رومی کلیسارا نامه 8:7 - کتاب مقدس به زبان تالشي - گویش مرکزی

⁷ چون اَ کن اِشتَن فکری جندَکی سَر آرَنا، خِدانَه عَدابَت بَکَی، چیرا کن خدا شَریعَتیکا فِرمون نیَبَرد و نیَشا نی بَردِ،

کتاب مقدس به زبان تالشی شمالی

⁷ چوم که اَ آدَمی که اِشتَن فیکری جِسمی را بَنای خِدا نَه دِشمَنی بَکَردی، چیرا که خِدا شریعتی کا اِطاعت نِکَرِه و نیمَشا نی بِکَرِه،

رومی کلیسارا نامه 8:7 Iomraidhean Croise

مَتّی 12:34

ای آوشَرِن، شمه کن آوشَریرون، چِنتَر بَشارون چاکَه گَف بِواجَه؟ اِمی خونه کن زون اَچیی ایکا گَف بَژَیَه کن دل اَیکا پَتلَمَیَه.

مَتّی 5:19

پس هر کَم، ایلَه اِم حِکمون گِچَه گِلَه کا، کم اَهَمییَت بیگِرِ و دیَرَ کَسون نی آموج بِدَر کن هِم کاری بکن، آستامونی پادشاهیکا گچ تَرین بَه حیساب آ. ولی هر کَم شریعتی حِکمون اَنجوم بدَرِ و اَوون دیَر کَسون نی آموج بِدَر، آستامونی پادیشاهی دِلَکا یال بَحیساب بومَیَه.

یوحنا 7:7

دِنیا نیَشا شمَه کا نِیفرت بِدارِ اَمّا بَمنکا نیفرَت دارِ، اِمی خونِه کن اَز شاهیدی بَدامَه کن چَی کارِن بَدینَه.

رومی کلیسارا نامه 1:28

هَتَه کن خدا آزنِستِه چَوونرا اَرزِشی نِداریَه، خدا نی اَیِنِش، چَوون مِچِمَه فکریکا آهَشتِش تا اِشتَن بَدَ کارون اَنجوم بِدَرِن.

رومی کلیسارا نامه 1:30

بوهتون اَژَن، خدا غَنیم، پوررو، یالَه نار و قودّینه. آوشَرَ کارون اَنجوم دوعِه را، تازَ راه سَی آنَّکرد و اِشتَن دَدَ نَنَه کا نافِرمونین،

رومی کلیسارا نامه 3:31

پس مَگَم اَمه اِم ایمان داشتِه نَه، شریعتی نیفیت بَکَمون؟ اَلبَت کن نِه! بَلکَم اَمه شریعَتی آمبَست بَکَمون.

رومی کلیسارا نامه 5:10

چون اَگَم هَنگومی کن خِدانَه غَنیم بیمون، و چَی زوعَه مَردِ واسیطنَه، اَمَشون خدا نَه آشتیشون دوعَه، چَدَ ویشتَر ایسَه کن بَینه آشتیکامونَه، چَی زندَگی واسیطنَه نیجات بَگَتیمون.

رومی کلیسارا نامه 7:22

اِمی خونه کن اَز باطِنیکا خدا شَریعَتیکا کیف بَکَم،

رومی کلیسارا نامه 8:4

تا اَ دِرِسته چیی اِنی کن شَریعَت بَپیشَه اَمَکا اَنجوم ببو. اَمَکا کن خدا روح واتنَه زندَگی بَکَمون، نِه جندکی واتَه چییون سَر.

اوّلین نامَه قورَنتیانیرا 2:14

اینسانی کن اِشتَن نفسی دوملَه ببو چییِنی کن خدا روح مَربوطَه قِبول نییَکَرد، اِمی خونه کن چَی نظَریکا نادونییَه، و اَوونکا سَر بَر نییَکَرد، چیرا کن تاکَه، خدا روح نَه بَبی چَوون دِرِست بِه کا، سَر آگِنِسته.

اوّلین نامَه قورَنتیانیرا 9:21

اَیِنی وَریکا کن شَریعَتی حِکمی بَنیکا نینَّه، هنتَه کَسِنی شیوار بیم کن شریعَتی حِکمی بنیکا نیَه تا اَیِنی کن شَریعَتی حِکمی بنیکا نینَّه مسیح را بَدَست بوعَم، «هر چنه کن اِشتَن بی خدا شَریعَت نیمَه، بسکم مَسیح شَریعتیکا فرمون بَبَم.»

نامَه کُولُسی کلیسا را 1:21

شمه نی ایی زمانی خدا نَه خَلک و اِشتَن فکریکا چَی غنیم بیرون، و اِم شمه آوشرَ کارونکا دیار آرَبیَه.

نامَه کُولُسی کلیسا را 2:18

مرزَ کَسی بَشِمَه محروم بَکَرِ اِم ایصرارینَه کن تَنی پی چاک غَم هردِ و فرشتَه اون پی عیبادَت کردِ. اِنتَرَ آدَم تا اِشتَن رویا اون سَر تَکییَه بَکَی، بی دلیل اِشتَن دَدارَ فکرون خونه یالَه نار آرَب.

دِوُّمین نامَه تیموتائوسیرا 3:4

خَیانتکار، بی مولاحیظَه، و غرور اَوون بَگَتییَه کن عَیاشی، خداکا ویشتَر رَی بدارِن.

نامَه، عِبرانیه نَتاجَه مسیحیونرا 8:10

اِمی خونه کن خداوند باتیَه: اِمه اَ عهدی کن اَ روجون بَه دوملَه ایسرائیلی خاندانینه دمَبَست. اِشتَن شریعَتی چَوون فیکرونکا آمَنا، و چَوون دلَون سَردِرِ بَنوِشتیم. و اَز چَوون خدا بَبیمه، و اَیِن چمن قام بَبینَه.

یعقوبی نامَه 4:4

اَی زیناکارِن، نینَّزنی دِنیا نَه رَفِق گیری، خدا نَه عَدابَت کَردِ یَه؟ پس هَر کَم دِنیا نه رفق گیری دوملَیه، بَشتَن خدا غَنیم بَکَی.

پطروسی دومین نامه 2:14

چَوون چَمن زینا کا پتلَمه یَه و گِناخ کَردِرا سیر آنینَّب. اَیِن سِسته جَوانون دوم دَنَّفند و چَوون دِلِن طمع کردِکا اِستا اینَه! اَیِن لعنَتی خِردَنینَه.