 22:16

«اَز، عیسی، اِشتَن فرشتَه شِمَه وَر عندِمه تا اِم چییون کلیسا اونرا شاهیدی بدَرِ. اَز داوودی رگو و ریشَه و صِبَه اِسترَ ایمَه کن دتاوِستییَه.»

یوحنا موکاشیفَه 22:20

اَ کن اِم چییون خونه شاهیدی دَرِ باتیَه: «یقین، اَز خیلی زوو بومَمَه.» آمین. اَی خداوند عیسی، بِه!

یوحنا موکاشیفَه 5:14

و اَ، چارزندَ مخلوق واتِشون: «آمین»، و اَ پیرِن صفَتینه زَمینی سَردِرِ ویگنِستین و بَی پرستش کردِشون.