رومی کلیسارا نامه 7:5 - کتاب مقدس به زبان تالشي - گویش مرکزی

⁵ چون زمانیکا کن جندَکیکا زندَگی اَکَریمون، چَمَه نفس کن گِناخینَه پَتلَمه بَه، شریعَت اوون جیکو دَروَری، و چَمَه جندَکی اَعضا، کار اَگِری تا مَرگیرا بَرَ بِدرَم.

کتاب مقدس به زبان تالشی شمالی

⁵ چوم اَ موقعی که اَمَه جِسمی دیلَه کا زندگی بَکَردیمون، چَمَه هَوا هَوَس که گناه‌ نه پُور بَه، که شریعت اَوون دَس بَگتی، چَمَه اَعضا دیلَه کا کار بَکَردی تا مرگی را ثمر بواَرَم.

رومی کلیسارا نامه 7:5 Iomraidhean Croise

مَتّی 15:19

چون دلیکارَ کن، پَلیدَ فِکرِن، آدَم کِشتِه، زینا، بی‌ عِفَتی، پِتارستِه، دِروعَه شهادت و توهمَت سرچشمَه بَگَتی.

یوحنا 3:6

اَچی ایی کن جِسمیکا دِنیا با، جِسمانیهَ؛ و اَچیی کن روح کا دِنیا با، روحانیه.

رومی کلیسارا نامه 1:26

اِمی خاطر خدا نی اَیِنِش چَوون شَرم آوَرَ شَهوَتیکا آهَشتِش. اِمی خونه کن چَوون ژِنِن، طَبیعیَه رابِطَه اون غَیرِ طَیبعیَه رابِطَه اونَّه عَوَض آکَردِشون.

رومی کلیسارا نامه 3:20

اِمی خونه کن هیچ اینسانی نیَه کن شَریعَتی اَعمالی اَنجوم دوعِه خونه، خدا چَمیکا صالح بَحیساب با، اِمی خونه کن شَریعَت، گَناخی اَوون آمونِه.

رومی کلیسارا نامه 4:15

اِمی خونه کن شریعَت خدا غَضَّبی بوعَردی؛ ولی جِگا ایی کا کن شَریعت نیَه، شَریعَتی چاکِنِستِه نی نیَه.

رومی کلیسارا نامه 5:20

ایسَه، شَریعَت آمَه تا گناخ ایضافَ آبو؛ ولی جِگا ایکا کن گناخ وِر آبَه، فیض بَرک ایضاف آبَه.

رومی کلیسارا نامه 6:13

اِشتَن جَندَکی اَعضا گناخی دَست آنِدَرَ تا نادِرِستی اَساس آبون، بَسکم هِنتَه اَیِنی شیوار کن مَردِ کا زِندَگیرا ویگَردِستَه اینَه، بَشتَن خدا دست آدَرَ تا شمه جَندَکی اَعضا خدا دَستیکا، راستی وسیله آبون.

رومی کلیسارا نامه 6:19

اَز اینسانی زبانینَه بَشِمنَه گَف بَژَم، اِمی خونه کن اینسانیرون و شمَه جندَک عِجِزَ. هَتَه کن چیمی بَه نَ اِشتَن جَندَکی اَعضا، هنتَه وَزییَری شیوار، ناپاکی و بی قانونی کن روج بَه روج ایضاف آرَبیَه، دَست آدارون، پس ایسَه اَوون صالِح بِه وَزییَریرا آدَرَ کن چَی آخیر قودَّوسیَته.

رومی کلیسارا نامه 6:21

پس اَموقه، اَ کارونی اَنجوم دوعِه کا کن ایسَه اَوونکا شَرم دارَ، چِه بَرَ ایی بَردِرون؟ اِمی خونه کن اَ کارون اَنجوم دوعِه آخیر مَرگَه!

رومی کلیسارا نامه 6:23

اِمی خونه کن گناخی مِژد مَرگَه، ولی خدا خَلا، زَیرونَه زندَگی، چَمَه خداوند مَسیح عیسا دلَکارَ.

