رومی کلیسارا نامه 3:9 - کتاب مقدس به زبان تالشي - گویش مرکزی

⁹ پس پی چِه واتِه؟ مَگَم چَمَه یَهودیون وَضع غَیرِ یَهودیون کا بِیتَرَ؟ نِه، اصلا! اِمی خونه کن چیمی بَه نَ ایدعامون کَردَیه کن گِرد، یهود و غَیرِ یَهود، هَر دِ گِناخی باری بِنی کاینَه.

کتاب مقدس به زبان تالشی شمالی

⁹ بَس چِه بَسی واتِه؟ مَگم چَمَه یَهودیون وضع و اوضاع، غیر یَهودیون کا چاکتَرَه؟ نِه اَصلا! چوم که پیشتَری اِدعا کَردِمونه که گِرد، یَهود و غِیریَهود هَر دِ گناه باری جیری کا اینَه.

رومی کلیسارا نامه 3:9 Iomraidhean Croise

انجیل لوقا 7:39

وَقتی کن صَلا اَژَنَه فَریسی اِمی ویندشَه اِشتنهَ واتِش: «اَگَم اِم مِرد واقییَن پَیغَمبَرَ، سَرآگِنیه اِم ژِن کن اَی دَست آسا بَکَی کیه و چِنترَ ژِنیَه. اِمی خاطِر کن اَ گِناخکارَ ژِنیَه.»

رومی کلیسارا نامه 1:18

اِمی خونه کن خدا غَضَّب، هَر مودیل بی خدایی و اینسانون ناراستی سَردِرِ کن اِشتَن ناراستینَه حَقیقَتی نیفیت بَکَن، آستامونیکا ویرَرا.

رومی کلیسارا نامه 11:32

اِمی خونه کن خدا گِردیش نافِرمونی اسیر کردَ، تا گِردی سَر رحم بکَرِ.

رومی کلیسارا نامه 11:7

چَی به دوملَه چِه؟ اِمکن اَ چیی کن اسرائیلی قام اِشتیاقینَه چَی بِه دَست وَردِ دوملَه بَه، بِه دَست نِوَردِش. اَیِنی کن اینتخاب آبه بینه، بَدَستِشون وَردَ و دییَرون دِل سخت آبینَه.

رومی کلیسارا نامه 2:1

پس تِه اَی اینسانی کن دییَری دیوون بَکَش، هَر کَسی بِبی هیچ رِقی نِداری. چون وقتی کن ایی نَفری دیوون بَکَشَه، بَشتَنِر مَحکوم کَردَرَ؛ چون تِه اَی دیوون اَکَر، تِه نی هَه کاری اَنجوم بَداشَه.

رومی کلیسارا نامه 3:1

پس یَهودی بِه فایدَ چِه چیَه؟ ویا سِنَت بِه را چِه اَرزِشی هِستَه؟

رومی کلیسارا نامه 3:19

ایسَه بَموستیمون اَ چیی کن شَریعَت باتیَه اَیِنی را یَه کن شَریعَتی بِنی کاینَه و تا هَر گَویی دَبَستَه آبو و گِردِ دِنیا خدا نَکا جواب پس آنَّدا.

رومی کلیسارا نامه 3:5

ولی اَگَم چَمَه ناراستی خدا راستی دیار آرَکَرد، پی چِه واتِه؟ مگَم خدا ظالیمَه اَموقه کن چَمَه سَر غَضَّب بَگَتی؟ اَز اینسانی شیوار گَف بَژَم.

رومی کلیسارا نامه 6:15

پس چه بِواجَم؟ اِمی خاطر کن شَریعَتی بنیکا نیمون، بَسکم فیضی بِنیکایمون گناخ بکرَم؟ هرگز!

رومی کلیسارا نامه 7:14

چون اَمه بَموستیمون کن شریعت روحانیَه، ولی اَز جسمانیَه اینسانیمَه و هنته وَزییَری شیوار، گِناخی خِرَتَه آبَه ایمَه.

اوّلین نامَه قورَنتیانیرا 10:19

پس چمن مَنظور چه چییَه؟ هَردَ چیی ایی کن بوتی تقدیم بَکَن با اَرزِشَه یا اِمکن بوت اِشتَن با اَرزِشَه؟

اوّلین نامَه قورَنتیانیرا 14:15

پس پی چِبکَرِم؟ چمن روح نَه دِوا بَکَم و عقلینَه نی دوا بَکَمه؛ چمن روحنَه ستایش کردِ سِرودی بَخَندیم ولی عَقلینَه نی ستایش کردِ سِرودی بَخَندیمَه.

اوّلین نامَه قورَنتیانیرا 4:7

اِمی خونه کن، کی بَتِه، ایی جور دییَر کا ویندِ؟ چِرهِستَه، کن بَتِه بَخشِستَشون نیه؟ پس اَگَم بتِشون بَخشِستَه یَه، پس چیرا هنته ایفتخار بَکَشه کن اینگار اِنتَرَ نی؟

نامه غلاطیَه کلیسارا 3:10

چون اَیِنی کن بَپیشون شَریعَتی کارون اَنجوم بدَرِن، گِرد لَعنَتی بِنیکاین، چیرا کن کیتاو توراتیکا نِوِشتَه آبَه یَه: «لَنَت ببو هَر کی کن گِردِ چییِنی کن کیتاو و شَریعَتیکا نِوِشتَه یَه آمبَست مبو و اَنجوم نِدَرِ.»

نامه غلاطیَه کلیسارا 3:22

ولی موقدسَه نوشتَه اِن اییلاموِشون کردیَه کن گِرد گِناخی دلَکا ویلاخیستَه این، تا اَ وَعدَ کن عیسی مَسیح سَر ایمان داشته راه نَه یَه، اَیِنی آدوعِه ببو کن ایمانِشون وَردیَه.

نامَه فیلیپی کلیسا را 1:18

پس چه؟ اِم مُهیمَّه کن هَر جوریَه، مَسیح ایلام ببو، چِه نِیت دِرِست ببو، چِه نادِرِست! و اَز اِمی خونِه خَشی بَکَمه. ها و هَنی خَشی بَکَمَه،