رومی کلیسارا نامه 5:5 - کتاب مقدس به زبان تالشي - گویش مرکزی

⁵ و اِم اُمید داشتِه چَمَه شرمندگی باعیث نیَبِن، چون خدا موحبَت، خدا موقدسَه روح نَه کن اَمَشون دوعَه یه، چَمَه دِلونکاشون ویکَردیَه.

کتاب مقدس به زبان تالشی شمالی

⁵ و اِم اُمید چَمَه خِجالتی باعیث نییَب، چوم خِدا محبت، روح القدسی واسطه نَه که بَمون آدوعَه بییَه، چَمَه دیلون دیلَه کا ویکَردَه بییَه.

رومی کلیسارا نامه 5:5 Iomraidhean Croise

رَسولون اَعمال 10:45

اَ ایمان دارِنی کن سِنَت بِه رسمی دارین یعنی اَیِنی کن چَوون نَسَب یهودی بَه پطروسینَه آمَه بین، وقتی ویندِشون خدا موقدسَه روح خَلا، حتی غَیر یَهودیون سَر نی ویرمیَه، حَیروون مَندین.

رَسولون اَعمال 2:17

«‌”خدا باتی: آخِرین روجون دِلَکا اِشتَن روح کا گِردِ آدَمون سَردِرِ ویمَکَرد. شِمَه زوعَه اِن و کِلَه اِن، پیشگویی بَکَنَه، شِمَه جَوانِن رؤیااون بَویندینَه و شِمَه پیرَ آدَمِن خاوِن بَویندین

رَسولون اَعمال 2:33

عیسی خدا راستَه بالی طَرَفیراشون کفا بَردَ و اَ آستامونیَه دَدَکا، خدا موقدسَه روح کن وَعدَ آدوعَش بَه ویگَتِش و چَمه سَردِرِ ویکَردِش، هِم کن ایسَه بَویندیرون و کان دَرَستِه.

رومی کلیسارا نامه 1:7

گِردِ اَیِنیرا کن شهر رومیکاینَه و خدا خاجَتی اینَه و اَیِنِشون صَلا ژَیَه تا موقدَسونکا آبون: فیض و صلح سلامتی، چَمَه دَدَ، خدا وَریکا، و خداوند عیسی مسیح طَرَفیکا شِمَرا ببو.

رومی کلیسارا نامه 8:28

بَموستیمون اَیِنی حَقیکا کن خدا رَی بَداشتینَ و چَی ایرادَنَه خِلِه بَه اینَه، گِردِ چیی اِن چَوون خِیری یَتیرا کار بَکَنه.

رومی کلیسارا نامه 9:33

هَتَه کن اِشعَیای پَیغمبَری کیتاویکا نِوِشتَه آبَه یَه کن: «دَیَس، صَهیونیکا سِه ایی آمَنا کن لِسکیستِه باعیث بَبی، و کازَ مَغاری کن ویگِنستِه باعیث بَبو؛ وهَر کَم کن بَی ایمان بوعَرِ، شرمندَ آنیَبِن.»

اوّلین نامَه قورَنتیانیرا 8:3

ولی اَکَن خدا رَی بَداشتیَه، خدا بَی آرَموست.

دوومین نامه قرنتیانیرا 1:22

واِشتَن مُهری چَمه سَر ژَشه و اِشتَن روح، هنته بَیانه شیوار چَمَه دلونکاش آنوعَیَه.

دوومین نامه قرنتیانیرا 13:14

خداوند عیسی مسیح فیض، خدا موحبت و خدا موقدسَه روح رَفاقَت، شِمَه گِردینَه دَرِ ببو.

دوومین نامه قرنتیانیرا 3:18

و اَمه گِرد بی نیقابَ صَفتینَه، خداوندی شکوه وجَلالی، هَتَه کن آوَینَه ایکا، دَیسَم، هَه شکلی شیوار، جلالیکا دییَرَ جلالیرا کن ویشتَر آرَب عوَض آمونَب؛ و اِم خِداوندیکا شِروو بَبی کن، روحه.

دوومین نامه قرنتیانیرا 4:6

چون هَه خِدای کن واتِشَه: «نور ظلَماتی دِلَکا شپَق بژَنِه،» اِشتَن نوری چَمَه دِلونکا دَتاوِنیشَه تا خدا شکوه و جلالی آزنِستِه مَسیح صَفتیکا، اَمه نورانی بکرِ.

نامه غلاطیَه کلیسارا 4:6

پس وَقتی کن شمه خِردَنِنیرون، خدا اِشتَن زوعَه روح، چَمَه دِلون دلَکا آناشَه کن سَس آرَدا «اَبّا، دَدَ.»

نامه غلاطیَه کلیسارا 5:22

ولی خدا روح ثمَرَ، موحبَت، خَشی، صلح و سلامتی، صَبر، مِرَبانی، چاکی و وَفاداری

نامَه اَفسوسی کلیسارا 1:13

و شمه نی چَی دلَکا، وقتی کن حَییقتی کَلامی، کن هَه شمَه اِنجیل نیجاتَه درَستِرون و بَی ایمانِرون وردَ، ؛ خدا موقدسَه روح نَه کن وعَدَشون دوعَه یَه مُهر بیرون،

نامَه اَفسوسی کلیسارا 4:30

خدا موقدسَه روح کن اَینَه رخِستِه روجیرا مُهر بَه ایرون، برضَخ آنِکرَ.

نامَه فیلیپی کلیسا را 1:20

هَته کن ایشتیاقینه اینتظار بَکَشتیم و اُمیدِم هِستَه کن هیچ چیکا سَر اَفکَندَ آنیمَب، بَلکَم کَامیلَه جورئَتینه، ایسَه نی اوزونی شیوار، مَسیح چمن تَنیکا جَلال بگَتی، چِه مَرگیکا و چِه زِندَگیکا.

اوّلین نامَه تَسالونیکی کلیسا را 4:8

پس، هر کَم اِمی رَد بکَرِ، نِه کن اینسان، بَسکم خدایی کن روح القودوسی بَشِمَه آرَدا، رَد آکردشَه.

دوّمین نامَه تَسالونیکی کلیسا را 2:16

ایسَه چَمَه خداوند عیسی مسیح اِشتَن و چَمَه دَدَ خدا، کن اَمه رَی دارییَه و فیضی واسیطنَه اَمَش زَیرونَه آلاویستِه و و چاکَه اومید آداشَه،

دِوُّمین نامَه تیموتائوسیرا 1:12

اِمی خاطِرَ کن اِنتَرَ عذاب بَکَشتیم، ولی عارِم نییَه، چیرا کن بَموستیمَه کیکا ایمان وردَمه و قانع آبَه ایمه کن اَ، بَشایَه اَ چیی ایی کن چمن دَستِش دوعَیَه تا اَ روج غَم بَرِ.

یوحنا اوّلین نامَه 4:19

اَمه موحبَت بَکَمون چون اَ، اَوَلیکا، اَمَش موحبت کردَ.