رومی کلیسارا نامه 3:2 - کتاب مقدس به زبان تالشي - گویش مرکزی

² خَیلی، هَر لَحاظیکا. اَوَل اِمکن خدا کَلام، یَهودیون دَست اَمانَتِشون دوعَه یَه.

کتاب مقدس به زبان تالشی شمالی

² هَر لحاظی کا وِر. اوّل اِم که خِدا کلام، اَمانتی دَسپَرده بییَه یَهودیون.

رومی کلیسارا نامه 3:2 Iomraidhean Croise

یوحنا 5:39

شمَه موقدّسَ نِوِشتَه اون آوسکَنَه، اِمی خاطر کن فکر بَکَرون چَوون واسیطَنَه زَیرونَه زندَگی دارَ، اِمِن هَه نِوشتَه اِنینَه کن مِرا شاهیدی دَرِن.

رَسولون اَعمال 7:38

اِم هَه موسی اَ کن وَیاوونیکا جَماعَتینَه دَرِ بَه. و اَ فرشتَه اینَه کن کوه سیناکا بَینَه گَف ژِشه همراه، و هِم چَمَه بابا اون همراه بَه. موسی، زندَگی بخشَه کَلامیش ویگَتَه تا چَمَرا آراسِنِه.

رومی کلیسارا نامه 1:2

هَه انجیل کن خدا نارتَر، اِشتَن پَیغَمبَرون واسیطَنَه، چَی وَعدَ، مُوقدَسَه نوِشتَه اون دلَکا آدوعَش بَه،

رومی کلیسارا نامه 2:18

تِه کن چَی ایرادَ بَموستیش و اِمی خونِه کن شَریعَتیکا آموج گَتَرَ، چاکَه چیون اینتخاب بَکَش،

رومی کلیسارا نامه 3:1

پس یَهودی بِه فایدَ چِه چیَه؟ ویا سِنَت بِه را چِه اَرزِشی هِستَه؟

رومی کلیسارا نامه 3:3

اَگَم بَعضی اَوونکا اَمین نِبینَه، چِه پی واتِه؟ چَوون وَفادار نِبِه، خداوندی وَفاداری هیچ آرَکَرد؟

رومی کلیسارا نامه 9:4

اَیِن ایسرائیلی‌اینَه و اَگیَه زوعَه گیری، شکوه وجلال، عَهدِن، شریعتی اَیِنِشون دوعه، پرستش و وَعدَ اِن، گِردِ اِمِن چَوون شِنَه؛

اوّلین نامَه قورَنتیانیرا 9:17

اِمی خونه کن اَگَم اِشتَن مِیلینَه اِم کاری اَنجوم اَدَریمه، پاداش ویرَگِریمَه؛ ولی اَگَم چمن میلینَه مبو، تاکَه اِشتَن وَظیفه اَنجوم دوعَمه.

دوومین نامه قرنتیانیرا 5:19

یعنی، خدا مسیح دِلَکا دِنیاش بَشتنه آشتی اَدَریَه، و مردومی گِناخون چَوون حیساب نَوَریه، و آشتی پَیغومی چَمه دست آداشَه.

نامه غلاطیَه کلیسارا 2:7

بَسکَم بَر عَسکیرا، اَیِن سَر آگِنینَه کن غَیرِ یَهودیونرا اِنجیلی خشَه خبَری اییلام کردِ چمن دَست دوعَشونه، هَتَه کن اِنجیلی خشَه خبَری اییلام کردِ یهودیونکا پِطروسی دَست دوعَشونَه.

اوّلین نامَه تیموتائوسیرا 6:20

تیموتائوس، اَ امانتی کن اِشتِه دَست دوعَشونه، غَم بَه. دَدارَ گَفونکا و زِرَبَرا اَ فکرونکا کن ایشتباهی اَوون مَریفَت باتینَه کا، رَت آب؛

نامَه، عِبرانیه نَتاجَه مسیحیونرا 5:12

چون هر چَنَه کن شمَه تا ایسَه پی موعلیم آبَه بیرون، ولی موحتاجیرون کن ایی نفر خدا کلامی ایبتدا اییَه اصولی هنی بَشمَه آموج بدَ. شمه هنوزَنی شِتِرون بَپیست، نِه سَنگینَه غذا.

پطروسی اوّلین نامَه 4:11

هر کَم گَف بَژَیَه، هنته خداوندی شیوار گف بِژنه؛ و هر کَم خیدمت بَکیَه، اَ زبقینَه کن خدا بَبَخشِستی خیدمت بکرِ، تا گِردِ چییونکا، عیسی مسیح واسیطَنه، خدا شکوه و جلال بیگِرِ. شِکوه و جلال و سلطنت تا اَبد و تا ابد چَی شِن ببو. آمین.

یوحنا موکاشیفَه 19:10

چَی بَه دومله چَی پابِن برگِنِستیم تا بَی پرستِش بکَم. ولی بَمِنش واتَه: «انترَ مکه! اِمی خونه کن اَز تِنَه و اِشتِه برا اونَّه کن عیسی شهادتیکا آچیکه این، هم خیدمتیم. خدا پرستش بکَه!» اِمی خونه کن عیسی شهادت، پیشگویی روحَه.»

یوحنا موکاشیفَه 22:6

فرشتَه بَمِنِش واتَه: «اِم گفِن راستینَه و بَبی بَی ایتماد کردِ. خداوند، پَیغَمبرون روحون خدا، اِشتَن فرشتَه عندِشه تا اَ چیی ایی کن پی زوو ایتفاق دگنِه، اِشتَن پاسَرییون آمونِه.»