رومی کلیسارا نامه 8:10 - کتاب مقدس به زبان تالشي - گویش مرکزی

¹⁰ ولی اَگَم مَسیح شِمَه دِلَکارَ، هَر چَنَه شِمَه جَندَک گِناخ کَردِ خونِه مَردَیَه، اَمّا اِمی خونِه کن صالح بَحیساب آمَه ایرون، خدا روح شِمَرا زِندَگیَه.

کتاب مقدس به زبان تالشی شمالی

¹⁰ امّا اَگم مسیح شِمَه دیلَه کا یَه، هَر چَن شِمَه بَدن گناه واسی مَردَه یَه، امّا چوم صالِح حساب بَییرونه، خِدا روح شِمَه را زِندگی یَه.

رومی کلیسارا نامه 8:10 Iomraidhean Croise

یوحنا 14:23

عیسی جواب داشه: «اَگَم کَسی بَمن رَی بدارِ، چمن گَفون اَنجوم دَرِ، و چمن دَدَ اَی رَی بَداشتیَه، و اَمه چَی ور بومَمون و اَینه بَمَندیمون.

یوحنا 15:5

«اَز اَنگِرَ داریمَه و شمَه اِم داری بَشو خالیرون. هر کَمی کن چمن دلَکا بومونِه و اَز چَی دلَکا، بَرکَه میوَ دَرِ؛ اِمی خونِه کن دور از چمن، نینَّشا هیچ کاری کَردِ.

یوحنا 17:23

اَز چَوون دلَکا و تِه چمن دلَکا تا اَیِن کامیلاً ایلَه آبون تا دِنیا بِزنِه کن ته بَمن رَونَه آکَردَرَ،و هَتَه کن بَمن رَی داری اَوون نی رَی بَداشتیش.

یوحنا 4:14

ولی هر کم اَ آویکا کن، اَز بَی آمَدا بِنجِه، دِ هرگز تشیش آنیَبن، اَ آوی کن اَز بَی آمَدا، چَی دِلَکا ایلَه خونی بَبیَه کن تا زَیرونَه زندَگی، بَگِلِستیَه.»

یوحنا 6:54

هر کم چمن جَندَکی بَرِ و چمن خونی بِنجِه زَیرونَه زندَگی دارِ و اَز دیوون کَردِ روجیکا اَی زندَ آمَکَرد.

یوحنا 6:56

کَسی کن چمن جَندَکی بَردی و چمن خونی بِنتی، اَ چمن دِلَکا بَمَندی و اَز، چَی دِلَکا.

رومی کلیسارا نامه 5:12

پس، هَته کن گناخ ایلَه اینسانی واسیطنَه اِم دِنیا دِلَه دَرمَه، و مَردِ، گِناخی واسیطنَه آمَه، و اِنتَرَکه مَردِ اینسانون گِردی دومنَش گتَه، اِمی خاطر کن گِردی گِناخِشون کردَ

رومی کلیسارا نامه 5:21

تا هَته کن گناخ، مَرگی دِلَکاش حکومت کردَ، فیض نی صالِح بِه واسیطنَه حِکومت بکَرِ کن چَمَه خداوند عیسای مَسیح واسیطنَه، زَیرونَه زِندَگیرا، آرَسِه.

رومی کلیسارا نامه 8:11

اَگَم روحی کن عیساش مَردَاونکا زندَ آکردَ، شِمَکا ببو، اَ کن مَسیح عیساش مَردَاونکا زندَ آکردَ، اِشتَن روح واسیطنَه کن شمَه دلَکارَ، شمَه فانیَه جندَکون نی زندَگی آرَدا.

اوّلین نامَه قورَنتیانیرا 15:45

هَته کن توراتیکا نوشتَه آبَیَه: «اَولین اینسان، یعنی آدَم، زندَ موجود آبَه»؛ آخِرین آدَم، روحی آبَه کن زندَگی دَرِ.

