رومی کلیسارا نامه 5:12 - کتاب مقدس به زبان تالشي - گویش مرکزی

¹² پس، هَته کن گناخ ایلَه اینسانی واسیطنَه اِم دِنیا دِلَه دَرمَه، و مَردِ، گِناخی واسیطنَه آمَه، و اِنتَرَکه مَردِ اینسانون گِردی دومنَش گتَه، اِمی خاطر کن گِردی گِناخِشون کردَ

کتاب مقدس به زبان تالشی شمالی

¹² بَس، هَتَه که گناه ایلَه آدَمی واسطه نَه اومَه اِم دنیا دیلَه، و گناه واسطه نَه، مرگ اومَه، و اِنتَه مرگ گِردِ آدَمون دومنی گِتِشَه، چوم که گِرد گناه کَردِشونه-

رومی کلیسارا نامه 5:12 Iomraidhean Croise

رومی کلیسارا نامه 3:23

اِمی خونِه کن گِرد، گناخِشون کردَیه و خدا شکوه و جلالی نَکا کم بوعَردین.

رومی کلیسارا نامه 5:18

پس هَته کن ایلَه گناخ گِردِ اینسانون مَحکوم بِه باعیث بَه، ایلَه صالِحَه کار نی، گِردِ آدَمون، زندَگی داشتِه و صالح بَحیساب آمِه، باعیث بَبییَه.

رومی کلیسارا نامه 5:19

چون هَتَه کن ایلَه آدَمی گناخی خونِه، خَیلیِن گناخ کار آبین، ایلَه اینسانی ایطاعَتی خونِه نی خَیلیِن صالح آنَّب.

رومی کلیسارا نامه 5:21

تا هَته کن گناخ، مَرگی دِلَکاش حکومت کردَ، فیض نی صالِح بِه واسیطنَه حِکومت بکَرِ کن چَمَه خداوند عیسای مَسیح واسیطنَه، زَیرونَه زِندَگیرا، آرَسِه.

رومی کلیسارا نامه 6:21

پس اَموقه، اَ کارونی اَنجوم دوعِه کا کن ایسَه اَوونکا شَرم دارَ، چِه بَرَ ایی بَردِرون؟ اِمی خونه کن اَ کارون اَنجوم دوعِه آخیر مَرگَه!

رومی کلیسارا نامه 6:23

اِمی خونه کن گناخی مِژد مَرگَه، ولی خدا خَلا، زَیرونَه زندَگی، چَمَه خداوند مَسیح عیسا دلَکارَ.

اوّلین نامَه قورَنتیانیرا 15:56

مَرگی گَشتِه گِناخَه و گناخی زبق شریعتَه.

نامَه اَفسوسی کلیسارا 2:3

اَمه نی گرد ایی زمانی چَوون دِلَکا اِشتَن جندَکی هوا و هَوسی دِلَه زندَگی اَکَریمون و چَمه جندَکی خواستَه اِن و فکرون اَنجوم اَدَریمون؛ هنته دییَرَ کَسون شیوار، اِشتَن ذاتی سَر، خدا غَضَّبیکا محکوم آبیمون.

یعقوبی نامَه 1:15

چَی بَه دومله وقتی کن هوا هَوس گون آرَبن، گِناخ بَزَندی و گِناخ نیی وَقتی کامیلا یال آبو، مَردِ دِنیا بوعردی.

یعقوبی نامَه 3:2

چون اَمه گِرد وِرَ راهون دلَکا خَطا بَکمون. اَگَم کَسی اِشتَن گَف ژِ کا خَطا نِکرِ، کامیلَه اینسانیَه و بَشایَه گِردِ اِشتَن تنی ناری گَته.