رومی کلیسارا نامه 7:23

ولی دییَرَ قانونی چمن جَندَکی اَعضاکا بَویندیمَه کن اَ، شَریعَتینَه کن چمن عقِل اَی قِبول بَکَی، بَجَنگِستی و بَمن شریعتی گِناخیکا ویلاخنِه، کن چمن جَندَکی اَعضاکا دَرِ.

اوّلین نامَه قورَنتیانیرا 15:56

مَرگی گَشتِه گِناخَه و گناخی زبق شریعتَه.

دوومین نامه قرنتیانیرا 10:3

اِمی خونه کن هر چَنه جندَکیکا زندَگی بکَمون، ولی طبق جندَک نِجَنگَم.

نامه غلاطیَه کلیسارا 3:10

چون اَیِنی کن بَپیشون شَریعَتی کارون اَنجوم بدَرِن، گِرد لَعنَتی بِنیکاین، چیرا کن کیتاو توراتیکا نِوِشتَه آبَه یَه: «لَنَت ببو هَر کی کن گِردِ چییِنی کن کیتاو و شَریعَتیکا نِوِشتَه یَه آمبَست مبو و اَنجوم نِدَرِ.»

نامه غلاطیَه کلیسارا 5:24

اَیِن کن مَسیح عیسی شِنین، جندَکی چَی هَوَا و هَوَس و مِیلون نَه صَلیبی سَر دَرا کِنِستَشونَه.

نامَه اَفسوسی کلیسارا 2:11

پس یاد آفَنه کن بَشِمَه ایی زمانی غَیر یهودیون «سِنَت آنِبَه» خِلِه اَکَرین، و بَشتن «سِنَت آبَه» بَموستین- ایسَه اِمکن چَوون سِنَت بِه تاکَه جندَکی سرَ کن اینسانی بالینَه اَنجوم بیَه-

نامَه اَفسوسی کلیسارا 2:3

اَمه نی گرد ایی زمانی چَوون دِلَکا اِشتَن جندَکی هوا و هَوسی دِلَه زندَگی اَکَریمون و چَمه جندَکی خواستَه اِن و فکرون اَنجوم اَدَریمون؛ هنته دییَرَ کَسون شیوار، اِشتَن ذاتی سَر، خدا غَضَّبیکا محکوم آبیمون.

نامَه کُولُسی کلیسا را 3:5

پس، هر چیی ایی کن شمَه وِجودیکا زَمینی شنَه، بکشَه، یعنی بی عیفتی، جیفینین بِه، هوا و هوس، بدَ پیستَه چییِن و طمع کن هَه بوت پرستیَه.

نامَه تیتوسیرا 3:3

اِمی خونه کن اَمه نی، ایی زمان نافَم و نافِرمون و گومراه بیمون، همه مودیل هواهَوس و خَشیون وَزییَربیمون؛ و کینَه کا و زِرَ بردِ کا زندَگی اَکَریمون. مردوم اَمکا بیزار بینَه و اَمه نی یَندِ کا.

یعقوبی نامَه 1:15

چَی بَه دومله وقتی کن هوا هَوس گون آرَبن، گِناخ بَزَندی و گِناخ نیی وَقتی کامیلا یال آبو، مَردِ دِنیا بوعردی.

یعقوبی نامَه 4:1

چِه چیی ایی شِمَه دِلَکا جَنگِستِه و ژِژِ راست آبِه باعیث بَبی؟ مَگم شِمَه هوا و هَوسون خونه نییَه کن شمَه وِجودی دِلَکا کاینَه جَنگِستِه؟

یوحنا اوّلین نامَه 3:4

هَر کَم گِناخیکا زندَگی بَکَی، شَریعَتی زِرَبَرا عَمَل بَکَی؛ گِناخ شَریعَتی قانونی چاکنستِه اَ.