رومی کلیسارا نامه 2:9 - کتاب مقدس به زبان تالشي - گویش مرکزی

⁹ هرکَم کن بَدَ کارون اَنجوم بدَرِ، رنج و عَذاب چَی رسَت آرَب، اَوَلیکا یَهود و چَی بَه دوملَه غَیر یهود.

کتاب مقدس به زبان تالشی شمالی

⁹ هَر کسی که بَدَه کارون اَنجام بِدَه، رَنج و عَذاب چَیی نصیب بَبی، اوّل یَهود و دومله غِیریَهود.

رومی کلیسارا نامه 2:9 Iomraidhean Croise

مَتّی 16:26

اینسانیرا چه فایدَ ایی دارِ کن گردِ دِنیا بدارِ اَمّا اِشتَن جانی از دست بدَرِ؟ اینسان اِشتَن جانی عَوَض چِه بَشایَه دوعِه؟

انجیل لوقا 24:47

و چَی نومینَه، گردِ میلَتونرا توبه کردِ و گناخون بَخشِستِه پی اییلام ببو، و اِم کار شهر اورشَلیمیکا شِروو بَبی.

رَسولون اَعمال 11:18

وقتی اَیِن اِم گَفِنِشون درَستَه، دَمِریستین و خِداشون سِتایِش کَردَ، و واتِشون: «پس خدا غَیر یهودییون نی فرصَت دوعَشه تا اِشتَن گِناخونکا توبَه بِکَن و زَیرونَه زندَگی بَه دَست بوعَن!»

رَسولون اَعمال 13:26

«اَی برا اِن، اَی ابراهیم پَیغمبری اودومی خِردَنن، و اَی خدا تَرسِنی کن اِم جِگاکا مَندیرون! اِم نیجات اَدَرَ پَیغوم، چَمَرا رَونَه آبَه یَه.

رَسولون اَعمال 20:21

هِم یَهودیون وهِم یونانیونرا، شاهیدی دامَه کن پی توبَه نَه خدا طَرَف آگَردِن و چَمَه خداوند عیسای مَسیح کا ایمان بوعَرن.

رَسولون اَعمال 26:20

بَسکَم اَوَل دَمِشقیون دِلَکا، چَی بَه دوملَه اورشَلیمیکا و گِردِ یهودی وِلَتیکا، و هِنتَه غَیر یَهودیون دِلَکا اِم پَیغومی اِییلام کَردِمَه کن پی توبَه بِکَن و خدا طرَف آگَردِن و اِشتَن رفتارینَه آمونن کن توبَشون کردیَه.

رَسولون اَعمال 28:17

سه روجی بَه دوملَه، پولوس یَهودی یالون خِلِه کَردِشَه. وَقتی جَم آبین، اَیِنِش واتَه: «برا اِن، با اِمکن اَز اِشتَن قام یا چَمَه بابااون رَسمون زِرَ بَرا کاری کَردَم نِبَه، بَمن اورشَلیمیکا ویلاخِنیشونَه و رومیون بال آداشون.

رَسولون اَعمال 28:28

«پس بِزنَه کن، خدا نیجات، غَیرِ یَهودیون وَر رَونَه آبَه یَه و اَیِن گوش بَکَنَه!»

رَسولون اَعمال 3:26

هَنگومی کن خدا اِشتَن پاسَری، عیساش اینتخاب کَردَ، اَوَلیکا اَی شِمَه وَر رَونَه آکَردِشَه تاهر کِرَمی شِمَکا بَرَکَت بدَرِ، و اِم کارینَه بَشِمَه، شِمَه آوشَرَ راهونکا آگاردِنِستِش.»

رومی کلیسارا نامه 1:16

اِمی خونه کن اَز اِنجیلیکا عار ندارِم، چیرا کن اِنجیل، هَر کَمی نیجات دوعِه را کن ایمان بوعَرِ، خدا زبقَه، اَوَلیکا یَهود و چَی بَه دوملَه غَیر یَهود.

رومی کلیسارا نامه 10:12

اِمی خونِه کن یَهود و یونانی دِلَکا فرقی نیَه، چیرا کن هَه خداوند، گِردی خِداوندَ و گِردِ اَیِنی کن بَی خِلِه بَکَنَه، فِرَوونَه بَرَکت آرَدا.

رومی کلیسارا نامه 2:10

ولی اَیِنی کن چاکی بَکَنه، خدا شکوه و جَلال و حورمت و صلح و سلامتی چَوون رَسَت بَبیَه، اَوَل یهود و چَی به دوملَه غَیر یَهود

رومی کلیسارا نامه 8:35

کیَه کن اَمه مَسیح مُحبَتیکا تاک آکَرِ؟ غَرّ یا تَته وَسّه، اَیذَت و آزار یا قحطی، لوت گیری یا خطر یا شمشیر؟

رومی کلیسارا نامه 9:24

حتی اَمه نی کن چَی طَرَفیکا خِلِه بَه ایمونَه، شامل بَبی، نِه تاکَه یَهودیونکا، بَلکَم غَیرِ یَهودیونکا نی هتَیَه.

نامه غلاطیَه کلیسارا 3:28

دِ نِه یَهودی مَعنی دارِ نِه یونانی، نِه وَزیَر نِه آزاد، نِه مِرد نِه ژِن، اِمی خونِه کن شِمَه گِرد مَسیح عیسی دِلَکا ایلَه اییرون.

نامَه کُولُسی کلیسا را 3:11

اِم تازَ اینسانیکا، نِه یونانی یا یهودی، نِه سِنَت بَه یا سِنت آنِبَه، نِه بَربَر یا سُکایی، نِه وَزییَر یا آزاد دِ معنی ایی نیشَه، بَسکم مسیح همَه چییَه و گِردی دِلَکارَ.

دوّمین نامَه تَسالونیکی کلیسا را 1:6

چون واقییَن خدارا اِم عادیلانَیَه کن اَیِنی کن بَشِمَه عَذاب دَرِن، عذابینَه عوَض بدَرِ،

پطروسی اوّلین نامَه 4:17

چون اَ زمان آرَرَست کن دیوون کَردِ خدا کَکا شِرو ببو؛ و اَگَم چَی شِروو اَمَکا ببو، پس اَیِنی کن خدا اِنجیلیکا ایطاعَت نینَّکَرد چَوون آخیر چِه بَبیَه؟