رومی کلیسارا نامه 7:7 - کتاب مقدس به زبان تالشي - گویش مرکزی

⁷ پس چِه بِواجَم؟ مَگَم شَریعَت گِناخَه؟ هیچ موقِه! اِم حالیکا اَگَم شَریعَت نِبَه، سَر آنِگِنیمون کن گِناخ چِچیَه. اِمی خونِه کن اَگَم شَریعَت واتَش نِبَه «طمَع مَکَ» نَشایمونَه سَر آگِنِه کن طمَع کَردِ چِه چییَه.

کتاب مقدس به زبان تالشی شمالی

⁷ بَس چِه بوآجَم؟ مَگم شریعت گناه یَه؟ اَصلا! با اِم حال اَگم شریعت مَبی، نیمَزنیمون که گناه چَه. چوم که اَگم شریعت واتَش نِبَه «طَمع مَکَه»، نیمَزنیمون که طَمع کَردِه چَه.

رومی کلیسارا نامه 7:7 Iomraidhean Croise

مَتّی 5:28

ولی اَز بَه شمَه باتیمَه، هر کَم شهوتینَه ژِنی دَیسِه، هَه موقه کا اِشتَن دلیکا اَینه زینا کَردَشَه.

انجیل لوقا 12:15

عیسی مَردومی واتِشَه: «حواسِرون جَم ببو و هر جور حرص و طَمع کا دوری بکَرَ، اِمی خونه کن اِینسانی زندَگی چَی دارایی وِر گیری خونه نییه.»

انجیل لوقا 20:16

اَ بومَیَه و اَ باغَه وونون نیفیت آرَکَرد، و انگرَ باغی دیَرَ کَسون دَست آرَدا.» وَقتی کن مردوم اِمِشون دَرَستَه واتِشون: «خدا نِکَر!»

رَسولون اَعمال 20:33

چمن چَمِن هیچ کَمی طِلِه یا نِقرَ یا شندِری دوملَه نِبَه.

رومی کلیسارا نامه 13:9

اِمی خونه کن اِم حِکمِن کن «زینا مکَ»، «آدَم مَکِش»، «مَپِتار»، «طمع مَکَه»، و هر دیَرَ حِکمی کن ببو، گِرد اِم کلامیکا خولاصَه آرَبن کن «اِشتِه خَمسوعَه هِنتَه اِشتَن جانی شیوار، موحبت اَکَن.»

رومی کلیسارا نامه 3:20

اِمی خونه کن هیچ اینسانی نیَه کن شَریعَتی اَعمالی اَنجوم دوعِه خونه، خدا چَمیکا صالح بَحیساب با، اِمی خونه کن شَریعَت، گَناخی اَوون آمونِه.

رومی کلیسارا نامه 3:5

ولی اَگَم چَمَه ناراستی خدا راستی دیار آرَکَرد، پی چِه واتِه؟ مگَم خدا ظالیمَه اَموقه کن چَمَه سَر غَضَّب بَگَتی؟ اَز اینسانی شیوار گَف بَژَم.

رومی کلیسارا نامه 4:1

پس اَ چیی ایی خونِه کن ابراهیم پیغَمبَر بَدَست وردِشه، چِه بَبیَه واتِه، اَ کن جندکی لَحاظ، چَمَه بابا بَحیساب آ؟

رومی کلیسارا نامه 4:15

اِمی خونه کن شریعَت خدا غَضَّبی بوعَردی؛ ولی جِگا ایی کا کن شَریعت نیَه، شَریعَتی چاکِنِستِه نی نیَه.

رومی کلیسارا نامه 5:20

ایسَه، شَریعَت آمَه تا گناخ ایضافَ آبو؛ ولی جِگا ایکا کن گناخ وِر آبَه، فیض بَرک ایضاف آبَه.

رومی کلیسارا نامه 6:15

پس چه بِواجَم؟ اِمی خاطر کن شَریعَتی بنیکا نیمون، بَسکم فیضی بِنیکایمون گناخ بکرَم؟ هرگز!

رومی کلیسارا نامه 7:11

اِمی خونِه کن شریعَتی حِکمی واسیطنَه، گَناخ فِرصَتیش پَیدا کردَ و اَینَه بَمنِش گول ژَ و کِشتِش.

رومی کلیسارا نامه 7:13

پس مَگَم اَ چیی کن چاک بَه، چمن مَردِ باعیث آبَه؟ هرگز! بسکم گِناخ اَ چیی کن چاک بَه واسیطَنَه، مَردِ چمن دِلَکا بوجود وَردِشَه تا اِنتَرَکِه آمونِه کن گِناخ، گِناخَه، و شریعَتی حِکمی واسیطنَه دیار آبو کن گِناخی پَلیدگیریی بَرک وِرَ.

رومی کلیسارا نامه 7:5

چون زمانیکا کن جندَکیکا زندَگی اَکَریمون، چَمَه نفس کن گِناخینَه پَتلَمه بَه، شریعَت اوون جیکو دَروَری، و چَمَه جندَکی اَعضا، کار اَگِری تا مَرگیرا بَرَ بِدرَم.

رومی کلیسارا نامه 7:8

ولی گِناخ شَریعَتی اِم حِکمیکا ایلَه فرصَتی پَیداش کردَ، تا هَر مودیل طَمَع چمن دِلَکا بوجود بوعَرِ. چون جِدا شَریعَتیکا، گِناخ مَردَیَه.

اوّلین نامَه قورَنتیانیرا 15:56

مَرگی گَشتِه گِناخَه و گناخی زبق شریعتَه.

نامَه اَفسوسی کلیسارا 5:3

ولی شمَه دلَکا، بی عیفتیکا یا هر مودیل ناپاکیکا یا طمَع کا حتی گَفی مژَنه، اِمی خونه کن اِمِن موقدسَه آدَمون شئَنیکا نیَه.

نامَه کُولُسی کلیسا را 3:5

پس، هر چیی ایی کن شمَه وِجودیکا زَمینی شنَه، بکشَه، یعنی بی عیفتی، جیفینین بِه، هوا و هوس، بدَ پیستَه چییِن و طمع کن هَه بوت پرستیَه.

اوّلین نامَه تَسالونیکی کلیسا را 4:5

نِه اَ غَیر یَهودییِنی شیوار کن خدا آنینَزنی، شهوت و هَوا هَوَسیکا؛

نامَه، عِبرانیه نَتاجَه مسیحیونرا 7:19

اِمی خونه کن شریعَت هیچ چیی ایی ایش کامیل آنِکَردَ. ولی اَوَریکا چاکَه اومیدی اَمَش آمونِسته کن چَی واسیطنَه خدا کا نِزِک آبَم.