رومی کلیسارا نامه 5:10 - کتاب مقدس به زبان تالشي - گویش مرکزی

¹⁰ چون اَگَم هَنگومی کن خِدانَه غَنیم بیمون، و چَی زوعَه مَردِ واسیطنَه، اَمَشون خدا نَه آشتیشون دوعَه، چَدَ ویشتَر ایسَه کن بَینه آشتیکامونَه، چَی زندَگی واسیطنَه نیجات بَگَتیمون.

کتاب مقدس به زبان تالشی شمالی

¹⁰ چوم اَگم اَ موقعی که خِدا نَه دِشمَن بیمونَه، و چَیی زوعَه مرگی واسطه نه خِدا نَه آشتی دوعَه بیمونَه، چِندی وِرتَر حِسَه که اَیی نَه آشتی کا ایمونه، چَیی زِندگی واسطه نَه اَمَه نجات پیدا بَکَردیمون.

رومی کلیسارا نامه 5:10 Iomraidhean Croise

یوحنا 14:19

کَمه زَمانی کن دَیوَرِ دِنیا دِ بَمن نیویند اَمّا شمَه بَمن بَویندیرون، اِمی خونه کن اَز زِندَایمَه، شمَه نی زندَگی بَکَرون.

یوحنا 5:26

چون هَته کن دَدَ اِشتَن دِلکا زندَگیی دارِ، بَه زوعَه نی عطا کردَشَه تا اِشتَنکا زندَگی بِدارِ.

یوحنا 6:40

اِمی خونه کن خواست چمن دَدَ اِمه کن هر کم زوعَه دَیَسه و بَی ایمان بوعَرِ زَیرونَه زندگی بِدارِ، و اَز دیوون کَردِ روجیکا اَی زَندَ آمَکَرد.»

یوحنا 6:57

هَته کن دَدَ ای کن زندَگی بَبخشستی بَمن رَونَه آکَردِشَه و اَز دَدَ خونِه زِندَایمَه، پس هَرکم کن بَمنکا بَردی، اَ نی چمن خونِه زندَ بَبیَه.

رومی کلیسارا نامه 11:28

اِنجیلی خونه یهودییِن شِمَه غَنیمین؛ ولی خدا اینتخابی خونه، بابااون خاطر، خدا را خاجَتی اینَه.

رومی کلیسارا نامه 5:11

نِه تاکَه اِم، بَسکَم اَمه چَمَه خداوند عیسای مَسیح واسیطنَه، خدا آشتی چَمَه نصیب آبَه، و خدا دِلَکا نی خَشی بکَمون.

رومی کلیسارا نامه 5:6

چون هَنگومی کن اَمه هَنوزَنی عِجِز بیمون، مسیح چاکَه موقِه بی خدا اون خونِه، اِشتَن جانی آداشَه.

رومی کلیسارا نامه 8:32

اَ کن اِشتَن زوعَه دَریغ نِداشتِش، بَلکَم بَش چَمَه گِردی راکا فدا کَردِش، بَبیَه گِردِ چییون دستو دیلبازینَه اَمه آنِدَرِ؟

رومی کلیسارا نامه 8:34

کیَه کن اَوون مَحکوم بکَرِ؟ مَسیح عیسی کن مَردَ، و نِه تاکَه اِم، بَسکَم ، مَردَاونکا زندَآبه و خدا راستَه بالی وَریکا نِشتَه، هَیَه کن چَمَه گِردیرا شَفاعَت بَکَی!

رومی کلیسارا نامه 8:7

چون اَ کن اِشتَن فکری جندَکی سَر آرَنا، خِدانَه عَدابَت بَکَی، چیرا کن خدا شَریعَتیکا فِرمون نیَبَرد و نیَشا نی بَردِ،

دوومین نامه قرنتیانیرا 5:20

پس اَمه مسیح سَفیرِن نیمون، خدا اِشتَن پیستَه چیی اَمَنَه اَنجوم دَرِ. اَمه مَسیح طَرَفیکا بَشِمکا خاشتو خازِمونه کن خدانَه آشتی بکرَ.

دوومین نامه قرنتیانیرا 5:21

خدا اَکَن گِناخِش نِه آزنِستَه، چَمَرا گناخ سِی آکَردِش تا اَمه چَی دلَکا خدا صالِح بِه کا شریک آبَم.

نامَه اَفسوسی کلیسارا 2:16

و هر دِ تَنی دلَکا خِدانَه آشتی بدرِ، اِشتَن صلیبی واسیطنَه کن چَی سَردِرِ عَدابَتِش کِشتَه.

نامَه اَفسوسی کلیسارا 2:3

اَمه نی گرد ایی زمانی چَوون دِلَکا اِشتَن جندَکی هوا و هَوسی دِلَه زندَگی اَکَریمون و چَمه جندَکی خواستَه اِن و فکرون اَنجوم اَدَریمون؛ هنته دییَرَ کَسون شیوار، اِشتَن ذاتی سَر، خدا غَضَّبیکا محکوم آبیمون.

نامَه، عِبرانیه نَتاجَه مسیحیونرا 2:17

پس لازم بَه کن اَ هر چیی ایکا هنته اِشتَن برا اون شیوار آبو، تا ایلَه بخشندَ و وفادارَ یالَه کاهین خدا خیدمتیکا آبو، تا قامی گناخون بخشِستِرا کفّارَ بدرِ.

نامَه، عِبرانیه نَتاجَه مسیحیونرا 7:25

پس عیسی بَشایَه اَیِنی کن چَی واسیطَنه خداکا نِزِک آنَّب کامیلا نیجات بدَرِ، اِمی خونه کن اَ اوزون زندَیَه تا چَوون خونه شفاعت بکرِ.

یوحنا اوّلین نامَه 2:1

چمن گِچَه خردَنن، اِم چییون شِ‍مَرا بَنوشتیم تا گِناخ نِکَرَ. ولی اَگَم کَسی گِناخی کَردِشَه، دَدَ وریکا ایی نفر هِسته کن چَمَه شیفاعتی بکرِ، یعنی عیسی مَسیحِه صالح.

یوحنا اوّلین نامَه 4:10

موحبَت هِمَه، اَمه خِدامون موحبت کردَ نی، بَسکَم اَ اَمَش موحبَت کَردَ و اِشتَن زوعَه عَندِشَه تا چَمَه گِناخون کَفّارَ ببو.

یوحنا موکاشیفَه 1:18

اَز، کن زندَایمَه. مَردَ بیم، ولی ایسَه دیَس زیرون زندَایمه و مَردِ و مردَ اون دِنیا اَچَرِن بَمِنکارَ.