دوومین نامه قرنتیانیرا 13:5

بَشتن وَرداوَرد بکَرَ تا دیَسَه کن ایمانِرون هِسته یا نِه. بَشتن محک بِژنه. یا مَگَم اِمیکا سَرآنینَگِنِست کن عیسی مسیح شمه دَلَکارَ؟ مگَم اِمکن اِم وَرداوَردیکا رَد آبَه.

دوومین نامه قرنتیانیرا 4:11

چون اَمه کن زِندَ ایمونه، اوزون عیسی خونه اَمه مرگی دست بدان تا چَی زندَگی چَمه فانیه تَنیکا دیار آبو.

دوومین نامه قرنتیانیرا 5:21

خدا اَکَن گِناخِش نِه آزنِستَه، چَمَرا گناخ سِی آکَردِش تا اَمه چَی دلَکا خدا صالِح بِه کا شریک آبَم.

نامه غلاطیَه کلیسارا 2:20

اَز مَسیح نَه صَلیبی سَر مَصلوب آبیم، واِم دِ اَز نیمَه کن زندَگی بَکَی؛ بَلکَم مَسیحَه کن چمن دِلَکا زندَگی بَکَی؛ و اِم زَندَگیی کن ایسَه جَندَکیکا دارِم، خدا زوعَه سَر ایمان وَردِ خونِه یَه کن بَمن رَی داری و اِشتَن جانی مرا آداشَه.

نامَه اَفسوسی کلیسارا 3:17

تا ایمان داشتِه واسیطنَه مسیح شمَه دلونکا بومونِه و موحبَتیکا ریشَه بژَنه، و آمبَست آبَه،

نامَه فیلیپی کلیسا را 1:23

اِم دِ وَصَطیکا برکَه چیمَه میمَه کامَه: چیرا کن طَمارزو دارِم اِم دِنیاکا بِشوم و مَسیح نَه بِبوم، اِمی خونه کن اِم خَیلی بِیتَرَ؛

نامَه فیلیپی کلیسا را 3:9

و چَی دِلَکا پَیدا آبوم، نِه اِشتَن صالح گیری نَه کن شَریعَتیکا آ، بَلکَم اَ صالح بِه ایی نَه کن مَسیح ایمانی راه کا بَدَست آ، هه صالح بِه ایی کن خدا کارَ و ایمانی طِبقَه.

نامَه کُولُسی کلیسا را 1:27

خدا اِنتَرَ اَپیش بَه اَیِن بَزنن کن غَیر یهودیون دلَکا، اِم راز چِه یالَه شکوه و جلالی بَداشتیَه، اَ راز اِمَه کن مسیح شمَه دلَکا شکوه و جلالی اومیدَ.

اوّلین نامَه تَسالونیکی کلیسا را 4:16

اِمی خونه کن خداوند اِشتَن، ایلَه حِکمینَه، تتَّه لَسَّنه و فرشتَه اون رَئیسی سَسینَه و خدا زرنا سَسینه، کن آستامونیکا ویرَرا. اَولیکا اَیِنی کن مسیح دلَکا مردَ اینه زندَ آنَّب.

نامَه، عِبرانیه نَتاجَه مسیحیونرا 12:23

و اولین دِنیا آمَه خِردَنون مَجلِسیکا کن چَوون نومِنِشون آستامونیکا نوشتَیَه، و خدایی کن گردی داوَرَ و صالحون روحِن کن کامیل آبَه اینَه،

نامَه، عِبرانیه نَتاجَه مسیحیونرا 9:27

و هته کن تَیین بیَه، اینسان ایکرَ بَمردی و چَی به دوملَه دیوون کردِ بومَی،

یوحنا موکاشیفَه 14:13

اَموقه سَسی آستامونیکا درَستِم کن اَواجیَه، «اِمی بنوس: خَشی اَیِنی حالیرا کن چیمی بَه دوملَه خداوندی دلَکا بَمَردین.» و خدا روح واتش: «واقیین اَیِن اِشتَن زَمَتونکا آلاوین، اِمی خونه کن چَوون اعمال چَوون دوملَه بومَیَه.»